Roma 12:16 - En Taar Weru a nunuwu' é Tontemboan

¹⁶ Menonouo mangé kamu meesa en até wo esa wewerot a si esa wo si esa. Tioo kamu mengarangka' in owak, taan mekarapio mangé wo sé tou ipawawa-wawa'. Wo tioo maanggap in owak iow si pinter keli!

Roma 12:16 ပူးပေါင်းရင်းမြစ်များ

Matius 11:5

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 26:11

Ampa'paan sé tou lengéi tatap ang karapi miow wo séra ro'na tawangen iow. Taan Aku ra'io uré mewali-wali wo icamu.

Lukas 14:13

Anaé, sa ko méma' im pésta kuman wo melep, enoteno mangé sé tou lengéi, sé tou ra'ica lekep en owak, sé tou késo' wo sé tou wola.

Lukas 6:20

Wo sérén i Yesus sé murit-Na wo kumua, “Pakakamangen kamu sé tou lengéi, ampa'paan icamuo e makaanu ing Kakolanoan i Amang Kasuruan.

Kisah Para Rasul 4:32

Pakasa sé tou maéman meesa en até wo esa wewerot, ra'ica wana mandé esake' tou eng kumua sapaoka en anuna, anunake' in esa. Anaé, eng kasiyaan éra anu éra im baya.

Roma 11:20

En itu wutul. Séra aitiya' ampa'paan séra ra'ica maéman, wo kamu tinerima ampa'paan kamu maémano. Anaé, kamu tioo matirayo, aweso taré kamu maindé'o mangé a si Amang Kasuruan.

Roma 11:25

Poo-poow esa paémanen, icuaku ai camu sé icaenepé' wosama' kamu ra'ica matirayo. Si anioo em pawasan i Amang Kasuruan sé icaenepé' itu: Kelian sé tou Israel imamualio keté ro'kos taan séra mamuali taniitu ra'ica akar ing kauré-uré, taan akarke' i malekep eng kakelina é tou ra'ica Israel sé maéman a si Kristus sé aitantuo i Amang Kasuruan.

Roma 12:3

Ampa'paano si Amang Kasuruan itumambéro mai in upus-Na a yaku e mamuali ruru'du'an-Na, ampa'paan in ituo sina'uenku kamu im baya tana'i: Tioo kamu mengawerot andumoro' sé ilumébé mai asi patus paweroten iow. Taan weroteno mangé eng kawooan in owak iow sé isumoma, iciit im paémanen si aiwéé i Amang Kasuruan ai camu asi esa wo si esa.

Roma 15:5

Pekiupusenku woo a si Amang Kasuruan, si palemboian ing katalesenan wo ing kaketeran im paémanen, tumambérai ing kaeluran ai camu kiit ing kasalé'an i Kristus Yesus.

Roma 6:2

Tantu ra'- ica toro! Ampa'paan kita tanu tou imatéo si ra'io pakakawasan ing kamesé-meséaan. Ampa'paan in ituo, kita ra'io menonou mengéma-ngéma' ing kamesé-meséaan.

1 Korintus 1:10

Poo-poowku! Pekiupusenku ang karapi i ngaran i Apo'ta Yesus Kristus, wosama' kamu im baya esa nunuwu'. Tioo awéan papetanéan an uner iow, aweso taré kamu meesa en até wo esa em bewerot.

1 Korintus 3:18

Sa kamu mengawerot in owak iow awéan kapinteran, kamu imuwako in owak iow in esa, ampa'paan eng kapinteran papakén iow itu asalo makiit im pakawerot é tou ang kayo'baan wo eng kapinteran ituo e modok icamu. Aweso taré kamu ra'ica mapaké ing kapinteran makiit im pakawerot ing kayo'baan wosama' an dior i Amang Kasuruan kamu uli-ulit awéan kapinteran.

1 Korintus 4:10

Ampa'paan kami makua andumoro' i Kristus, paweroten é tou ing kayo'baan tanu tou bodok, taan kamu tirayo sapaoka kamu itu tou pinter ampa'paan maéman a si Kristus. Kami ka'i paweroten é tou ing kayo'baan tanu tou ra'ica keter em paémanen taan kamu marayo in owak sapaoka kamu ketero em paémanen. Kami pengawawa' é tou ing kayo'baan taan kamu iparayo-rayo é tou keli.

1 Korintus 6:5

Awéan esa em buéienku ai camu e méma' icamu malawi': Ra'ica réén wana tou mandé esake' ai camu si awéan kapinteran e ro'na murus ing kaperéndéran é poo-poowna esa paémanen?

1 Korintus 8:2

Sa awéan tou mawerot sapaoka sia kelio eng kailekan, en ulitna sia itu keliané sé ra'ipé' kailekanna si musti kailekanna.

2 Korintus 13:11

Anaé é poo-poow, maaru-aruio mangé, wutuleno em peri miow si suméa'. Terimano mangé pakasa en sina'uku! Meesao mangé en até wo em bewerot iow wo menonouo mangé ang kaeluran. Si Amang Kasuruan, pelemboian in upus wo ing kaeluran, mewali-wali oka wo icamu!

Filipi 1:27

Anaé, em penting keli kamu musti menonou kumiit in sapa sé aisusui an Abar Kaaruien andumoro' i Kristus. Wo in taniitu, aku maai meta'up wo icamu kuma'pa ra'ica, kailekanku oka sapaoka kamu enté' makatulung an esa wasa wo rumaméji mewali-wali an esa até torona im paémanen ampa'paan makiit in Abar Kaaruien.

Filipi 3:16

Em penting keli kita menonou kiit asé sapa sé kinéréantao akar intarépé'.

Filipi 4:2

Euodia wo Sintikhe, yaku uli-ulit mekiupus ai camu, wosama' icamu maesao en até wo esa wewerot ampa'paan imeesa wo si Apo' Yesus.

Ibrani 13:5

Tioo kamu mamuali ata in doit, taan sapa sé awéano ai camu atoren sumama-sama' en itu aweso ai camu. Ampa'paan si Casuruan icumuao, “Ico ra'ica kawisa iwekar-Ku, wo ico ra'ica kawisa itela'u-Ku.”

1 Petrus 3:8

Anaé, kumusi' i nunuwu'ku anio' pangilekenku ai camu, musti meesa en até wo esa em pamendamen, meupu-upusan tanuoka sé mepoow wo tumuru' ing kaupusan wo ko'kos en até.

1 Petrus 5:3

Wo tioo kamu asalo kaperé-perénta sé jamaat sé aitoké i Casuruan ai camu, taan kamu musti mamuali paandéan loor ai séra.

3 Yohanes 1:9

Yaku imatico in surat kolek a sé jamaat, taan si Diotrefes si masalé' mamuali kikiiten an jamaat, sia ra'ica kiim luminga yaku.