Roma 14:21 - En Taar Weru a nunuwu' é Tontemboan

²¹ Aweso taré kamu tioo mengakan in sama'na, kuma'pa mengaelep anggor, kuma'pa mengaéma' sapake' mangé sa en itu méma' si poow an esa paémanen meséa'.

Roma 14:21 ပူးပေါင်းရင်းမြစ်များ

Matius 13:21

Taan en itu ra'ica imaa'mut sama' wo ra'ica itumang uré. Sa séra meta'up ing kasusaan kuma'pa in okoi ampa'paan in taar itu, séra makala'us tumela'u im paémanen itu.

Matius 16:23

Wo si Yesus suméléng wo kumua a si Petrus, “Tumayango ko é sétang! Icoo si esaan watu masangkil Yaku, ampa'paan ico ra'ica mawerot in sapa em paweroten i Amang Kasuruan, taan sapa em paweroten é tou.”

Roma 14:13

Ampa'paano in itu tioo kita membém-béané' ing kaséaan si esa wo si esa. Taan aweso taré kamu rumaméjio ra'ica mengaéma' in andumoro' sé ro'na tumawér sé poo-poow an esa paémanen katawéran wo icasélé'kow.

Roma 14:17

Ampa'paan sa si Amang Kasuruan mamuali kolano ang katouanta, eng kumataré-taré ra'ica andumoro' ing kakanen kuma'pa in elepen, taan andumoro' tumambisa mamuali tou nianggap wutul i Amang Kasuruan, menonou meelu-eluran wo sé kakélé tou, wo maaru-arui ampa'paan i Roh Le'nas.

1 Korintus 8:13

Anaé, sa eng kakanen si ayumpero a sé opo-opo' itu iméma'ke taré si poowku esa paémanen méma' ing kamesé-meséaan, ra'io kiimku ka'i kuman in sama'na, sa ampa'paan yaku akar si poowku esa paémanen lumepok ang kamesé-meséaan. En itu meputéo aku mamualike' watu pasangkilan ai sia.

1 Korintus 8:9

Taan kamu musti mareti-reti. Mandé ka'i ro'na kanen iow sé ayumper itu ampa'paan papercayan iow en itu ra'ica mamuali soal, taan tioo tumawér sé tou walina sé ra'ipé' keter em paémanen eng kuman ing kakanen itu. Paweroten éra ang karapi ing kuman sé ayumper itu, séra iméma'o ing kamesé-meséaan.

Filipi 1:10

akar ro'na sisiren iow si loor. Wo in taniitu, akar asi endo i Kristus maai sumawel eng katouan iow weresi wo ra'ica wana kaséaan.

Ibrani 12:13

Wo maya'o mangé an lalan rondor wosama' sé kénto' ra'ica ka'i cawiles taan ro'na masama'.

Wahyu 2:14

Taan awéan piraan sé ra'ica icasalé'-Ku ai camu: An uner iow awéan sé makiit im pasusui i Bileam. Si Bileam masusui a si Balak tumambisa en tumawér sé tou Israel kuman ing kakanen sé ayumpero a sé opo-opo', wo mengabersina.