Roma 14:9 - En Taar Weru a nunuwu' é Tontemboan

⁹ Si Kristus imatéo wo itumou sumawel, wosama' Sia mamuali Kasuruan é pakasa in tou sé menonoué' wo sé imatéo.

Roma 14:9 ပူးပေါင်းရင်းမြစ်များ

Matius 28:18

Susuten i Yesus séra wo icua-Na “Tinerima-Kuo waya eng kawasa an sorga wo ang kayo'baan.

Lukas 24:26

Ra'ica réén kailekan iow sapaoka si Kristus musti sumangkum owo waya ing kawenduan itu, kumawus in itu Sia tumerima i rarayo wo in sisiri'?”

Yohanes 12:24

En ulitna icua-Ku mangé ai camu, sa en lulumbo ra'ica ayusew an tana' wo maté, en lulumbo itu kasake' esa. Taan sa en lulumbo itu maté, en lulumbo itu méé oka keli wua'na.

Kisah Para Rasul 10:36

Siituo en Taar aicua i Amang Kasuruan a sé tou Israel. Icua-Na en Abar Kaaruien andumoro' si Yesus Kristus si maali mai ing kaeluran ai séra e méma' in ubungan éra wo si Amang Kasuruan maloor. Si Yesus Kristuso si Casuruan é pakasa sé tou.

Kisah Para Rasul 10:42

Wo ru'du'-Na kami kumua in Abar Kaaruien andumoro' i Yesus Kristus a sé pakasa im bangsa wo masairi sapaoka Sia si aitantuo i Amang Kasuruan e mai makim pakasa sé tou menonoué' wo sé tou imatéo.

Roma 10:9

Tana'i: sa kamu mangaku ang karapi im ba'ba' miow sapaoka si Yesus itu Kasuruan, wo maéman an untep in até miow sapaoka si Yesus tinou sumawel i Amang Kasuruan an uner é tou imatéo, kamu lowiren oka.

2 Korintus 5:14

Niéma' ami waya en itu ampa'paan en upus i Kristus en icumawasa icami. Wo kailekan ami sa si esa tou maté torona im pakasa é tou, eng kaangéan in itu pakasa in tou imatéo.

1 Tesalonika 4:14

Ampa'paan sa émanenta sapaoka si Apo' Yesus imatéo wo itumou sumawel, émanenta ka'i sapaoka si séike' e maéman ai Sia akar imaté, touen oka sumawel i Amang Kasuruan wo li'usen-Na mangé kumarapi wo si Yesus.

1 Tesalonika 5:10

Sia imatéo torona icita wosama' sa Sia maai sumawel, mandé ka'i an oras itu kita imatéo kuma'pa kita menonoué', kita ro'na menonou mewali-wali wo Sia.

2 Timotius 4:1

Si Kristus Yesus maai oka sumawel wo Sia mai kumawasa tanu Kolano. Siao e makim sé tou menonoué' wo sé tou imatéo. Ampa'paano in itu intarépé' an dior i Amang Kasuruan wo si Kristus Yesus, uli-ulit icuaku ai co é Timotius wosama':

Ibrani 12:2

Am papekowaan anio', mayoo kiitenta ang karapi im beren si asalo makatéinteng angé a si Yesus, ampa'paan Siao si maakin im paémanenta a si Amang Kasuruan wo si makawali im paémanenta makaleke-lekep. Sia talesen pengaokoien akar maté ang kayu salip, ra'ica pandungen-Na em pengaroros ampa'paan kailekan-Na sapaoka makasangkum ako im pakasa in itu awéan kaaruian si aitu'tulo ai Sia. Intarépé' Sia makalukut ang kakan im palukutan pasiri-siriin i Amang Kasuruan.

1 Petrus 1:21

Ampa'paan e niéma' i Kristus ituo, kamu maéman a si Amang Kasuruan, Siao en tumou sumawel si Kristus an unér é tou imaté wo ka'i méma' si Kristus iparayo-rayo wo pasiri-siriin. Wo in taniitu em paémanen iow wo em paarapen iow toronake' i Amang Kasuruan.

1 Petrus 4:5

Taan panowaten éra oka a si Amang Kasuruan si tu'tulo makim pakasa in tou sé menonou wo sé tou imatéo.

Wahyu 1:18

wo Si Menonou. Yaku si matéo, taan intarépé' séréno Aku menonou, wo Aku menonou akar ing kauré-uré. Pakakulun-Ku eng kukusi' im papaté wo eng kakolanoan im papaté.

Wahyu 2:8

“Ipatico mio' a si malaékat si mengatéir in jamaat an Smirna. Si anioo en taar asi Kumataré wo Si Ka'karan, si matéo wo tinou sumawel: