Roma 12:5 - En Taar Weru a nunuwu' é Tontemboan

⁵ Taniitu ka'i wo icita. Mandé kita in tou kelian, taan imamualio esa owak ampa'paan imeesao ang karapi i Kristus. Wo kita awéan ubungan si esa wo si esa, ampa'paan esa owak.

Roma 12:5 ပူးပေါင်းရင်းမြစ်များ

Yohanes 17:11

Yaku maangé oka a si Amang, anaé Yaku ra'io ka'i ang kayo'baan anio', taan séra ang kayo'baané'. O Amang si lume'na-le'nas, téirano mai séra ang karapi i ngaran-Mu si aiwééo i Amang a Yaku, wosama' séra maesa, kaputé i Amang esa wo Yaku.

Roma 12:4

Yandéku an owakta: awéan kama, kécéi wo awéané' sé walina, taan pakasa sé an owakta itu membam-balinaan en tawoien.

1 Korintus 10:17

Ampa'paan e roti wayake' in esa wo kita im baya icumano asi roti esa itu wo kita sé kelian anio' imamualio esa owak.

1 Korintus 10:33

Menonouo mio' kaputéku. Raméjinku marui in até é tou am baya-waya. Yaku ra'ica mangéré ing kalooranku in esa, taan aku mangéré ing kalooran é tou keli wosama' séra ro'na lowiren.

1 Korintus 12:20

Wutul kelian membam-balinaan sé an owak, taan en owak wayake' in esa.

1 Korintus 6:15

Ra'ipé' réén kailekan iow sapaoka en owak iow anggota in owak i Kristus? Ro'na réén en owakta si mamualio anggota in owak i Kristus wo indon mamuali anggota in owak i wéwéné sundal? Tantu ra'ica toro.

Efesus 1:23

Sé jamaat ayandé tanu in owak i Kristus. Siao e méma' sé jamaat makaleke-lekep, meputé Sia en lumekep im baya-waya sé awéan am bisa-wisa.

Efesus 4:12

Sé kamang itu aiwéé i Kristus wosama' sé tou le'nas makawoo mengaéma' in tawoien torona i Amang Kasuruan, wo tanu in owak i Kristus, kita ro'na makaketer am paémanen,

Efesus 4:25

Ampa'paan kamu mamualio tou weru, ra'io toro ka'i mengatowo. Makuao mangé im butul asi esa wo sé walina, ampa'paan kita im baya puté-puté anggota in owak i Kristus.

Efesus 5:23

Ampa'paan si tuama icumawéngo mamuali kapala i wéwéné kinawéngna, wo puté si Kristus mamuali kapala é jamaat. Siao en lumowir sé jamaat, si mamuali owak-Na.

Efesus 5:30

ampa'paan kita anio' anggota-anggota in owak i Kristus.

Kolose 1:24

Intarépé' aku arui ampa'paan ro'na mendamai ing kawenduan torona ing kalooran iow. Wo eng kawenduan anio' musti pendamen in owakku tanu in lumekep ing kawenduan si musti wuléngen woo i Kristus torona in owak-Na siituo sé jamaat-Na.

Kolose 2:19

En ulitna si tou tanu siitu ra'ica mengamangén asi Kristus si capala é pakasa in tou. Si Kristus itu tanu ro'kos si mengatu'tul waya in owak sé pineesa i no'at wo im buku-wuku, wosama' en owak-Na makaketer kumiit ing kasalé'an i Amang Kasuruan.