Roma 12:15 - En Taar Weru a nunuwu' é Tontemboan

¹⁵ Maaru-aruio mangé mewali-wali wo sé tou maaru-arui, wo maamé'o mangé mewali-wali wo sé tou maamé'!

Roma 12:15 ပူးပေါင်းရင်းမြစ်များ

Lukas 1:58

An tutuw kalingaan é katana'na wo sé poo-poowna sapaoka si Amang Kasuruan itumuru'o ing kaupusan-Na a si Elisabet e makéréo toyaang wo séra im baya masalé-salé' ang karapi i Elisabet.

Yohanes 11:19

Anaé, keli sé tou Yahudi an Yerusalem owo mai a si Marta wo si Maria e mibor iséra in dua ampa'paan si Lazarus poow éra tuama imatéo.

Kisah Para Rasul 11:23

An tutuw i Barnabas icateka' a mangé mbitu, sérénna sé tou maéman am bitu tinambéranai ing kamang i Amang Kasuruan, wo sia wutu-wutul arui. Wo sina'uenna séra im baya wosama' uli-ulit ang karapi in lekep en até, le'tek a si Apo' Yesus.

1 Korintus 12:26

Anaé, sa esaan sé an owak mawendu, pakasa sé an owak itu ka'i kumiit mawendu. Sa esaan sé an owak makéré rarayoan, pakasa sé an owak ka'i maarui.

2 Korintus 11:29

Sa linganku awéan tou an jamaat ra'ica keter, yaku ka'i makapendam ra'ica keter. Sa linganku awéan tou icasangkil ang kamesé-meséaan, en atéku tanuoka makateri-teri ampa'paan im bendu.

2 Korintus 2:3

An tutuw aku matic in suratku indior, kamu rinomaanku. Wo in taniitu sa aku maai sumawel ai camu ang Korintus, yaku ra'ica mawendu. Icamuo e musti maarui yaku. Ampa'paan percayanku sapaoka sa aku arui kamu ka'i arui.

Filipi 2:26

Icasalé'ku sia yutus angé sumawel, ampa'paan icamu im baya lelonna keli wo en aténa ka'i mendam in susa ampa'paan pinalingao miow sapaoka sia sumakit.

Filipi 2:28

Siituo imangémai akar sia makala'us icirimku oka ai camu wosama' kamu arui ka'i en suméré sia, wo in taniitu aku ra'io maindé-indé' andumoro' in owakna.

Ibrani 13:3

Ta'néieno mangé sé kakélé miow sé an untep im bui, tanuoka kamu ka'i pakabuin mewali-wali wo iséra. Wo ta'néien ka'i sé kakélé miow paokoien, tanuoka kamu ka'i paokoien mewali-wali wo iséra.