Roma 14:13 - En Taar Weru a nunuwu' é Tontemboan

¹³ Ampa'paano in itu tioo kita membém-béané' ing kaséaan si esa wo si esa. Taan aweso taré kamu rumaméjio ra'ica mengaéma' in andumoro' sé ro'na tumawér sé poo-poow an esa paémanen katawéran wo icasélé'kow.

Roma 14:13 ပူးပေါင်းရင်းမြစ်များ

Matius 16:23

Wo si Yesus suméléng wo kumua a si Petrus, “Tumayango ko é sétang! Icoo si esaan watu masangkil Yaku, ampa'paan ico ra'ica mawerot in sapa em paweroten i Amang Kasuruan, taan sapa em paweroten é tou.”

Matius 18:7

Icawangkuro eng kayo'baan ampa'paan kelian sé maéma' sé tou mengaéma' ing kamesé-meséaan. Mémang andumoro' in itu tantu awéan, taan icawangkuro si tou imakawali sé tou walina meséa'!

Matius 7:1

“Tioo kamu mengaakim, wosama' kamu ra'ica akimen.

Lukas 12:57

Icua ka'i i Yesus, “Kamu in esa musti makawoo musé' wisa si wutul!

Lukas 17:2

Sa si tou itu tumawér esaan asé tou sé ra'ipé' keter em paémanen anio' akar méma' ing kamesé-meséaan, aweso taré eng kolot i tou itu wa'kesan im batu wangker wo mangé iwangkil an ta'sic.

Roma 11:9

Wo icua i Daud, “Iwayao mio' eng kasalé-salé'an éra itu mamuali ta'kong ai séra, wo mamuali lo'beng lepokan éra. Siituo en susuli' ai séra.

Roma 14:10

Anaé, tioo kamu mengawéé ing kaséaan a sé poo-poow an esa paémanen. Wo tioo kamu maséro' a sé poo-poow an esa paémanen. Ampa'paan kita im baya mai tumulung oka an dior i Amang Kasuruan en akimen asi endo kaka'puan ing kayo'baan.

Roma 14:3

Si tou ro'na kuman pakasa ing kakanen tioo mengaséro' si tou kuman in séndéénke'. Taniitu ka'i si tou kuman in séndéénke', tioo mawéé kaséaan a si tou mengakan pakasa ing kakanen, ampa'paan si tou itu tinerimao i Amang Kasuruan.

Roma 14:4

Si séi réén kamu akar kamu mengawéé kaséaan a sé tou maselewir sé tou walina? Wayake' si tuangna en awéan hak en tumantu si maselewir itu wutul kuma'pa meséa'. Wo si maselewir itu ra'ica icalepok ampa'paan si Casuruan makakawasa tumawang sia.

Roma 16:17

Poo-poowku, sina'uenku kamu, mareti-retio mangé a sé tou sé masalé' mengaéma' ing kapetanéan, wo sé masalé' mengasélé'kow im paémanen é tou a si Amang Kasuruan. Séra mengasusui in sususuien sé membalinaan wo in sususuien wutul sé kinéréano miow. Anaé, tumayango mangé ai séra.

1 Korintus 10:32

Kamu musti menonou tanu siitu akar ra'ica émaan iow sé tou walina méma' ing kameséaan, sia tou Yahudi, tou ra'ica Yahudi, kuma'pa sé tou maéman a si Kristus an jamaat-jamaat i Amang Kasuruan.

1 Korintus 11:13

Kamu in esao e merot! Patus réén sa si wéwéné masombayang a si Amang Kasuruan ra'ica mekakungkung in do'kos?

2 Korintus 5:14

Niéma' ami waya en itu ampa'paan en upus i Kristus en icumawasa icami. Wo kailekan ami sa si esa tou maté torona im pakasa é tou, eng kaangéan in itu pakasa in tou imatéo.

2 Korintus 6:3

Ra'ica kiim ami en tawoien ami pawéan meséa'. Ampa'paano in itu kami rumaméji ra'ica méé alasan a si séike' e méé kaséaan an tawoien ami.

Filipi 1:10

akar ro'na sisiren iow si loor. Wo in taniitu, akar asi endo i Kristus maai sumawel eng katouan iow weresi wo ra'ica wana kaséaan.

1 Timotius 5:14

Ampa'paan ituo icasalé'ku sé balu wéwéné wo'basé' wosama' séra masalé'pé' kawéngen sumawel. Sa séra kawéngené' sumawel, séra ro'napé' makéré toyaang wo murus im pamalé éra in esa. Wo in taniitu si kikiiten é sétang ra'- ica wana témpo e maké sé tou e muruk i ngaranta tou maéman.

Yakobus 2:4

E niéma' miow itu mamualio tuus sapaoka ra'ica pengapeputén iow masiri' in tou wo tanu mamualio akim ang karapi i mawasa in léwo'.

Yakobus 4:11

Poo-poowku, tioo kamu si esa wo si esa mengawuruk i ngaran é tou. Si séi e muruk i ngaran i poowna esa paémanen kuma'pa tumudu meséa', en itu meputé imuruko wo imééo séa' in ukum i Amang Kasuruan. Wo in taniitu kamu ra'ica masalé' kumiit in ukum i Amang Kasuruan itu, taan imamualio akim si mengaséa' in ukum itu.

1 Yohanes 2:10

Si séi si mengaupus si poowna, sia wutu-wutul an sendot wo ra'ica wana an owakna e ro'na méma' sé tou walina icasélé'kow akar méma' ing kameséaan.

Wahyu 2:14

Taan awéan piraan sé ra'ica icasalé'-Ku ai camu: An uner iow awéan sé makiit im pasusui i Bileam. Si Bileam masusui a si Balak tumambisa en tumawér sé tou Israel kuman ing kakanen sé ayumpero a sé opo-opo', wo mengabersina.