Roma 14:6 - En Taar Weru a nunuwu' é Tontemboan

⁶ Si tou maanggap si esa endo en lébé pentingai wo sé endo walina, niéma'na en itu e rumayo wo sumiri' si Casuruan. Wo si tou ro'na kuman pakasa ing kakanen, niéma'na en itu e rumayo wo sumiri' si Casuruan, ampa'paan an tutuw ra'ipé' icuman, sia mééo i makapulu'sama' a si Amang Kasuruan. Wo si tou kuman in séndéénke', niéma'na en itu e rumayo wo sumiri' si Casuruan wo sia ka'i kumua i makapulu'sama' a si Amang Kasuruan.

Roma 14:6 ပူးပေါင်းရင်းမြစ်များ

Matius 14:19

Wo iru'du'-Na sé tou keli lumukut an dukut. Kekawus in itu indon-Na sé lima roti wo sé rua sera' itu wo Sia kumanat angé an langit kumua i makapulu'sama'. Te'bi-te'biin-Na e roti itu wo yéké-éké a sé murit-Na. Wo yéké é murit-Na a sé tou keli.

Matius 15:36

Kekawus in itu indon-Na sé pitu roti wo sé sera' itu wo kumua makapulu'sama' wo te'bi-te'biin-Na wo yéké-Na a sé murit-Na wo yéké ka'i é murit-Na a sé tou keli.

Yohanes 6:28

Wo wuéien éra a si Yesus, “Sapa réén e musti émaan ami e méma' in tawoien si icasalé' i Amang Kasuruan?”

Galatia 4:10

Kamu tou ra'ica Yahudi le'tek mengakiit ing kanaramen in agama Yahudi andumoro' in endo Sabat, endo-endo wangko', serap, wo ta'un. Kéitu réén kamu masalé' mengakiit ing kanaramen wo in atoran-atoran é agama Yahudi itu?