Roma 12:19 - En Taar Weru a nunuwu' é Tontemboan

¹⁹ Poo-poow sé icaupusku, tioo pasuliin iow in léwo' sé tou mengaéma' in léwo' ai camu, taan mandéo si Amang Kasuruan en tumuru' ing kae'bowan-Na. Ampa'paan ang Kitap Le'nas aipatic in tana'i, “Icua i Casuruan: Yakuo en awéan hak en sumuli', Yaku oka e méé in ukuman.”

Roma 12:19 ပူးပေါင်းရင်းမြစ်များ

Matius 5:39

Taan icua-Ku mangé ai camu, tioo sunduren iow si tou sé méngaéma' in léwo' ai camu. Sa awéan tou sumepé' in amo kakan iow, iwééo ka'i mio' en amo ka'biri miow sepéénna.

Roma 12:14

Pangileko mangé kamang a si Amang Kasuruan wosama' kamangen-Na sé tou maokoi camu, pangileko mangé kamang wo tioo mengakutuk iséra.

Roma 12:17

Tioo kamu mengasuli' in léwo' a sé tou sé mengaéma' in léwo' ai camu. Taan émaano mangé sapa sé paanggapen loor é pakasa in tou.

Roma 13:4

Ampa'paan sé pemerénta itu mengaselewir a si Amang Kasuruan si matawoi torona ing kalooran iow. Taan sa kamu mengaéma' in léwo', kamu musti maindé' ai séra, ampa'paan séra itu wutu-wutul awéan kaloasan e mukum sé tou. Sé pemerénta itu mengaselewir a si Amang Kasuruan en sumuli' ing kae'bowan-Na a sé tou sé mengaéma' ing kaléwo-léwo'an.

Efesus 4:27

wo tioo pengawéan témpo a si kikiiten é sétang en tumawér icamu.

1 Tesalonika 4:6

Andumoro' in ubungan iow mempenanaan, tioo kamu mengauwak kuma'pa mengaéma' ing kaséaan a sé poo-poow iow. Ampa'paan ukumen i Amang Kasuruan sé tou mengaéma' in tanu siitu, puté wo sé aicuao ami wo sé wutu-wutul aipokéi ami ai camu indior.

2 Timotius 4:14

Si Aleksander si makailek mangaéma' im pakakas an tambaga owo, iméma'o kelian kaléwo-léwo'an a yaku. Ukumen oka i Casuruan sia kiit sé niéma'na.

Ibrani 10:30

Ampa'paan katuusanta si Amang Kasuruan si cumua in tana'i, “Yakuo en awéan hak en sumuli' ing kaléwo'an. Yaku in esa oka en sumuli'.” Wo ka'i awéan aipatic in tana'i, “Si Casuruan oka e makim sé tou-Na.”