Roma 14:11 - En Taar Weru a nunuwu' é Tontemboan

¹¹ Ang Kitap Le'nas awéan aipatic in tana'i, “Yaku si Amang Kasuruan, Yaku wutu-wutul menonou, wo pakasa en tou maai oka kumundu rumayo wo sumiri' an dior-Ku, wo pakasa en tou mangaku oka sapaoka Yakuo si Amang Kasuruan.”

Roma 14:11 ပူးပေါင်းရင်းမြစ်များ

Matius 10:32

Si séi e mangaku an dior é tou sapaoka sia makiit Yaku, pangakun-Ku oka ka'i sia tou-Ku an dior i Amang-Ku an sorga.

Roma 10:9

Tana'i: sa kamu mangaku ang karapi im ba'ba' miow sapaoka si Yesus itu Kasuruan, wo maéman an untep in até miow sapaoka si Yesus tinou sumawel i Amang Kasuruan an uner é tou imatéo, kamu lowiren oka.

Roma 15:9

Wo si Kristus mai ang kayo'baan torona ka'i é tou ra'ica Yahudi, wosama' séra ro'na rumayo wo sumiri' si Amang Kasuruan ampa'paan ing kaupusan-Na ai séra. Ang Kitap Le'nas aipatic in tana'i, “Ampa'paano in itu rayoku oka si Amang Kasuruan an uner é tou ra'ica Yahudi, wo kantarku oka eng kakantaren rarayoan e rumayo i ngaran-Mu.”

1 Yohanes 4:15

Si séi e mangaku sa si Yesus itu Toyaang i Amang Kasuruan, si Amang Kasuruan kasake' meesa wo isia wo sia ka'i esa wo si Amang Kasuruan.

2 Yohanes 1:7

Kelio tou sé mengasélé'kow imapaturu'o wo isumeraro ang kayo'baan anio'. Séra itu ra'ica kiim mangaku sapaoka si Yesus Kristus imayo ang kayo'baan tanu in tou. Sérao sé mengauwak wo kaséké' i Kristus.

Wahyu 5:14

Wo sé epat mahluk itu kumua, “Ulit!” Wo sé matu'a itu ka'i kumundu wo kumuru in sumiri'.