Roma 14:22 - En Taar Weru a nunuwu' é Tontemboan

²² Sa percayan iow em pengaémaan iow itu ra'ica meséa', émaano mangé en itu an diorke' i Amang Kasuruan wo torona in owak iow in esa. Pakakamangen sé tou ra'ica mendam i meséa' an tutuw sia méma' sapa si anggapenna wutul.

Roma 14:22 ပူးပေါင်းရင်းမြစ်များ

Kisah Para Rasul 24:16

Ampa'paano in itu, yaku tatap rumaméji menonou ang karapi in até weresi an dior i Amang Kasuruan wo ka'i an dior é tou.

Roma 14:14

Ampa'paan aku meesao ang karapi i Apo' Yesus, anaé kailekanku wo percayanku keli sapaoka ra'ica wana kakanen si ra'ica toro kanen; taan sa awéan e maanggap sapaoka awéan kakanen si ra'ica toro kanen, eng kakanen itu najis ai siake'.

Roma 14:2

Awéan tou mapercaya sapaoka pakasa eng kakanen ro'na kanenna. Taan si tou ra'ipé' keter em paémanen, pawerotenna sapaoka si ro'na kanenna wayake' in lala-lalaina sé ro'na pengaséndéén.

Roma 14:23

Taan si tou marua-ruapé' wasa asi kakanen wo kuman ing kakanen itu, sia meséa'o an dior i Amang Kasuruan, ampa'paan ra'ica niéma'na kumiit im paémanenna. Sapake' mangé e niéma' i tou wo ra'ica kumiit im paémanenna, eng kaangéanna iméma'o ing kamesé-meséaan.

Roma 14:5

Wo awéan tou maanggap sapaoka si esa endo en lébé pentingai wo sé endo walina, taan sé walina maanggap sapaoka pakasa en endo puté waya. Iwayao mangé si esa wo si esa tou musé' in itu iciit im paémanenna.

Roma 2:1

Éi poo-poow, kailekan iow sapaoka sé tou mengaéma' ing kaléwo'an ukumen oka i Amang Kasuruan. Anaé, si séi réén kamu akar akimen iow sé tou walina? Kamu in esa ka'i ra'ica icawekar ang kameséaan! Ampa'paan sa kamu maakim sé tou walina taan kamu in esa maéma' ing kameséaan tanu iséra, eng kaangéanna kamu imakimo ka'i in owak iow in esa.

Roma 7:15

Ampa'paan yaku in esa ra'ica makailek sapa em pengaémaanku. Sé icasalé'ku woo émaan, en itu ra'ica pengaémaanku; taan sé icasuutku woo émaan, siitu taré sé pengaémaanku.

Roma 7:24

Oré wéta' aku anio'! Si séi e ro'na lumowir yaku ang kawasa ing kamesé-meséaan anio' si makawali yaku am papaté?

1 Korintus 8:7

Mandé ka'i in taniitu, ra'ica pakasa in tou makailek andumoro' in itu. Awéan tou indior mengaapo' a sé opo-opo', taan intarépé' maémano a si Yesus Kristus. Ampa'paan in ituo akar intarépé' séra makapendamé' sapaoka eng kakanen sé airagéso a sé opo-opo' itu, kakanen torona é opo-opo'. Anaé, sa séra kuman ing kakanen itu séra makapendam méma'o ing kamesé-meséaan, ampa'paan em paémanen éra ra'ipé' keter.

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

Galatia 6:1

Poo-poow, sa si esa tou an uner iow kinakailekan méma' ing kaséaan, kamu sé menonou pakaakinen i Roh Le'nas, musti akinen iow si tou itu an lalan wutul ang karapi ing ko'kos en até. Wo téirano en owak iow in esa wosama' ra'ica katawéran im pangepé'an kaputé i tou méma' ing kaséaan itu.

Yakobus 3:13

Sa an esaan ai camu awéan kapinteran asi Amang Kasuruan owo wo keli eng kakailekan, musti ituru'na ang karapi i menonou in loor. Sia musti méma' in loor ang karapi ing kako'kosan in até si mai ang kapinteran i Casuruan owo.

1 Yohanes 3:21

Poo-poow sé icaupusku, sa en atéta ra'ica mendam imeséa', kita tioo maindé' mangé rumuru a si Amang Kasuruan.