Roma 15:26 - En Taar Weru a nunuwu' é Tontemboan

²⁶ Ampa'paan sé jamaat a Makedonia wo an Akhaya lumi'uso roit em béé a sé tou lengéi an uner é tou le'nas an Yerusalem.

Roma 15:26 ပူးပေါင်းရင်းမြစ်များ

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Matius 26:11

Ampa'paan sé tou lengéi tatap ang karapi miow wo séra ro'na tawangen iow. Taan Aku ra'io uré mewali-wali wo icamu.

Lukas 14:13

Anaé, sa ko méma' im pésta kuman wo melep, enoteno mangé sé tou lengéi, sé tou ra'ica lekep en owak, sé tou késo' wo sé tou wola.

Lukas 6:20

Wo sérén i Yesus sé murit-Na wo kumua, “Pakakamangen kamu sé tou lengéi, ampa'paan icamuo e makaanu ing Kakolanoan i Amang Kasuruan.

Kisah Para Rasul 16:12

A Neapolis kami maya' mangé an Filipi. Eng kota itu, kota penting a Makedonia, panangkéian é tou Roma. Wo kami mento' am bitu wayake' im pira ngando eng kauréna.

Kisah Para Rasul 16:9

Mawengi mai, si Paulus pinapaturu'an i Amang Kasuruan. Asi pinapaturu'an itu sérénna, awéan esa tou an sangkum i Makedonia makatulung wo mekiupus ai sia, “Mayoo am bia'i wo tawangenai kami!”

Kisah Para Rasul 18:12

Taan an tutuw i Galio mamualio gubernur an Akhaya sé tou Yahudi meesa até en tumangka' si Paulus. Kumawus in itu sia paalin éra am pengadilan.

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 9:13

Isowat i Ananias, “O Tuang, pinalingakuo asé tou keli andumoro' sia. Keliano sé tou le'nas-Mu an Yerusalem sé niokoina.

1 Korintus 16:15

Poo-poow, tantu katuusano miow si Stefanus wo sé pamaléna. Séra itu, sé tou kataré-taré mape'dis wo maémano a si Yesus an Akhaya. Wo séra imééo in owak an tawoien en sumelewir sé tou le'nas.

1 Korintus 16:5

Intarépé' aku mawasao maangé a Makedonia. Sa e Makedonia pinakali'cirkuo, aku maai oka ai camu ang Korintus.

2 Korintus 1:16

En ulitna yaku mawasa maangé woo ai camu am bawayaanku an sangkum i Makedonia, wo an tutuwku maré- ngo mai, tumuli oka ai camu, wosama' kamu ro'na sumémbong a yaku lumala'us im bawayaan maangé an Yudea.

2 Korintus 11:9

Wo an tutuwku lengéi an uner iow, ra'ipé' kawisa mako aku sumusa mandé esake' tou ai camu. Pakasa sé paperlunku tinu'tul é poo-poow an esa paémanen sé imai a Makedonia owo. Tinéiranku sumama-sama' en owakku wosama' aku ra'ica mamuali pamuléngen iow an sapa-sapaanke', wo émaanku oka melala'us tanu siitu.

2 Korintus 2:13

Taan aku ra'ica makaaté in sama', ampa'paan a mangé mbitu aku ra'ica meta'up wo si poowta Titus. Anaé, aku mapermisi a sé tou asi tampa itu wo mangé a Makedonia.

2 Korintus 7:5

An tutuw ami icateka' a Makedonia ka'i, pakasa en owak ami wutu-wutul ra'ica makapendam in elur. Am bisa-wisake' ipengapeta'up ami eng kasusaan: awéan kaperéndéran ang kesot wo awéan kaindé'an an até ami.

2 Korintus 9:12

Ampa'paan en tatawang si aiwéé miow anio' ra'ica asalo mawes sé imaina' asé tou le'nas, taan méma' oka keli en tou kumua i makapulu'sama' a si Amang Kasuruan.

2 Korintus 9:2

Ampa'paan kailekankuo kamu masalé' mengatawang, wo kamu aitirayokuo a sé jamaat a Makedonia. Ipakuaku ai séra sapaoka kamu an sangkum in Akhaya tu'tulo méé in doit tatawang tumo'tolke' mai asi ta'un ilumangkoi. Wo eng kaincayaan iow imuwaso in até é kinakelian ai séra e mekiit méé roit tatawang.

2 Korintus 9:4

Ampa'paan sa awéan tou a Makedonia kumiit ang karapiku maai ai camu sa, wo sérén éra sapaoka kamu ra'ipé' tu'tul, kami e malawi'. Ampa'paan aicua amio ai séra sapaoka kamu wutu-wutul percayan ami. Wo kamu ka'i in esa e malawi'.

Filipi 4:15

Poo-poowku tou Filipi, an tutuwku in tumela'u icamu a Makedonia wo aku tumo'tolo kumua in Abar Kaaruien andumoro' i Yesus Kristus an tampa walina, ra'ica wana jamaat mandé in esake' e méé in tatawang a yaku, wayake' icamu.

1 Tesalonika 1:7

Wo in taniitu kamu mamuali paandéan é tou maéman a si Yesus an sangkum i Makedonia wo an Akhaya.

1 Tesalonika 1:8

Ampa'paan en taar i Casuruan icaseraro tumo'tolo mai ai camu wo akar an sangkum i Makedonia wo ra'ica am bituke' taan imakaro ka'i an sangkum in Akhaya. Wo ra'ica asaloke' andumoro' in taar pengakua miow taan ka'i en abar andumoro' im paémanen iow a si Amang Kasuruan icaseraro am pakasa in tampa. Ampa'paan in ituo kami ra'io wana torona eng kumua in sapa-sapa, ampa'paan pinalingao é tou em paémanen iow.

1 Tesalonika 4:10

Ampa'paan, en itu aituru'o miow waya a sé poo-poow sé maéman am pakasa in sangkum i Makedonia. Taan é poo-poow, uli-ulit pekiupusenku wosama' kamu mauli-ulit mengaupus sé tou walina.

1 Timotius 1:3

An tutuwku maangém a Makedonia, pangilekenku ko mentoo mio' an Efesus. Am bitu ko ro'na sumina'u sé tou masusui in sususuien ra'ica wutul, wosama' yento' érao masusui in sususuien sé ra'ica wutul itu.

Filemon 1:5

ampa'paan liningakuo en abar andumoro' im paémanenmu a si Apo' Yesus wo andumoro' in upusmu a sé pakasa é tou le'nas.