Roma 10:14 - En Taar Weru a nunuwu' é Tontemboan

¹⁴ Taan tambisa sé tou ro'na mekiupus ai Sia, sa séra ra'ipé' maéman ai Sia? Wo tambisa sé tou ro'na maéman ai Sia, sa séra ra'ipé' kawisa luminga in andumoro' Sia? Wo tambisa sé tou ro'na luminga in andumoro' Sia, sa ra'ica wana tou e mangé kumua ai séra in andumoro' Sia?

Roma 10:14 ပူးပေါင်းရင်းမြစ်များ

Matius 20:7

Wo isowat éra ai sia, ‘Ra'ica wana tou en tume'tek ai cami.’ Wo icuana ai séra, ‘Sa taniitu, mangéo taré kamu tumawoi an uma in anggorku!’

Yohanes 20:31

Taan pakasa sé aipatico asi kitap anio', en itu aipatic wosama' percayan iow si Yesus ituo si Mesias wo Toyaang i Amang Kasuruan, wosama' percayan iow Sia wo kéréan iow eng katouan akar ing kauré-uré.

Yohanes 9:36

Isowat i tou itu, “Si séi réén Sia, é Tuang? Pekiupusenku icua woo mai a yaku wosama' Sia percayanku.”

Kisah Para Rasul 19:2

Icuana ai séra, “An tutuw iow imaémano, tumerimao réén i Roh Le'nas kamu?” Isowat éra ai sia, “Ra'ipé', wo ka'i ra'ipé' sumangkum ako pinalinga ami sa e Roh Le'nas itu awéan.”

Kisah Para Rasul 8:31

Isowatna, “Tumambisa aku ro'na makailek sa ra'ica wana tou en sumusui a yaku.” Wo pekiupusenna si Filipus sumaké ang keréta itu wo lumukut an duruna.

Roma 1:5

Wo ampa'paano i Yesus Kristus ituo, si Amang Kasuruan imééo mai ing kamang a yaku mamuali ruru'du'an e makin waya sé tou ang kayo'baan wosama' séra maéman wo le'tek a si Yesus Kristus. Émaanku waya en itu, wosama' e ngaran i Yesus Kristus iparayo-rayo wo pasiri-siriin.

Efesus 2:17

Sia mai ang kayo'baan eng kumua in abar kaeluran a sé tou ra'ica Yahudi sé indior tayangé' wo si Amang Kasuruan wo sé tou Yahudi sé tawi wo Sia.

Efesus 4:21

Ampa'paan en sususuien andumoro' i Kristus sé liningao miow itu, sususuien wutul. Wo en sususuien wutul itu kaséré-séréan an owak-Na.

2 Timotius 4:17

Taan mandé ka'i aku aitela'u éra, si Casuruan kasake' ang karapiku. Kineter-Na mai aku wosama' aku ro'na kumua in Abar Kaaruien andumoro' i Yesus Kristus a sé tou ra'ica Yahudi ang karapi i makakii-kiit. Wo iwekar-Na ka'i aku am pakasa sé kaléwo-léwo'an, tanuoka aku icawekar am ba'ba' i singa.

Titus 1:3

Wo asi témpo si aitantuo i Amang Kasuruan, ituru'-Na ai cita en lalan makéré ing katouan akar ing kauré-uré. Aitoké-Nao a yaku eng kumua in Abar Kaaruien andumoro' i Yesus Kristus itu wo icuaku kiit im perénta-Na. Siao si Lumolowirta.

Ibrani 11:6

Si tou ra'ica maéman a si Amang Kasuruan, sia ra'ica kawisa mako maarui in até-Na. Si tou mai a si Amang Kasuruan sia musti maéman sapaoka si Amang Kasuruan itu awéan, wo sia musti maéman ka'i sapaoka si Amang Kasuruan méé mai in laasa a sé tou sé uli-ulit mengaéré Sia.

Yakobus 5:15

Sa séra sumombayang wo maéman a si Casuruan, tantu en sakit i tou itu masama'. Wo sa si tou itu méma'o ing kamesé-meséaan, sia ampungan oka.