Roma 15:1 - En Taar Weru a nunuwu' é Tontemboan

¹ Kita sé ketero em paémanen, musti talesen a sé tou sé ra'ipé' keter em paémanen. Tioo kita mangéré-ngéréke' ing kaaruianta in esa.

Roma 15:1 ပူးပေါင်းရင်းမြစ်များ

Roma 14:1

Terimano mangé' si tou ra'ipé' keter em paémanenna wo tioo meindo-indoan roma' wo isia andumoro' in sapa em paémanenna.

Roma 14:2

Awéan tou mapercaya sapaoka pakasa eng kakanen ro'na kanenna. Taan si tou ra'ipé' keter em paémanen, pawerotenna sapaoka si ro'na kanenna wayake' in lala-lalaina sé ro'na pengaséndéén.

Roma 4:20

Si Abraham uli-ulit maéman wo ra'ica marua-rua wasa a si janji i Amang Kasuruan itu. Taan em paémanenna itu makaketerke' taré akar sia rumayo wo sumiri' a si Amang Kasuruan.

1 Korintus 4:10

Ampa'paan kami makua andumoro' i Kristus, paweroten é tou ing kayo'baan tanu tou bodok, taan kamu tirayo sapaoka kamu itu tou pinter ampa'paan maéman a si Kristus. Kami ka'i paweroten é tou ing kayo'baan tanu tou ra'ica keter em paémanen taan kamu marayo in owak sapaoka kamu ketero em paémanen. Kami pengawawa' é tou ing kayo'baan taan kamu iparayo-rayo é tou keli.

1 Korintus 9:22

An tutuwku an uner é tou ra'ipé' keter em paémanen, émaanku ka'i en owakku meputé wo iséra, wosama' aku ro'na maakin iséra a si Kristus. Niéma'kuo en owakku meputé wo sé pakasa in tou sé paselewiranku wo lalan sapake' mangé en itu, émaanku, en lumowir piraan tou ai séra.

2 Korintus 12:10

Ampa'paan in ituo en atéku arui an tutuw aku ra'ica keter. Yaku ka'i arui mandé ipaséro', mawendu, pinaokoi, ang kasusaan ampa'paan makiit asi Kristus. Ampa'paan an tutuw aku ra'ica keter, yaku maketer ampa'paan i Kristus.

Efesus 6:10

Kumusi' in surat anio', kamu musti keter maké ing kaketeran si kinéréan iow asi Amang Kasuruan owo, ampa'paan kamu imeesa ang karapi-Na.

Filipi 2:4

Maweroto mangé sapa sé loor torona é tou walina. Tioo asalo mawerot sapa sé loor torona in owak in esa.

1 Tesalonika 5:14

Pangileken ami ka'i ai camu é poo-poow, pengaromaan angé in sama' sé tou ra'ica kiim tumawoi, keteran angé en até é tou toloindé', tawangen angé sé tou patus tawangen wo malese-lesen angé a sé im pakasa é tou.

2 Timotius 2:1

Timotius, toyaangku! Si Kristus Yesus tumambéro mai in upus-Na ai co, ampa'paan in ituo pakéno en itu eng kumeter in atému.

1 Yohanes 2:14

Aipaticku ai icamu, éi toya-toyaang, ampa'paan kamu makatuuso si Amang. Aipaticku ka'i ai camu, éi amang-amang, ampa'paan kamu makatuuso Sia si awéano asi kataré-taré an tutuw ra'ipé' niéma' eng kayo'baan. Aipaticku ka'i ai camu, éi tou wo'bas, ampa'paan em paémanen iow keter. Wo en Taar i Casuruan menonou an até miow wo si léwo' kinalao miow.