Roma 12:3 - En Taar Weru a nunuwu' é Tontemboan

³ Ampa'paano si Amang Kasuruan itumambéro mai in upus-Na a yaku e mamuali ruru'du'an-Na, ampa'paan in ituo sina'uenku kamu im baya tana'i: Tioo kamu mengawerot andumoro' sé ilumébé mai asi patus paweroten iow. Taan weroteno mangé eng kawooan in owak iow sé isumoma, iciit im paémanen si aiwéé i Amang Kasuruan ai camu asi esa wo si esa.

Roma 12:3 ပူးပေါင်းရင်းမြစ်များ

Lukas 18:11

Si tou Farisi itu tumulung tumané mangé wo sumombayang an untep in até tana'i: ‘O Amang Kasuruan, yaku kumua i makapulu'sama' a si Amang Kasuruan, ampa'paan aku ra'ica mepute wo sé tou walina. Yaku ra'ica maandét, yaku ra'ica mengaéma' in léwo' wo ra'ica mengaéma' in sina. Yaku ka'i ra'ica tanu si matagi im pajak itu.

Yohanes 3:34

Ampa'paan si Yesus ayutus i Amang Kasuruan kumua in Taar-Na, ampa'paan winéan-Nao Roh ang karapi in da'- io icakua.

Roma 1:5

Wo ampa'paano i Yesus Kristus ituo, si Amang Kasuruan imééo mai ing kamang a yaku mamuali ruru'du'an e makin waya sé tou ang kayo'baan wosama' séra maéman wo le'tek a si Yesus Kristus. Émaanku waya en itu, wosama' e ngaran i Yesus Kristus iparayo-rayo wo pasiri-siriin.

Roma 11:20

En itu wutul. Séra aitiya' ampa'paan séra ra'ica maéman, wo kamu tinerima ampa'paan kamu maémano. Anaé, kamu tioo matirayo, aweso taré kamu maindé'o mangé a si Amang Kasuruan.

Roma 11:25

Poo-poow esa paémanen, icuaku ai camu sé icaenepé' wosama' kamu ra'ica matirayo. Si anioo em pawasan i Amang Kasuruan sé icaenepé' itu: Kelian sé tou Israel imamualio keté ro'kos taan séra mamuali taniitu ra'ica akar ing kauré-uré, taan akarke' i malekep eng kakelina é tou ra'ica Israel sé maéman a si Kristus sé aitantuo i Amang Kasuruan.

Roma 12:16

Menonouo mangé kamu meesa en até wo esa wewerot a si esa wo si esa. Tioo kamu mengarangka' in owak, taan mekarapio mangé wo sé tou ipawawa-wawa'. Wo tioo maanggap in owak iow si pinter keli!

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

1 Korintus 3:10

Si Amang Kasuruan tumambéro mai in upus-Na a yaku akar aku si tou e makailek wutul im bangunan tumuliro im pandasi enté', wo sé tou walina mawangun am bawo im pandasi itu. Taan si esa wo si esa tou musti méé rékén sumama-sama' tumambisa sia mangun am bawo im pandasi patuuran itu.

1 Korintus 7:17

Aweso taré si esa wo si esa tou melur ing katouan in esa tanu si aitantuo i Amang Kasuruan ai sia, si katouanna maéman a si Kristus an tutuw tinowa i Amang Kasuruan. Si anioo em pasusuiku am pakasa in jamaat.

2 Korintus 10:13

Taan kami ra'ica tanu siitu. Ra'ica kiim ami marayo sé ang kesot in tawoien si aiwééo ai cami. Kami asalo mengarayo in tawoien si aitantuo i Amang Kasuruan ai cami. Wo kamu sé tou Korintus icauntepo an tawoien ami.

2 Korintus 12:13

Paweroten iow réén ra'ipé' awes em pakatawangku ai camu? Pakasa sé niéma'ku ai camu itu meputé sé niéma'ku a sé jamaat walina. Sa aweané' si ra'ipé' niéma'ku ai camu, tantu si esa anio', yaku ra'ipé' kawisa mako irumu'du' icamu tumanggong ing kaperluanku. Sa en itu nianggap iow meséa', ampunganai aku.

2 Korintus 12:7

Taan wosama' aku ra'ica talos tumirayo ampa'paan pinapaturu'an ing kakaya'kaan itu, anaé an owakku winéan esa tutuné. En itu aiwéé i kikiiten é sétang e méma' aku mawendu wosama' ra'ica tumirayo.

Galatia 6:3

Ampa'paan sa awéan tou mawerot en owakna in esa penting, taan en ulitna sia itu tou ra'ica penting, eng kaangéanna sia itumowoo an owakna in esa.

Efesus 3:2

Tantu pinalingao miow andumoro' in tawoien si aiwéé a yaku eng kumua in upus aitambér i Amang Kasuruan ai camu tou ra'ica Yahudi.

Efesus 3:4

Sa binacao miow si aipaticku itu, ro'nao kaangéan iow sapa sé kinailekankuo andumoro' im pawasa-wasan i Amang Kasuruan andumoro' i Kristus.

Efesus 4:16

Siao en tumu'tul im pakasa sé an owak akar imetu'tul sama' wo meesa, ampa'paan pakasa sé an owak itu awéan ubungan i esa wo si esa. Wo an tutuw i esa wo si esa anggota an owak matawoi ang karapi i mauli-ulit, pakasa sé an owak itu tumou oka wo mewali-wali mangun in owak ang karapi i meupu-upusan.

