Roma 15:19 - En Taar Weru a nunuwu' é Tontemboan

¹⁹ wo en tuu-tuus kakaya'kaan sé niéma'ku maké ing kawasa i Roh Le'nas. En Abar Kaaruien andumoro' i Yesus Kristus itu aicuakuo waya a sé tou, tumo'tolai an Yerusalem akar an Ilirikum.

Roma 15:19 ပူးပေါင်းရင်းမြစ်များ

Matius 12:28

Taan sa Aku musér si sétang maké ing kawasa i Roh i Amang Kasuruan, en ulitna si Amang Kasuruan Kumawasao tanu Kolano an uner iow.

Yohanes 4:48

Icua i Yesus ai sia, “Sa ra'ipé' sinéré miow en tuu-tuus wo eng kakaya'kaan, ra'ipé' percayan iow.”

Kisah Para Rasul 1:8

Taan an tutuw i Roh Le'nas tumumpa mai ai camu, kamu makéré oka kawasa. Wo kamu mamuali oka sairi andumoro' Yaku an Yerusalem, am pakasa in Yudea wo an Samaria wo akar an tempok ing kayo'baan.”

Kisah Para Rasul 13:14

Wo am Perga itu, si Paulus wo sé kara-karapina lumala'us ka'i im bawayaan éra akar icateka' an Antiokhia an sangkum im Pisidia. Asi endo Sabat séra muntep wo lumukut am balé paapo'an é agama Yahudi.

Kisah Para Rasul 13:51

Taan itangkar i Paulus wo si Barnabas en awu ang kécéi éra an dior é tou itu, en itu mamuali tata'néi sapaoka sé tou itu ukumen oka i Amang Kasuruan. Kumawus in itu séra in dua mangé an Ikonium.

Kisah Para Rasul 14:10

Wo si Paulus rumoma' in taangko' ai sia, “Tumulungo!” Wo sia makala'us lumo'tic tumulung wo tumo'tolo menguru-nguri mawaya'.

Kisah Para Rasul 14:20

Taan, an tutuw é tou maéman am bitu matulung wo lumi'cir sia, makala'us sia tumulung wo muntep sumawel an Listra. Asi woondona mai, sia mangé an Derbe mewali-wali wo si Barnabas.

Kisah Para Rasul 14:25

Am Pamfilia, séra kumua in Abar Kaaruien andumoro' i Yesus Kristus am Perga wo séra meros an Atalia.

Kisah Para Rasul 14:6

Taan kailekano éra in dua em pawasa-wasan léwo' itu. Ampa'paano in itu séra sumingkir angé ang kota-kota an Likaonia. Eng kota-kota itu, Listra wo en Derbe wo an tampa-tampa walina an sangkum itu.

Kisah Para Rasul 15:12

Kelinga in itu, pakasa sé tou am bitu makala'us menes. Wo lingan éra si Paulus wo si Barnabas sumisil andumoro' im pakasa in tuu-tuus sé ra'io icakua wo sé kakaya'kaan sé niéma' éra ampa'paano ing kawasa i Amang Kasuruan an uner é tou ra'ica Yahudi.

Kisah Para Rasul 16:18

En itu niéma' i wéwéné itu akar im piraan ngando, akar si Paulus ra'io ka'i makalesen. Ampa'paano in itu si Paulus maréng in somoi wo kumua a si roh léwo' si rumasuk si wéwéné itu, “Ang karapi i ngaran i Yesus Kristus peréntanku, kumesot ko ai sia!” Asi témpo ituke' si roh léwo' itu makala'us kumesot asi wéwéné itu.

Kisah Para Rasul 17:10

Asi wengi ituke', sé tou maéman an Tesalonika rumu'du' si Paulus wo si Silas mangé am Berea. Wo an tutuw éra icateka' mangé am bitu, séra mangé am balé paapo'an é agama Yahudi.

Kisah Para Rasul 17:15

Wo si Paulus iwali é tou en suméngkot akar ang kota Atena. Kumawus in itu, sé tou itu maréng angé sumawel am Berea ang karapi i maali-ali in taar i Paulus wosama' si Silas wo si Timotius mario-rior mai ai sia ang kota Atena.

Kisah Para Rasul 18:1

Kekawus in itu, si Paulus tumela'u in Atena wo mangé ang Korintus.

Kisah Para Rasul 18:19

Kumawus in itu séra suméngkot wo icateka' an Efesus. Am bitu tela'u i Paulus si Priskila wo si Akwila. Wo sia in esa mangé muntep am balé paapo'an é agama Yahudi wo memaa-maar ang karapi éra andumoro' si Yesus.

Kisah Para Rasul 19:1

An tutuw i Apolos ang Korintusé', si Paulus maya'o mangé an doo-roong an sangkum ing Galatia wo am Frigia wo icateka' an Efesus. Am bia'i, sia meta'up wo piraan tou sé maémano.

