Roma 10:4 - En Taar Weru a nunuwu' é Tontemboan

⁴ Wo en ukum Torat linekepo i Kristus. Anaé, sa sé tou maéman ai Sia, séra nianggap wutul i Amang Kasuruan.

Roma 10:4 ပူးပေါင်းရင်းမြစ်များ

Matius 3:15

Wo isowat i Yesus ai sia, “Mandéo ico e maptis Yaku. Wo in taniitu niéma'tao eng kasalé'an i Amang Kasuruan.” Kelinga in itu, kiitan i Yohanes en aicua i Yesus.

Yohanes 1:17

Tinerimata en ukum-ukum i Amang Kasuruan ampa'paan i Musa, taan kinatuusanta en upus aitambér i Amang Kasuruan wo en sususuien wutul-Na ampa'paan si Yesus Kristus.

Roma 3:22

sapaoka sé tou ro'na nianggap wutul i Amang Kasuruan, ampa'paan maéman a si Yesus Kristus. Niéma' i Amang Kasuruan in taniitu torona im pakasa é tou maéman a si Yesus Kristus. Ampa'paan pakasa en tou puté waya an dior i Amang Kasuruan.

1 Korintus 1:30

Si Amang Kasuruan in esa e méma' camu meesa ang karapi i Kristus Yesus. Wo si Kristus Yesuso e méma' cita mapinter, wo ampa'paano Sia ka'i kita nianggap wutul i Amang Kasuruan. Niéma ka'i Yesus kita mamuali tou le'nas wo ka'i tinu'bus-Na kita ang kamesé-meséaanta.

Galatia 3:24

Anaé, en ukum Torat makaakin icita akar si Kristus maai. Wo kekawus i Kristus mai, kita ro'na nianggap wutul an dior i Amang Kasuruan ampa'paan maéman a si Kristus.

Galatia 4:5

Sia ayutus ang kayo'baan en tumu'bus sé tou menonou ang kakawasaan in ukum Torat, wosama' kita mamuali toyaang i Amang Kasuruan.

Kolose 2:10

Wo ampa'paan kamu meesao wo si Kristus, kamu ka'i niéma'o lekep. Siao si capala si cumawasa sé maperénta wo sé makakawasa.

Kolose 2:17

Ampa'paan pakasa sé atoran itu indior niéma' tanu im bayang andumoro' im perkara-perkara sé mamuali oka asi endo mengangai. Wo en ulitna sé aituru' an atoran-atoran itu Siao si Kristus.

Ibrani 10:14

Anaé, ang karapi in esake' iparagés, linekepo i Kristus torona ing kauré-uré sé tou sé line'nas-Nao.