Roma 11:28 - En Taar Weru a nunuwu' é Tontemboan

²⁸ Intarépé' sé tou Israel ra'ica masalé' tumerima in Abar Kaaruien andumoro' si Yesus Kristus, ampa'paano in itu séra imamualio kaséké' i Amang Kasuruan. Taan ampa'paan séra ra'ica tumerima in Abar Kaaruien itu, akar kamu sé tou ra'ica Yahudi makéré ing kauntungan. Mandé ka'i taniitu, sé tou Israel tatapké icaupus i Amang Kasuruan ampa'paan séra itu tou sinisir-Na tumo'tolai indior, wo ka'i ampa'paan in janji-Na a sé apo-apo' éra indior.

Roma 11:28 ပူးပေါင်းရင်းမြစ်များ

Matius 21:43

Ta'néien sumama-sama' en anio'! Indon oka sumawel i Amang Kasuruan en hak iow mamuali tou ang Kakolanoan-Na, wo iwéé-Na oka en hak iow itu a sé bangsa walina sé masalé' le'tek maéma' ing kasalé'an-Na. [

Lukas 1:54

Tawangen-Na sé tou Israel, ata-Na, ampa'paan Sia makata'néi ing kaupusan-Na.

Kisah Para Rasul 14:2

Taan awéan tou Yahudi sé ra'ica kiim mercaya in aicua i Paulus wo si Barnabas, séra memaso-maso' in léwo' sé tou ra'ica Yahudi wosama' icasuut éra sé poo-poow esa paémanen itu.

Kisah Para Rasul 18:6

Taan aicélongke' é tou itu em pakua i Paulus wo maroros sia, wo itangkarna en awu ang karaina, wo icuana ai séra, “Kamu in esa e mamuléng in ukuman i Amang Kasuruan, en itu ra'ica kameséaanku! Tumo'tol intarépé', aku mangé a sé bangsa walina e mangé kumua in Abar Kaaruien andumoro' si Yesus Kristus.”

Roma 11:11

Anaé, intarépé' keli sé tou Israel icasangkil ampa'paan séra ra'ica maéman. Wuéienku sumawel: Sa sé tou Israel icasangkilo tanu siitu, icélong réén i Amang Kasuruan séra akar ing kauré- uré? Ra'ica taniitu, séra teriman oka. Taan ampa'paan ing kaséaan éra, akar si Amang Kasuruan méé mai in lalan kalowiran a sé bangsa walina. Émaan-Na taniitu ai séra wosama' sé tou Israel manganat ai séra.

Roma 11:30

Indior, kamu sé tou ra'ica Israel ra'ica le'tek a si Amang Kasuruan. Taan intarépé' kamu itumerimao ing kaupusan-Na ampa'paano sé tou Israel ra'ica le'tek ai Sia.

Roma 11:7

Anaé, tana'i e mamuali: Sé tou Israel mangéré lalan mamuali tou wutul an dior i Amang Kasuruan, taan kinakelian ai séra ra'- ica makéré sapa em paéré-érén éra. Wo sé tou Israel sé nianggap wutul wayake' im pira, sérao sé sinisiro i Amang Kasuruan. Taan sé tou Israel walina, niéma' keté ro'kos,

Roma 5:10

An tutuw kita masunduré' a si Amang Kasuruan, kita niéma'-Nao meeluran wo Sia ampa'paan im papaté i Toyaang-Na. Lébé-lébépé' ka'i intarépé' an tutuw kita meelurano sumawel wo Sia, tantu kita lowiren oka asi endo kaka'puan ing kayo'baan ampa'paan si Kristus itumou sumawel.

Roma 9:5

Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!