Roma 12:8 - En Taar Weru a nunuwu' é Tontemboan

⁸ Sa eng kamang aitambér i Amang Kasuruan ai cita e masina'u sé tou walina wosama' em paémanen éra makaketer, tawoieno mangé en itu ang karapi i mauli-ulit. Sa eng kamang aitambér i Amang Kasuruan ai cita e mamuali tou masalé' mengawéténg ing kasiyaan a sé kakélé tou, musti émaanta en itu ang karapi in lekep en até. Sa eng kamang aitambér i Amang Kasuruan ai cita mamuali kikiiten, kita ka'i musti mamuali kikiiten si re'dem. Wo sa eng kamang aitambér i Amang Kasuruan ai cita e mengaturu' ing kaupusan a sé tou walina sé sumangkumai ing kawenduan, musti émaanta en itu ang karapi in arui en até.

Roma 12:8 ပူးပေါင်းရင်းမြစ်များ

Matius 25:40

Wo isowat oka i Colano ai séra in tana'i, ‘En ulitna icua-Ku ai camu, pakasa sé niéma' miow a si esaan asé poow-Ku si pawawa-wawa', niéma'o miow en itu torona-Ku.’

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

Kisah Para Rasul 13:12

An tutuw i gubernur suméré sapa e mamuali, sia ka'i mapercaya a si Yesus. Wo sia mangaya-ngaya'ka' in sususuien andumoro' i Apo' Yesus.

Kisah Para Rasul 13:15

Kekawus i maca in ukum Torat wo ing kitap é nabi, sé kikiiten am balé paapo'an itu rumu'du' tou eng kumua a si Paulus wo si Barnabas tana'i, “Poo-poow, sa awéan ai camu e méé sina'u eng kumeter im paémanen é tou anio', icuao mai!”

Kisah Para Rasul 15:32

Si Yudas wo si Silas itu nabi, niéma' éra sé tou maéman an Antiokhia maibor wo ka'i kumeter in até éra.

Kisah Para Rasul 20:2

A Makedonia, sia menuli-nuli a sé tou maéman wo méé kaketeran im paémanen ai séra. Wo sia mangé an Yunani.

Kisah Para Rasul 20:28

Ampa'paan in ituo, musti téiran iow sumama-sama' en owak iow in esa wo sé jamaat si aiwéé i Roh Le'nas en téiran iow. Téiran iow sé jamaat i Amang Kasuruan tanu si gembala matéir sé domba-Na. Sé jamaat itu mamuali anu i Amang Kasuruan ampa'paan linowir-Na séra in enda'-Na in esa.

Kisah Para Rasul 4:36

Taniitu ka'i si Yusuf taranak i Lewi si tumou an Siprus. Sia pengatowan é ruru'du'an ‘Barnabas’, eng kaangéanna ‘tou mengawéé ing kaketeran a sé tou walina’.

Roma 12:13

Tawangeno mangé sé tou le'nas sa awéan em paperlun éra, wo tatapke' materima sé tou sé masalé' lumosér am balé miow.

Roma 13:6

Siituo e mangémai akar kamu mengawér im pajak a sé pemerénta. Ampa'paan séra itu maselewir a si Amang Kasuruan sé mengaéma' in tawoien si aiwéé-Na ai séra.

1 Korintus 12:28

An jamaat, awéan piraan tou sé aitantuo i Amang Kasuruan mamuali: kataré ruru'du'an, karua nabi, katelu guru. Wo ka'i winéanai kamang tatambér e maéma' sé kakaya'kaan, in sumama' sé tou, tumawang sé tou sé perlu tawangen, mamuali kikiiten wo ka'i maroma' a membam-balinaan nunuwu' i roh.

1 Korintus 14:3

Taan sa si esa tou awéano kamang tatambér eng kumua in taar i Amang Kasuruan, ipakuana en itu a sé tou e méé ing kaketeran, méé kaincayaan wo sumina'u iséra, wo ka'i mibor iséra.

2 Korintus 1:12

Kami marayo, sapaoka eng katouan ami asi cayo'baan anio', linangkoio ami ang karapi in lekep en até wo rondor en até. Kami menonou tanu siitu wuntulke' im paesaan wo icamu. Siituo eng kasairian in até weresi ami. Niéma' ami en itu, ra'ica ang karapi ing kapinteran é tou, taan ang karapi in upus aitambér i Amang Kasuruan.

2 Korintus 11:3

Taan en caindé'ku em bewerot iow kauwakan akar ra'io ka'i wutu-wutul le'tek a si Kristus, kaputé i Hawa indior ka'i kinatawéran i ula' ampa'paano im pakauwak i ula' itu.

2 Korintus 8:12

Sa kita mawéé ang karapi in lekep en até, teriman oka i Amang Kasuruan sapa sé aiwééta kiit ing kawooanta. Ampa'paan si Amang Kasuruan ra'ica kawisa mako tumuntut ai cita e méé si ra'ica kawooanta.

