Roma 13:8 - En Taar Weru a nunuwu' é Tontemboan

⁸ Tioo kamu mautang sapake' mangé a sé tou, taan aweso taré en utang iow itu utang i meupu-upusan a si esa wo sé walina. Ampa'paan si séike' e mengaupus sé kakélé tou, sia iméma'o im perénta-perénta an ukum Torat.

Roma 13:8 ပူးပေါင်းရင်းမြစ်များ

Matius 7:12

Sapa sé icasalé' miow émaan é tou walina ai camu, tanu siituo si musti émaan iow a sé tou itu. Siituo en sususuien ang kitap Torat wo ang kitap é nabi.”

Yohanes 13:34

Kamu wéan-Ku perénta weru, meupu-upusan angé kamu. Kamu musti meupu-upusan angé, kaputé Yaku mengaupus camu.

Roma 13:10

Si tou mengaupus sé kakélé tou, ra'ica mengaéma' in léwo' a sé kakélé tou. Anaé, si tou mengaupus sé kakéléna tou, niéma'nao em perénta-perénta an ukum Torat.

Roma 13:7

Ampa'paan in ituo wérano sapa si patus wéran iow a sé pakasa in tou. Wérano mangé em pajak a sé pemerénta sa kamu musti mér im pajak, wo wérano mangé en cukai sa kamu musti mér in cukai. Wo pengalingan angé sé tou sé patus pengalingan iow, wo pengasiriin angé sé tou sé patus pengasiriin iow.

Galatia 5:14

Ampa'paan pakasa sé an atoran in ukum Torat linekepo asi esa perénta anio': “Icaupuso mangé sé kakélému tou, kaputé ico mengaupus in owakmu in esa!”

Kolose 3:14

Wo si penting keli am pakasa in itu: meupu-upusano mangé kamu, ampa'paan en upus itu mengaéma' icamu meesa akar em paesaan iow itu wutu-wutul lekep.

1 Timotius 1:5

Sina'uku waya en anio' ai co wosama' sé tou meupu-upusan. Wo en upus itu musti lumembomai an até le'nas wo an até weresi owo wo am paémanen imauli-ulit.

Yakobus 2:8

Sa émaan iow en ukum kumataré-taré si aipatic ang Kitap Le'nas, “Mengaupuso mangé sé tou walina, meputé kamu mengaupus in owak iow in esa!”, kamu iméma'o im butul.

1 Yohanes 3:10

Si anioo en tuus toya-toyaang i Amang Kasuruan wo toya-toyaang i kikiiten é sétang: En tou si ra'ica maéma' im butul wo ra'ica mengaupus sé poo-poowna, sia itu ra'ica asi Amang Kasuruan owo.