Roma 13:14 - En Taar Weru a nunuwu' é Tontemboan

¹⁴ Taan aweso taré kita menonou meputé im peri sé aituru' i Apo' Yesus Kristus. Wo ra'io toro makiit im peri é tou sé maéma' ing kamesé-meséaan e marui ing kasalé'an in owakna in esa.

Roma 13:14 ပူးပေါင်းရင်းမြစ်များ

Galatia 3:27

Kamu im baya imeesao wo si Kristus ampa'paan nibaptis ang karapi i ngaran-Na, anaé eng katouan iow meputéo wo ing katouan i Kristus.

Galatia 5:24

Si séike' sia si mamualio tou i Kristus Yesus, pinaténao em peri-perina sé ra'ica loor wo pakasa ing kasalé'an in owakna ang kayu salip.

Efesus 4:24

wo menonouo mangé mamuali tou weru, si niéma' iciit im peri i Amang Kasuruan si wutul wo le'nas.

Kolose 2:23

Sé atoran itu kaséréan woo loor, ampa'paan sé tou masusui in atoran-atoran itu kaséréan tanu kéndo' uli- ulit mengaapo' asi Amang Kasuruan. Wo séra kumo'kos in até wo makiit in atoran-atoran itu akar mengaokoi kéndo' in owak éra in esa. Taan pakasa en itu ra'ica wana torona, ampa'paan séra asalo makiit ing kasalé'an in owak éra in esa.

1 Petrus 2:11

Poo-poow sé icaupusku, icamu anio' sakéi wo imanangkéi ang kayo'baan anio'. Anaé, sina'uenku kamu wosama' tumayang angé asé kasalé-salé'an in owak sé ra'ica loor sé mapetokol an até weresi miow.