Roma 14:20 - En Taar Weru a nunuwu' é Tontemboan

²⁰ Wo tioo kamu mengaléwo' sapa sé tinawoio i Amang Kasuruan ampa'paanke' ing kakanen! Pakasa eng kakanen ro'na kanen iow, taan sa eng kinan iow itu méma'ke' sé poo-poow iow an esa paémanen icasélé'kow, en tuusna itu kamu meséa'o.

Roma 14:20 ပူးပေါင်းရင်းမြစ်များ

Matius 15:11

“Lingan wo wéan rékén sumama-sama' en icua-Ku anio'! Sapa e muntep am ba'ba' é tou, siitu ra'ica iméma' sé tou manajis, taan sapa eng kumesot am ba'ba' é tou, siitu e méma' sé tou manajis.”

Matius 18:6

“Sa awéan tou iméma' esaan asé toyaang teké' tanu si anio' sé maémano a Yaku akar sé toyaang itu méma' ing kamesé-meséaan, aweso taré eng kolot i tou itu wa'kesan im batu wangker wo itinep an ta'sic.

Kisah Para Rasul 10:15

Taan en suara itu kumua sumawel, “Sapa sé aicua i Amang Kasuruan ro'na kanen, ra'ica toro icuamu ra'ica toro kanen.”

Roma 14:2

Awéan tou mapercaya sapaoka pakasa eng kakanen ro'na kanenna. Taan si tou ra'ipé' keter em paémanen, pawerotenna sapaoka si ro'na kanenna wayake' in lala-lalaina sé ro'na pengaséndéén.

Roma 14:21

Aweso taré kamu tioo mengakan in sama'na, kuma'pa mengaelep anggor, kuma'pa mengaéma' sapake' mangé sa en itu méma' si poow an esa paémanen meséa'.

Efesus 2:10

Ampa'paan si Amang Kasuruan in esa si iméma' icita mamuali tou weru an tutuwta maéman a si Kristus Yesus wo meesa wo Sia. Kita niéma'-Na tou weru wosama' émaanta sapa-sapake' sé loor sé aitantu-Nao tumo'tolke' mai indior wosama' émaanta waya sé loor.

Filipi 1:6

Si Amang Kasuruan in esao en tumo'tol in tawoien loor itu an uner iow, anaé wutu-wutul percayanku ilala'us-Na oka en tawoien anio' akar asi endo i Kristus Yesus maai sumawel.

Titus 1:15

A sé tou le'nas an dior i Casuruan, sapake' waya en émaanna le'nas. Taan sé tou najis wo sé ra'ica maéman a si Casuruan, em pawasan wo em pengaémaan éra ra'ica loor ampa'paan en até wo em bewerot éra najis.