Roma 10:20 - En Taar Weru a nunuwu' é Tontemboan

²⁰ Wo si Yesaya ka'i brani icumua i nunuwu' i Amang Kasuruan andumoro' é tou ra'ica Israel tana'i: “Yaku meta'upo wo sé tou sé ra'ica kawisa mangéré Yaku. Wo aipapaturu'-Kuo en owak-Ku ai séra sé ra'ica kawisa e memué-muéi in andumoro' Yaku.”

Roma 10:20 ပူးပေါင်းရင်းမြစ်များ

Matius 20:16

Taniituo ka'i e mamuali sa, sé tou kumataré-taré mamuali oka tou sumomo-somoi, wo sé tou sumomo-somoi mamuali oka tou kumataré-taré.”

Lukas 14:23

Wo icua i tuang itu a si atana, ‘Mangém an lala-lalan wangko' wo an lala-lalan pesut ang kesot ing kota wo leséénai waya sé tou am bitu wosama' em palukutan mawuta.’

Roma 10:3

Ampa'paan ra'ica kailekan éra tumambisa em butul wosama' anggapen wutul i Amang Kasuruan, akar séra rumaméji kumiit in lalan éra in esa ang karapi i mengaéma' in ukum Torat, ampa'paan in itu séra ra'ica le'tek kumiit in lalan aituru' i Amang Kasuruan.

Roma 9:30

Anaé, ro'na icuata in tana'i: Sé tou walina sé ra'ica Yahudi ra'ica rumaméji nianggap wutul i Amang Kasuruan, taan séra nianggap-Na wutul ampa'paan séra maéman a si Yesus.

Roma 9:31

Taan sé tou Israel rumaméji makiit in ukum Torat wosama' séra nianggap wutul i Amang Kasuruan. Taan en ukum itu ra'ica kaémaan éra, anaé séra ra'ica nianggap wutul i Amang Kasuruan.

1 Yohanes 4:19

Kita mengaupus ampa'paan si Amang Kasuruan irumioro mengaupus cita.