Roma 10:2 - En Taar Weru a nunuwu' é Tontemboan

² Sinérékuo in esa sapaoka séra uli-ulit rumaméji mengaarui in até i Amang Kasuruan, taan ra'ica kailekan éra tumambisa em butulna.

Roma 10:2 ပူးပေါင်းရင်းမြစ်များ

Yohanes 16:2

Ampa'paan kamu ra'io ka'i iwéé é kikiiten é agama Yahudi maapo' am balé paapo'an éra. Lébé-lébé ka'i maai oka en témpona si séike' e maté icamu, pawerotenna ang karapi i méma' in taniitu niéma'nao eng kasalé'an i Amang Kasuruan.

Kisah Para Rasul 21:20

Kelinga in itu, séra rumayo wo sumiri' si Amang Kasuruan. Wo icua éra a si Paulus, “Éi poow! Musti kailekanmu sapaoka mariwuo eng kakeli é tou Yahudi maémano wo re'dem makiit in ukum Torat.

Kisah Para Rasul 21:28

Séra mangko', “Éi tou Israel, tawangen kami! Siao si mangé am bisa-wisa e masusui pakasa sé tou ang karapi in sususuien sé makélong sé touta Israel wo en ukum Torat wo em Balé Le'nas anio'! Wo intarépé' sia makawali mai sé tou ra'ica Yahudi am Balé Le'nas anio' wo méma' in tampa le'nas anio' manajis!”

Kisah Para Rasul 22:22

An tutuw lingan é tou Yahudi sa si Amang Kasuruan irumu'du'o si Paulus mangé a sé tou ra'ica Yahudi, sé tou itu tumo'tolo maangko', “Si tou anio' ra'ica patus menonou. Paténo sia!”

Kisah Para Rasul 22:3

“Yaku tou Yahudi, itumou an Tarsus an tana' Kilikia, taan imawangko' an Yerusalem anio'. Si guruku makangaran Gamaliel. Yaku sinusuianna in sama' andumoro' in ukum Torat si aiwéé i Musa a sé apo-apo'ta. Pakasa en atoran i Amang Kasuruan itu pengaémaanku waya tanu ka'i im pengaémaan iow intarépé'.

Roma 10:1

Poo-poow an esa paémanen, icasalé'ku keli sé poo-poowku tou Israel lowiren, wo uli-ulit aku masombayang a si Amang Kasuruan torona éra.

Roma 10:3

Ampa'paan ra'ica kailekan éra tumambisa em butul wosama' anggapen wutul i Amang Kasuruan, akar séra rumaméji kumiit in lalan éra in esa ang karapi i mengaéma' in ukum Torat, ampa'paan in itu séra ra'ica le'tek kumiit in lalan aituru' i Amang Kasuruan.

2 Korintus 4:4

Sé tou ra'ica mapercaya, em pakawerot éra winolao i opo' léwo' si makakawasa ing kayo'baan anio', akar séra ra'io mailek in sendot in Abar Kaaruien itu. Anaé, séra ra'ica makailek tambisa eng kawangko' i rarayo wo in sisiri' i Kristus, si meputé ulit wo si Amang Kasuruan.

2 Korintus 4:6

Indior si Amang Kasuruan icumua in tana'i, “Asi kariréimbengan mantangai en sendot.” Intarépé' Siao ka'i iméma' in sendot-Na matélang an untep in atéta. Ampa'paano in sendot-Na si an untep in atéta, ro'na kailekanta eng kawangko' i Amang Kasuruan si masendot ang gio i Kristus.

2 Korintus 8:3

Yaku ro'na méé ing kasairian ai camu sapaoka séra imééo kumiit ing kawooan éra, en ulitna ilumébéo mai asi kinawooan éra. Wo séra mawéé ang karapi in lekep en até.

Galatia 1:14

Tanu tou si mengakiit in agama é Yahudi yaku en lébé incaya' miara ing kanaramen é apo-apo'ku, sa ipeputé wo sé kinakelian asé tou Yahudi sé merengan wo yaku.

Galatia 4:15

Asi témpo itu kamu arui keli, taan intarépé' kamu ra'io ka'i arui, am bisao réén eng kaaruian iow itu? Yaku ro'na méé kasairian in andumoro' miow, asi témpo itu sapa-sapake' ro'na iwéé miow a yaku. Sa kéndo' woo ro'na tu'icen iow ka'i em beren wo iwéé miow a yaku.

Filipi 1:9

Wo si anioo en sombayangku, wosama' en upus iow a si Amang Kasuruan wo sé kakélé tou makaawes, wo makaawes ka'i eng kakailekan wutul andumoro' si wisa si wutul wo si wisa si ra'ica wutul,

Filipi 3:6

Yaku incaya' keli an agama Yahudi akar paokoienku sé jamaat sé maéman a si Kristus. Wo yaku wutu-wutul le'tek makiit in ukum Torat akar ra'ica wana tou e ro'na méé kaséaan a yaku andumoro' in itu.

Kolose 4:13

Wo aku ro'na méé kasairian andumoro' si Epafras, sapaoka sia repet eng ketawoi torona miow wo torona éra sé an Laodikia wo Hierapolis.