Roma 15:29 - En Taar Weru a nunuwu' é Tontemboan

²⁹ Kailekanku, sa aku mangé meta'up ang karapi miow, tantu paalianku oka mangé ai camu keli kamang i Kristus.

Roma 15:29 ပူးပေါင်းရင်းမြစ်များ

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Roma 15:23

Taan intarépé' en tawoienku an tampa-tampa itu linekepkuo, wo pirao ngata'un lumangkoi anio' aku masalé' keli maangé ai camu.

Roma 15:32

Wo sa mémang icasalé' i Amang Kasuruan, ro'nao aku maangé ai camu ang karapi in arui en até, wo aku makéré ing kaketeran im paémanen an uner iow.

2 Korintus 1:15

Ampa'paan im paémanen ituo, asi kataré aku imawasao maangé ing karua ai camu wosama' kéréan iow en upus tatambér makarua lumepet.

Efesus 1:3

Irayoo mangé si Amang Kasuruan, Amang i Apo'ta Yesus Kristus! Si Amang Kasuruan itumambéro mai ai cita pakasa ing kamang sé an sorga owo, ampa'paan kita meesao wo si Kristus.

Efesus 3:19

Pekiupusenku, ro'na kaangéan iow en upus i Kristus itu, mandé ka'i en upus-Na itu ra'ica kaangéan. Wo in taniitu em peri-peri i Amang Kasuruan wutan oka ang katouan iow.

Efesus 3:8

An uner im pakasa é tou le'nas, yakuo si wawa' keli, taan ampa'paan in upus aitambérai itu, yaku sinisiro eng kumua a sé tou ra'ica Yahudi andumoro' ing kawangko' i Kristus si ra'io ka'i cakua,

Efesus 4:13

akar kita im baya maesa am paémanen wo makatuus si Toyaang i Amang Kasuruan. Wo an in taniitu, em paémanenta makawangkoo wo menguré-nguré kita mamuali oka kaputé i Kristus.