Roma 11:11 - En Taar Weru a nunuwu' é Tontemboan

¹¹ Anaé, intarépé' keli sé tou Israel icasangkil ampa'paan séra ra'ica maéman. Wuéienku sumawel: Sa sé tou Israel icasangkilo tanu siitu, icélong réén i Amang Kasuruan séra akar ing kauré- uré? Ra'ica taniitu, séra teriman oka. Taan ampa'paan ing kaséaan éra, akar si Amang Kasuruan méé mai in lalan kalowiran a sé bangsa walina. Émaan-Na taniitu ai séra wosama' sé tou Israel manganat ai séra.

Roma 11:11 ပူးပေါင်းရင်းမြစ်များ

Lukas 20:16

Sia maai oka wo paténna sé tou matawoi in umana itu wo en umana itu ipapatawoina a sé tou walina.” Kelinga éra in itu wo icua é tou keli itu a si Yesus, “En itu tioo mamuali ai cami!”

Kisah Para Rasul 13:42

Kekawus i masusui, si Paulus wo si Barnabas kumesot am balé paapo'an itu. Taan sé tou am bitu mekiupus ai séra wosama' maréngai sumawel asi endo Sabat asi duminggu maai en sumusui ka'i andumoro' in taar itu.

Kisah Para Rasul 18:6

Taan aicélongke' é tou itu em pakua i Paulus wo maroros sia, wo itangkarna en awu ang karaina, wo icuana ai séra, “Kamu in esa e mamuléng in ukuman i Amang Kasuruan, en itu ra'ica kameséaanku! Tumo'tol intarépé', aku mangé a sé bangsa walina e mangé kumua in Abar Kaaruien andumoro' si Yesus Kristus.”

Roma 10:19

Wuéienkupé' ka'i: Ra'ipé' réén kailekan é tou Israel en abar itu? Én, kailekan érao, ampa'paan kataré-taré si Musa kumua i nunuwu' i Amang Kasuruan ai séra tana'i, “Émaan-Ku oka kamu manganat a sé tou sé ra'ica tou-Ku, wo émaan-Ku oka kamu mae'bow, ampa'paan Aku méé ing kamang a sé tou sé paanggapen iow bodok.”

Roma 11:1

Wuéienku, aicélongo réén i Amang Kasuruan sé tou Israel? Tantu ra'ica! Yaku in esa tou Israel, taranak i Abraham, an suku i Benyamin.

Roma 11:12

Anaé, ampa'paano ing kameséaan é tou Israel, eng kasiwakana sé bangsa walina makéré ing kamang asi Amang Kasuruan owo. Lébé-lébépé' ka'i sa sé bangsa Israel itu meelurano sumawel wo Sia, sé bangsa walina tantu makéré oka ing kamang ilumébé-lébé mai ai Sia.

Roma 11:14

Arapenku, ang karapi in tawoienku itu sé tou Israel sé esa taranak wo yaku manganat ai camu tou ra'ica Yahudi. Ang karapi in tumaniitu, arapenku aku ro'na lumowir piraan tou asé tou Israel.

Roma 11:31

Taniitu ka'i sé tou Israel. Intarépé' séra ra'ica le'tek a si Amang Kasuruan, ang karoro'an in itu ituru'-Na eng kaupusan-Na ai camu tou ra'ica Israel. Taan asi endo mengangai, sé tou Israel itu ka'i tumerima oka ing kaupusan-Na.