Filipi 2:13

Kamu ro'na menonou tanu siitu ampa'paan si Amang Kasuruan in esao si matawoi an até miow, akar kamu ro'na menonou kiit ing kasalé'an-Na wo ro'na imaéma' sé icasalé'-Na.

Kolose 1:29

Torona in ituo aku tumawoi wo mauli-ulit rumaméji ang karapi i mamangén ang kaketeran si aiwéé mai i Kristus wo repet matawoi an untep in owakku.

Kolose 2:13

Indior kamu tanu imatéo, ampa'paan kamu mengaéma'pé' ing kamesé-meséaan wo ampa'paan ra'ica sinunat iciit in atoran é agama Yahudi. Taan intarépé' kamu tinouo sumawel i Amang Kasuruan mewali-wali wo si Kristus, kekawus im pakasa ing kamesé-meséaanta niampungan-Na.

1 Timotius 1:14

Wopé'ka'i, si Casuruanta tumambéro mai ing kamang si lumébé-lébéo a yaku. Niéma'-Na ka'i aku akar makawoo maéman a si Kristus wo ka'i ro'na mengaupus sé tou walina.

1 Timotius 2:15

Taan si wéwéne itu malowir oka ampa'paan si toyaang aitouna, sa sia uli-ulit maéman a si Casuruan mandé meta'up in okoi wo mengaupus sé tou walina, menonou ang karapi in até weresi an dior i Casuruan wo ka'i em perina ra'ica tirayo.

1 Timotius 2:9

Taniitu ka'i wo sé wéwéné, mengakarai angé sé patus am beren é tou, masoma-soma mangé wo tioo tirayo, tioo maéma' im buuk megioo, makasondol i mas kuma'pa mutiara, kuma'pa mekarai ing karai sosor ulit em bééna.

Titus 2:12

Wo en upus aitambér-Na itu ka'i en sumusui ai cita wosama' tioo menonou ra'ica maindé' a si Casuruan wo tioo makiit ing kasalé'an ing kayo'baan. En upus aitambér-Na itu isumusui ai cita e makawoo tumang in owak, menonou ra'ica marapit wo maapo' kumiit ing kasalé'an-Na ang kayo'baan ya'sa.

Titus 2:2

Sina'uenmu mangé sé tuama matu'a wosama' makawoo tumang in owak, makaperi loor akar pasiriin é tou, mapaké ing kapinteran asi Casuruan owo, tatapke' maéman a si Casuruan, mengaupus sé kakélé tou wo talesen mengasaru ing kawenduan.

Titus 2:4

Wo in taniitu séra ro'na sumusui a sé inang-inang sé wo'basé' wosama' séra mengaupus sé penanaan éra wo sé toyaang éra.

Titus 2:6

Taniitu ka'i wo sé mangalitou, sina'uen angé séra wosama' makakawoo tuméir in owak am baya-waya.

Yakobus 4:6

Taan en upus aitambér i Amang Kasuruan ai cita, lébé wangko' mai wo in itu. Ampa'paano in itu aipatic ang Kitap Le'nas tana'i, “Sunduren i Amang Kasuruan sé tou tirayo, taan turu'-Na eng kaupusan a sé tou ko'kos en até.”

1 Petrus 1:13

Keliano e niéma' i Amang Kasuruan ai camu, ampa'paan in ituo tu'tuleno mio' em bewerot iow e méma' andumoro' sé loor wo tumang in owak ra'ica méma' andumoro' in léwo' wo ituliro mio' waya em paarapen iow asi kamang si tambér oka mai i Amang Kasuruan ai camu an tutuw i Yesus Kristus maai sumawel.

1 Petrus 4:11

Sa awéan tou tumerima ing kamang aitambér i Roh Le'nas eng kumua in taar i Amang Kasuruan a sé tou, musti icuana en itu kumiit in taar i Amang Kasuruan. Wo sa awéan tou tumerima ing kamang aitambér i Roh Le'nas en tumawang sé tou, musti émaanna en itu maké ing kaketeran asi Amang Kasuruan owo. Anaé, pakén iow sumama-sama' eng kamang aitambér i Roh Le'nas ai camu esa wo si esa wosama' asé pakasa sé niéma'o miow itu, sé tou ro'na rumayo wo sumiri' si Amang Kasuruan, ampa'paano i Yesus Kristus. Si Amang Kasuruan itu makaanu i rarayo wo in sisiri' wo ing kakawasaan akar ing kauré-uré! Ulit.

1 Petrus 4:7

En endo kaka'puan ing kayo'baan makatawio. Ampa'paano in itu, musti kawasan iow en owak asé kaléwo-léwo'an wo elur em bewerot wosama' kamu ro'na sumombayang.

1 Petrus 5:5

Kamu é tou wo'bas, kamu musti le'tek a sé tou sé lébé matu'a. Wo kamu im baya sé maémano, kamu musti mensen-selewiran ang karapi ing ko'kos en até, ampa'paan ang Kitap Le'nas aicua in tana'i, “Si Amang Kasuruan oka en sumundur sé tou tirayo, taan sé tou ko'kos en até icaupus-Na.”

1 Petrus 5:8

Maténga-téngamo wo matéi-téiro mangé kamu! Ampa'paan si kikiiten é sétang si kaséké' miow itu mawaya-waya' tanu si singa mengua-nguang maéré-éré tou en lo'motenna.

3 Yohanes 1:9

Yaku imatico in surat kolek a sé jamaat, taan si Diotrefes si masalé' mamuali kikiiten an jamaat, sia ra'ica kiim luminga yaku.