Roma 10:17 - En Taar Weru a nunuwu' é Tontemboan

¹⁷ Anaé, sé tou ro'na maéman, ampa'paan séra luminga in abar. Wo en abar itu ro'na lingan éra ampa'paan awéan tou e mangé kumua in abar andumoro i Kristus itu ai séra.

Roma 10:17 ပူးပေါင်းရင်းမြစ်များ

Markus 4:24

Wo icua ka'i i Yesus, “Wéanio' rékén sumama-sama' sapa sé pinalingao miow! Sa kamu wutu-wutul masalé' makailek, émaan oka i Amang Kasuruan kamu lébé makailek, wo awesan-Napé' ka'i wosama' kamu lébé makailek. Anaé em pengaukur sé pengaukur iow a sé tou walina siitu oka ka'i en yukur ai camu.

Lukas 11:28

Taan isowat i Yesus, “Sé pakakamangen, sé tou luminga in Taar i Amang Kasuruan wo pengaémaanna.”

Lukas 8:11

Tana'i eng kaangéan in andéan itu: En lulumbo itu, siituo en Taar i Amang Kasuruan.

Lukas 8:21

Taan icua i Yesus ai séra, “Sé tou iluminga wo sé mengaéma' in Taar i Amang Kasuruan, sérao si inang-Ku wo sé mepoow wo Yaku.”

Yohanes 1:37

Sé rua murit i Yohanes sé luminga sapa en aicuana, wo séra mangé kumiit si Yesus.

Roma 1:16

Yaku ra'ica malawi' mengakua in Abar Kaaruien andumoro' i Yesus Kristus itu, ampa'paan en Abar itu awéan kaketeran i Amang Kasuruan en lumowir im pakasa sé tou maéman; kataré-taré sé tou Yahudi wo ka'i sé tou walina.

Roma 10:14

Taan tambisa sé tou ro'na mekiupus ai Sia, sa séra ra'ipé' maéman ai Sia? Wo tambisa sé tou ro'na maéman ai Sia, sa séra ra'ipé' kawisa luminga in andumoro' Sia? Wo tambisa sé tou ro'na luminga in andumoro' Sia, sa ra'ica wana tou e mangé kumua ai séra in andumoro' Sia?

2 Korintus 2:17

Kami ra'ica meputé wo sé kinakelian tou sé mengakua in abar i Amang Kasuruan e mangéré ing kauntungan in esa. Em paangé-angén ami lekep en até, ampa'paan si Amang Kasuruan e rumu'du' icami. Wo si Amang Kasuruan in esa en suméré sapaoka icami makua in abar itu tanu ata-ata i Kristus.

Galatia 3:2

Sowateno mai em buwuéienku anio': Ampa'paan in sapa réén kamu tumerima i Roh Le'nas? Ampa'paan mengaéma' in ukum Torat kuma'pa luminga in Abar Kaaruien wo maéman a si Kristus?

Galatia 3:5

Si Amang Kasuruan mééo mai i Roh Le'nas-Na ai camu ang karapi i mawuta-wuta, wo iméma'o ing kakaya'kaan an uner iow. Niéma' réén i Amang Kasuruan en itu ampa'paan kamu mengaéma' in ukum Torat? Tantu ra'ica. Taan ampa'paan kamu iluminga in Abar Kaaruien wo maéman a si Kristus.

Kolose 3:16

Wo iwayao e nunuwu' i Kristus kasake' an até miow ang karapi i mawuta-wuta akar kamu si esa wo si esa ro'na mensun-susuian wo mensin-sina'uan ang karapi wuta ing kapinteran asi Amang Kasuruan owo. Wo icantaro mangé e mazmur, kakantaren rarayoan wo kakantaren rohani wo mawéé mangé i makapulu'sama' a si Amang Kasuruan si lumembo mai an até miow.

1 Tesalonika 2:13

An tutuw ipakua ami en taar i Amang Kasuruan, tinerimao miow en itu tanu nunuwu' i Casuruan ra'ica nunuwu' é tou. Wo en aisowat iow itu wutul, ampa'paan en taar i Amang Kasuruan itu ang karoro'ano i matawoi ang katouan iow sé maéman a si Apo' Yesus. Ampa'paan in ituo kami mengua-ngua i makapulu'sama' ai Sia.

Ibrani 4:2

Ampa'paan en Abar Kaaruien itu ipakua-kuao ai cita, meputé sé aicuao a sé apo-apo'ta indior. En abar sé lininga é apo-apo'ta itu ra'ica wana torona ai séra, ampa'paan ra'ica percayan éra.

1 Petrus 1:23

Ampa'paan eng katouan weru si kinéréan iow ra'ica kinéréan iow asé tou si ro'na maté, taan kinéréan iow ampa'paan kamu maéman in Taar i Amang Kasuruan. En Taar ituo si Taar menonou wo awéan melala'us akar ing kauré-uré.

Wahyu 1:9

Yaku si Yohanes poow an esa paémanen si mewali-wali wo icamu mendamai in okoi ampa'paan makiit si Yesus. Terimanta oka mewali-wali em bagéanta ang Kakolanoan-Na, wo talesen mangento-ngento' si Yesus maai sumawel. Wo yaku aisingkir angé am pulou Patmos ampa'paan mengakua in Taar i Amang Kasuruan wo me- ngasairi andumoro' sapa si aicua i Yesus.