Roma 15:25 - En Taar Weru a nunuwu' é Tontemboan

²⁵ Taan, intarépé' aku ang karoro'an i maangé an Yerusalem e maali in sumbangan a sé tou le'nas a mangé mbitu.

Roma 15:25 ပူးပေါင်းရင်းမြစ်များ

Kisah Para Rasul 18:21

Mandé ka'i taniitu, cuana, “Sa énan i Amang Kasuruan, tantu aku maréng oka mai sumawel ai camu.” Kumawus in itu, itela'una en Efesus.

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 20:16

Si Paulus masalé' keli rior icateka' an Yerusalem, ampa'paan icasalé'na asi endo wangko' Pentakosta sia a mangéo mbitu. Ampa'paan in itu ra'ica kiimna en tumuli an Efesus wosama' en témpona ra'ica maka'pu an Asia.

Kisah Para Rasul 20:22

Intarépé' aku maangém an Yerusalem ampa'paan airu'du' i Roh Le'nas. Ra'ica kailekanku sapa e mamuali a yaku a mangé mbitu.

Kisah Para Rasul 24:17

Ampa'paan piraano ngata'un aku an tampa walina, yaku maréngai an Yerusalem e mai méé roit ipatawang a si bangsaku Yahudi sé menonou ang kalengéian wo ka'i méé raragésan a si Amang Kasuruan am Balé Le'nas.

Kisah Para Rasul 9:13

Isowat i Ananias, “O Tuang, pinalingakuo asé tou keli andumoro' sia. Keliano sé tou le'nas-Mu an Yerusalem sé niokoina.

Roma 12:13

Tawangeno mangé sé tou le'nas sa awéan em paperlun éra, wo tatapke' materima sé tou sé masalé' lumosér am balé miow.

1 Korintus 16:4

Sa weroten iow loorke' sa aku maangé, maangé oka aku mewali-wali wo iséra.

2 Korintus 8:4

Séra meki-kiupus ai cami sa woo ro'na séra kumiit méé ipatawang a sé tou le'nas an Yerusalem, ampa'paan en itu kamang ai séra.

2 Korintus 8:6

Ampa'paan in ituo, linesé' ami si Titus mangé ai camu wo lumekep in sumuun in doit ipatawang anio'. Ampa'paan siao eng kataré tumo'tol in tawoien anio' an uner iow.

Galatia 2:10

Wo séra asalo tumaar ai cami wosama' kasake' in tumawang sé tou lengéi. En itu uli-ulit icasalé'ku émaan.

Ibrani 6:10

Ampa'paan si Amang Kasuruan itu ra'ica marapit, ra'ica ilupa-Na sapa sé tinawoio miow torona Sia. Wo ra'ica ilupa-Na ka'i eng kaupusan ipaturu' miow ai Sia an tutuw iow matawang sé tou le'nas indior akar intarépé'.