Roma 12:9 - En Taar Weru a nunuwu' é Tontemboan

⁹ Mengaupus angé sé kakélé tou ang karapi in lekep en até. Tumayango mangé ang kaléwo-léwo'an, wo mengéma-ngéma'o mangé sé loor.

Roma 12:9 ပူးပေါင်းရင်းမြစ်များ

Matius 26:49

Icateka' mangé séra am bitu, si Yudas makala'us rumuru mangé a si Yesus wo icuana, “Siri' é Guru!” Wo ciomenna si Yesus.

Yohanes 12:6

Aicua i Yudas in taniitu ra'ica ampa'paan sia masalé' tumawang sé tou lengéi taan ampa'paan sia rombit. Sia sumangkum mengaindo in doit kas si pengaéma' ai sia.

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

2 Korintus 6:6

Mandé ka'i in taniitu, kami menonou ang karapi in até weresi, makailek sé andumoro' in Taar i Amang Kasuruan, talesen, sama' en até. Em paturu' ami sapaoka kami ata i Amang Kasuruan. Wo kami ka'i mamangén a si tatawang i Roh Le'nas wo mengaupus sé tou ang karapi in lekep en até,

2 Korintus 8:8

Sé ipakuaku andumoro' in doit ipatawang itu, ra'ica esa perénta ai camu. Taan en icasalé'ku kakailekan iow tambisa eng kaincayaan é tou walina en tumawang sé kakéléna, akar kamu ka'i kumiit tumawang iséra. Wo in taniitu icasalé'ku suméré sapaoka kamu uli-ulit mengaupus sé tou walina.

1 Tesalonika 2:3

An tutuw ami makua in Abar Kaaruien itu, kami ra'ica masusui in sususuien sé mengasélé'kow. Kami ra'ica mengawasa-wasa in léwo' wo ra'ica kiim mengauwak sé tou.

1 Tesalonika 5:15

Wéanio' rékén, oréoka awéan si tou mengasuli' in léwo' a sé tou mengaéma' in léwo'. Taan musti rumaméji mangé kamu mengaéma' in loor a sé kara-karapi miow in esa wo ka'i a sé tou walina.

1 Tesalonika 5:21

Taan ujin iow in sumama-sama' em pakasa in itu. Sa en itu uli-ulit asi Casuruan owo, terimano mangé wo kiiteno mangé i mauli-ulit.

1 Timotius 1:5

Sina'uku waya en anio' ai co wosama' sé tou meupu-upusan. Wo en upus itu musti lumembomai an até le'nas wo an até weresi owo wo am paémanen imauli-ulit.

Ibrani 1:9

Ico masalé' sé ra'ica marapit, wo maréé sé mengaéma' in léwo' Siituo imangémai si Amang Kasuruan, Amang Kasuruan-Mu, isumisiro Ico, wo iméma'o Ico maaru-arui lébé arui wo sé kara-karapi-Mu.”

Ibrani 12:14

Rumaméjio menonou meelu-eluran ang karapi é pakasa in tou, wo rumaméji ka'i menonou le'nas. Ampa'paan sa si tou ra'ica menonou le'nas, sia ra'ica suméré si Amang Kasuruan sa.

Yakobus 3:17

Taan si tou awéan kapinteran asi Amang Kasuruan owo itu, tana'i: Kataré sia menonou ang karapi in até weresi wo masalé' meelu-eluran wo sé tou, sama' a sé tou, téés, wuta ing kaupusan a sé tou wo mengéma-ngéma' andumoro' sé loor, ra'ica marapit wo ra'ica punek.

1 Petrus 1:22

Kamu lume'naso in owak iow ang karapi in le'tek mengaéma' in sususuien wutul i Amang Kasuruan, akar kamu makawoo mengaupus sé poo-poow an esa paémanen ang karapi i mauli-ulit. Anaé sina'uenku kamu wosama' kamu meupu-upusan ang karapi in lekep en até.

1 Petrus 4:8

Wo si kumataré-taré, kamu musti meupu-upusan. Ampa'paan sa kita meupu-upusan, ra'io ka'i kata'néianta eng kakeli ing kameséaan sé niéma' é tou walina ai cita.