Roma 14:18 - En Taar Weru a nunuwu' é Tontemboan

¹⁸ Anaé, si séi mengaselewir a si Kristus tanu siitu, sia maruio in até i Amang Kasuruan wo ka'i pasiri-siriin é tou walina.

Roma 14:18 ပူးပေါင်းရင်းမြစ်များ

Markus 13:34

En oras itu tanu si esa tou tumela'u im baléna ampa'paan mangé an tampa tayang. Ra'ipé' mangé sia, tinokéannao sé atana e murus im balé wo ka'i icuana en tawoien éra si esa wo si esa. Iru'du'na si matéir im balé wosama' matéi-téir akar sia maréngai.

Yohanes 12:26

Si séike' en sumelewir Yaku musti kumiit Yaku. Wo am bisake' en angéan-Ku, am bitu ka'i awéan si maselewir Yaku. Si séi e maselewir Yaku sia siriin oka i Amang-Ku.”

Kisah Para Rasul 10:35

Teriman-Na waya sé tou am pakasa im bangsa sé maapo' ai Sia wo sé mengaéma' im butul.

Roma 12:11

Tioo eng kare'deman iow maina', taan mandéo taré kamu incaya' maselewir a si Casuruan ang karapi i roh si aiwéé-Na.

Roma 14:4

Si séi réén kamu akar kamu mengawéé kaséaan a sé tou maselewir sé tou walina? Wayake' si tuangna en awéan hak en tumantu si maselewir itu wutul kuma'pa meséa'. Wo si maselewir itu ra'ica icalepok ampa'paan si Casuruan makakawasa tumawang sia.

Roma 16:18

Ampa'paan sé tou tanu siitu ra'ica matawoi sumelewir si Kristus Apo'ta, taan séra matawoi asalo makiit ing kasalé'an éra in esa. Séra maroma' mapaké i roroma' matawér wo nunuwu' sé manam palingan, akar séra imuwako sé tou sama' en até.

Roma 6:22

Taan intarépé' kamu aicawekaro ang kamesé-meséaan wo imamualio ata i Amang Kasuruan. Akar kamu makéré im buéna i menonou le'nas torona i Amang Kasuruan wo eng kasiwakana kamu makéré oka ing katouan akar ing kauré-uré.

1 Korintus 7:22

Ampa'paan si esa ata si tinowao eng kumiit si Casuruan, mandé sia itu atapé' taan sia meputé wo si tou ra'ica pakakawasan é tou walina an dior i Casuruan. Taniitu ka'i si tou ra'ica pakakawasan é tou walina si tinowao i Kristus, sia itu meputéo ata i Kristus.

2 Korintus 4:2

Ra'ica kiim ami iméma' in tawoien anio' maké ing kanaramen sé ipaene-enep wo sé kalawiin. Wo ra'ica kiim ami matawoi ang karapi imauwak wo mengasélé'kow in Taar i Amang Kasuruan. Taan sé ipakua ami andumoro' sé wutul an dior i Casuruan, wo in taniitu icami maarap wosama' pakasa in tou numilai sumama-sama' ai cami an dior i Amang Kasuruan iciit in até weresi éra.

2 Korintus 5:11

Kailekan ami sapa eng kaangéan i maindé' a si Amang Kasuruan, ampa'paan in iituo raméjin ami méé ing kapercayaan a sé tou andumoro' in owak ami. Kailekan wutul i Amang Kasuruan sé an untep in até ami. Wo paarapenku kakailekan iow en até ami.

2 Korintus 5:9

Ampa'paano in itu raméjin ami mauli-ulit marui in até-Na, an tutuw ami maento' an untep i owak ang kayo'baan anio' kuma'pa an tutuw ami maento' ang karapi-Na an sorga.

2 Korintus 6:4

Aituru'o ami sapaoka am baya-waya kami ata i Amang Kasuruan. Ampa'paan eng kawenduan, eng kasusaan wo ing kawenduan pinendam amio ang karapi in talesen,

2 Korintus 8:21

Ampa'paan casalé' ami e méma' im butul, ra'ica an diorke' i Amang Kasuruan taan an dior é tou ka'i.

Filipi 4:18

Pakasa eng kaperluanku kinakiitano, wo sé awéan a yaku ilumébéo asi paperlunku. Ampa'paan yaku tumerimao im patawang iow itu asi Epafroditus owo. En doit aiwéé miow itu meputé im paragés mawou manam si icasalé' i Amang Kasuruan si patus ai Sia.

Filipi 4:8

Anaé, é poo-poow, icuaku mangé ai camu, pakasa sé paanggapen wutul i Amang Kasuruan, pakasa e rarayo wo in sisiri', pakasa sé ra'ica marapit, pakasa sé le'nas, pakasa sé loor, pakasa sé manam pengalingan, pakasa sé patus paangkaian im bawangko' wo patus iparayo, weroteno mangé sumama-sama' en itu.

Kolose 3:24

Weroten sumama-sama', sapaoka teriman oka miow em bagéan asi Casuruan owo, si aitu'tul-Nao ai camu. Siituo en laasa iwéé-Na oka ai camu. Ampa'paan en ulitna, kamu ang karoro'an i maselewir a si Tuang iow, Siao si Kristus.

1 Timotius 2:3

Siituo en loor wo maarui in até-Na, si Lumolowirta,

1 Timotius 5:4

Taan sa sé balu wéwéné awéané' toyaang kuma'pa poyo', sé toyaang wo sé poyo'na itu en suma'li ai sia. Musti susuian éra tambisa en sumuli' ing kalooran i inang wo si néné éra. Wo in taniitu, séra maruio in até i Amang Kasuruan.

1 Petrus 2:12

Em peri miow musti loor an dior é tou sé ra'ica makatuus si Amang Kasuruan. Mandé ka'i patudun éra kamu tou léwo', sérén éra oka sé pengaémaan iow loor wo in taniitu séra rumayo wo sumiri' oka si Amang Kasuruan, an tutuw maai en endo-Na sa.

1 Petrus 2:20

Taan sa kamu mawendu ampa'paan mengaéma' ing kamesé-meséaan, sapa eng kalébéana? Taan taré sa kamu talesen muléng ing kawenduan ampa'paano mengaéma' in loor, tantu kamu tambéran oka mai ing kamang i Amang Kasuruan.

1 Petrus 2:5

Kamu ka'i tanu im batu menonou itu. Ampa'paan in ituo iwééo mio' en owak iow pakén i Amang Kasuruan e mamuali paento'an-Na. Wo in taniitu kamu imamualio imam-imam le'nas e rumagés ing katouan iow a si Amang Kasuruan. Wo e raragés aiwéé miow itu tinerima-Na ampa'paano sé niéma' i Yesus Kristus ai cita im baya.

1 Petrus 3:16

Sa kamu sumowat, musti uli-ulit ang karapi in até weresi, wosama' sé tou maroros icamu ampa'paan kamu makiit si Kristus, séra in esa e malawi' ampa'paan sé iparoros éra itu ra'ica wutul.