2 Korintus 9:11

Wo in taniitu émaan-Na oka kamu masiya' am baya-waya akar kamu meméé-méé ang karapi in lekep en até. Wo sé peméé-méé miow méma' oka keli en tou an Yerusalem kumua i makapulu'sama' a si Amang Kasuruan an tutuw ami maali mangé si aiwéé miow itu ai séra.

2 Korintus 9:13

Wo asi kasamaan in até sé aituru' miow itu, kelian oka en tou an Yerusalem rumayo si Amang Kasuruan ampa'paan séra isumeréo icamu wutu-wutul menonou makiit wutul in Abar Kaaruien andumoro' i Yesus Kristus. Wo ka'i séra rumayo si Amang Kasuruan ampa'paan kamu wutul lekep en até mawéé in tatawang ai séra wo a sé pakasa in tou walina.

2 Korintus 9:7

Sa woo ro'na si esa wo si esa tou musti musé' an até e mengawéé. Tioo manesel mengawéé kuma'pa ampa'paan pinelesé'. Ampa'paan si Amang Kasuruan mengaupus sé tou sé mengawéé ang karapi in arui en até.

Efesus 6:5

Éi ata-ata, kiitenno mangé em perénta i tuang iow ang kayo'baan anio'. Selewiran angé si tuang iow ang karapi in siri' wo maindé' mangé ang karapi in lekep en até, kaputé kamu mengaselewir a si Kristus.

Kolose 3:22

Éi ata-ata, pengakiiten angé em perénta i tuang iow ang kayo'baan anio' sapake' mangé en airu'du'na. Tioo kamu asalo mengaturu' in le'tek an diorna e mengaarui in aténa, taan male'te-le'teko mangé kamu ang karapi in lekep en até ampa'paan kamu maindé' a si Casuruan.

1 Tesalonika 2:3

An tutuw ami makua in Abar Kaaruien itu, kami ra'ica masusui in sususuien sé mengasélé'kow. Kami ra'ica mengawasa-wasa in léwo' wo ra'ica kiim mengauwak sé tou.

1 Tesalonika 2:8

Ampa'paan ing kaupusan ami ai camu, akar kami arui eng kumua in Abar Kaaruien i Amang Kasuruan ai camu. Wo ra'ica siituke,' kami ka'i arui e méé ing katouan ami ai camu, ampa'paan kamu uli-ulit icaupus ami.

1 Timotius 4:13

An tutuw ko mengento-ngento' yaku maai, lume'te-le'teko mangé ko maca ing Kitap Le'nas torona é tou am bitu. Pokéian wo susuiano mangé sumama-sama' séra wosama' séra makaketer em paémanen.

1 Timotius 5:17

Sé penatua an jamaat sé mengaéma' in tawoienna ang karapi in loor, séra itu patus pasiri-siriin makarua lumepet. Wopé'ka'i sé re'dem makua in Taar i Casuruan wo masusui a sé jamaat.

1 Timotius 6:18

Ipokéi angé a sé tou siya' wosama' séra maéma' sé loor. Séra musti masalé' mengatambér, masalé' mengawéténg ing kasiyaan éra a sé tou walina.

Ibrani 10:25

Tioo kita tumayang am pengali'usan i mengaapo', tanu ing kanaramen im paémaan é piraan tou. Taan mayoo taré kita mare'de-re'dem mengali'us mewali-wali i maapo' wosama' membém-béan angé ing kaketeran am paémanen, ampa'paan kailekanta en endo si Apo' Yesus maai sumawel makatawio.

Ibrani 13:17

Pelinga-lingano mangé sé kikiiten iow wo émaano mangé sapa sé aiperénta éra. Ampa'paan séra mengatéir i mu'kur iow tanu sé tou e musti méé im panowaten. Sa kamu mengalinga-linga ai séra tanu siitu, séra ro'na méma' in tawoien ang karapi in arui en até. Taan sa kamu ra'ica mengalinga ai séra, séra masusa en até wo en itu ra'ica maali ing kauntungan ai camu.

Ibrani 13:22

Poo-poow, pekiupusenku ai camu wéanio' rékén sumama-sama' sé aisina'uku si aipatic an surat anio', ampa'paan ra'ica talos lambot.

Ibrani 13:24

Icua mio' en siri' ami a sé kikiiten iow wo a sé pakasa sé tou le'nas. Sé poo-poow maéman an Itali am bia'i ka'i, icumirim in siri' ai camu.

Ibrani 13:7

Ta'néien angé sé kikiiten iow sé icumuao in Taar i Amang Kasuruan ai camu. Séréno sumama-sama' tambisa eng katouan éra akar séra maté, wo andéano mangé em paémanen éra.