Kisah Para Rasul 20:20

Taan aku kasake' tumawang icamu wosama' em paémanen iow mengawe-ngawes. Pakasa aicuakuo wo aisusuikuo ai camu an dior é tou keli wo ka'i am balé-walé.

Kisah Para Rasul 20:6

Kekawus in endo wangko' Roti Ra'ica Rinagian, kami tumela'u in Filipi wo suméngkot angé an Troas. Lima ngando eng kauréna em bawayaan ami wo kami meta'up wo iséra sé rumioro itu wo kami mento' pitu ngando eng kauréna.

Roma 15:13

Pekiupusenku a si Amang Kasuruan si palemboian im paarapen, e méé mai ing kaaruian wo ing kaeluran si mawuta-wuta ampa'paan kamu maéman ai Sia, wosama' eng kaketeran i Roh Le'nas lumepe-lepet ai camu, am paarapen a si Amang Kasuruan.

Roma 15:16

Yaku mamuali ata maselewir a si Kristus Yesus e mengakua in Abar Kaaruien andumoro' i Yesus Kristus a sé tou ra'ica Yahudi. En tawoienku tanu in tawoien é imam si mengawéé i raragés, ampa'paan aku makawali sé tou ra'ica Yahudi a si Amang Kasuruan wosama' séra teriman-Na tanu raragés si casalé'-Na wo si line'naso i Roh Le'nas.

Roma 15:24

Anaé, em paarapenku ro'na woo tumuli wo meta'up ang karapi miow a Roma an tutuw aku maangé an Spanyol, akar en atéku uli-ulit arui mewali-wali wo icamu a mangé mbitu. Kekawus in itu, kamu ka'i paarapenku ro'na tumawang yaku an tutuw aku lumala'us im bawayaanku maangé an Spanyol.

1 Korintus 2:4

An tutuw aku maroma' wo makua in Abar Kaaruien ai camu, yaku ra'ica mapaké nunuwu' ing kapinteran in tou im percayan iow, taan aku mapercaya a si kawasa i Roh Le'nas.

2 Korintus 12:12

An tutuwku mewali-wali wo icamu, sinéréo miow in esa en tuus sapaoka aku anio' ruru'du'an, ampa'paan niéma'kuo sé tuus wo sé kakaya'kaan wo sé pengéma-ngémaan wangko'. Niéma'ku pakasa en itu ang karapi in talesen.

Galatia 3:5

Si Amang Kasuruan mééo mai i Roh Le'nas-Na ai camu ang karapi i mawuta-wuta, wo iméma'o ing kakaya'kaan an uner iow. Niéma' réén i Amang Kasuruan en itu ampa'paan kamu mengaéma' in ukum Torat? Tantu ra'ica. Taan ampa'paan kamu iluminga in Abar Kaaruien wo maéman a si Kristus.

Kolose 1:25

Yaku imamualio tou si mengaselewir sé jamaat itu ampa'paan aku tinokéan i Amang Kasuruan in tawoien eng kumua im pakasa in Taar-Na ai camu.

1 Tesalonika 1:5

Kailekan ami en itu ampa'paan asi makasa kami mangé ai camu an Tesalonika e mangé kumua in Abar Kaaruien andumoro' i Yesus Kristus. An tutuw itu kami ra'ica asaloke' maké i nunuwu' ami, taan ang karapi ing kawasa i Casuruan wo ang karapi i Roh Le'nas si méma' icamu uli-ulit mercaya in Abar Kaaruien andumoro' i Yesus Kristus itu. Wo sinéréo ka'i miow em peri ami. Anaé, kailekano miow sapaoka en Abar Kaaruien itu wutul.

2 Timotius 4:17

Taan mandé ka'i aku aitela'u éra, si Casuruan kasake' ang karapiku. Kineter-Na mai aku wosama' aku ro'na kumua in Abar Kaaruien andumoro' i Yesus Kristus a sé tou ra'ica Yahudi ang karapi i makakii-kiit. Wo iwekar-Na ka'i aku am pakasa sé kaléwo-léwo'an, tanuoka aku icawekar am ba'ba' i singa.

Ibrani 2:4

Wo eng kasairian é tou itu kineter i Amang Kasuruan, ampa'paan séra winéan-Na kawooan iméma' in tuu-tuus wo membam-balinaan kakaya'kaan wo kawasa-kawasa wangko' wo mengawéténg in tatambér si aiwéé i Roh Le'nas kumiit ing kasalé'an i Amang Kasuruan in esa.

1 Petrus 1:12

Aicuao i Amang Kasuruan a sé nabi sapaoka sé ipakua éra itu ra'ica torona in owak éra in esa, taan torona miow intarépé'. Sé pakua éra itu, siituo en Abar Kaaruien andumoro' i Yesus Kristus. Wo intarépé' awéan sé tou kinawasa i Roh Le'nas an sorga owo, séra ituo sé tou makua in Abar Kaaruien itu ai camu. Sé malaékat ka'i masalé' makailek andumoro' ing kalowiran sé aicuao ai camu.