Roma 10:19 - En Taar Weru a nunuwu' é Tontemboan

¹⁹ Wuéienkupé' ka'i: Ra'ipé' réén kailekan é tou Israel en abar itu? Én, kailekan érao, ampa'paan kataré-taré si Musa kumua i nunuwu' i Amang Kasuruan ai séra tana'i, “Émaan-Ku oka kamu manganat a sé tou sé ra'ica tou-Ku, wo émaan-Ku oka kamu mae'bow, ampa'paan Aku méé ing kamang a sé tou sé paanggapen iow bodok.”

Roma 10:19 ပူးပေါင်းရင်းမြစ်များ

Roma 10:18

Taan wuéienku: Ra'ipé' réén sumangkum ako sé tou Israel luminga in Abar Kaaruien andumoro' i Yesus Kristus? Tantu séra sumangkumo luminga. Ampa'paan ang Kitap Le'nas aipatic in tana'i, “En suara é tou mengakua in abar, imakaro am pakasa ing kayo'baan, wo e nunuwu' éra imakaro a sé im pakasa é tou.”

Roma 11:11

Anaé, intarépé' keli sé tou Israel icasangkil ampa'paan séra ra'ica maéman. Wuéienku sumawel: Sa sé tou Israel icasangkilo tanu siitu, icélong réén i Amang Kasuruan séra akar ing kauré- uré? Ra'ica taniitu, séra teriman oka. Taan ampa'paan ing kaséaan éra, akar si Amang Kasuruan méé mai in lalan kalowiran a sé bangsa walina. Émaan-Na taniitu ai séra wosama' sé tou Israel manganat ai séra.

Roma 11:14

Arapenku, ang karapi in tawoienku itu sé tou Israel sé esa taranak wo yaku manganat ai camu tou ra'ica Yahudi. Ang karapi in tumaniitu, arapenku aku ro'na lumowir piraan tou asé tou Israel.

Roma 3:26

Si Yesus maté en sumawel icita ampa'paan ing kamesé-meséaan, siitu en tuusna sapaoka si Amang Kasuruan ra'ica marapit. Wo in taniitu aituru'-Nao sapaoka Sia wutul; wo pakasa é tou maéman a si Yesus, nianggap i Amang Kasuruan wutul an dior-Na.

1 Korintus 1:12

Em peangé-angénku tana'i: Awéan tou an uner iow sé makua, “Yaku makiit si Paulus”, awéan ka'i sé makua, “Yaku makiit si Apolos”, sé walina ka'i makua, “Yaku anio' makiit si Petrus” wo sé walina ka'i makua, “Yaku makiit si Kristus.”

1 Korintus 10:19

Kaangéan iow réén sapa sé pakuaku itu? Eng kaangéanna tana'i: sé opo-opo' wo eng kakanen ayumper a sé opo-opo', rua-rua itu ra'ica wana torona.

1 Korintus 11:22

Ra'ica réén wana walé kamu, si pakanan wo paelepan iow? Kuma'pa masalé' réén kamu maséro' sé jamaat i Amang Kasuruan wo mapalawi' ka'i sé tou lengéi? Sapapé' en icuaku ai camu? Irayoku réén kamu? Andumoro' sé anio', aku ra'ica rumayo icamu.

1 Korintus 12:2

Kata'néiané' miow an tutuw iow ra'ipé' makatuus si Amang Kasuruan, kamu kinatawéran wo icawali a sé opo-opo' wowo'.

1 Korintus 15:50

Poo-poow, em peangé-angénku tana'i: en owakta intarépé' niéma' an enda wo an sama'na owo. Wo en owakta anio' sa, ra'- ica toro muntep ang kayo'baan weru i Amang Kasuruan. En owak si ro'na maté tanu si anio' ra'io ka'i pakénta ampa'paan a mangé mbitu ra'io wana ka'i e maté.

1 Korintus 7:29

Poo-poow sé maéman, em paangé-angénku tana'i: Kita ra'io kelian en témpo! Anaé, tumo'tol intarépé' sé tuama makapenanaano, musti méma' tanuoka kéndo' ra'ica wana penanaan.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

1 Petrus 2:10

Indior kamu ra'ica tou i Amang Kasuruan, taan intarépé' kamu imamualio tou-Na. Wo indior kamu ra'ipé' itumerima ing kaupusan i Amang Kasuruan taan intarépé' kamu tumerimao ing kaupusan-Na.