Roma 1:7 - En Taar Weru a nunuwu' é Tontemboan

⁷ Ampa'paan in ituo, ipaticku en surat anio' ai camu im baya sé maento' a Roma sé icaupus i Amang Kasuruan, sé tinowa-Nao e mamuali tou le'nas. Pekiupusenku woo a si Amang Kasuruan, Amangta wo a si Apo' Yesus Kristus en tumambérai ing kamang wo ing kaeluran ai camu.

Roma 1:7 ပူးပေါင်းရင်းမြစ်များ

Matius 5:16

Tanu siituo ka'i wo icamu, en sendotmu musti tumélang an dior é tou wosama' sérén éra em pengaémaanmu loor wo marayo-rayo si Amangmu an sorga.”

Yohanes 20:17

Icua i Yesus ai sia, “Tioo timboienmu en owak-Ku, ampa'paan Aku ra'ipé' imangé a si Amang-Ku. Taan mangéo taré ko a sé poo-poow-Ku, wo icuao mangé ai séra sapaoka intarépé' Aku maangém a si Amang-Ku wo ka'i Amangmu, siituo si Amang Kasuruan-Ku wo ka'i Amang Kasuruanmu.”

Kisah Para Rasul 15:23

Wo en surat itu aisarakan a si Barsabas wo si Silas, aipatic in tana'i: “Siri' a sé poo-poow esa paémanen sé ra'ica tou Yahudi sé maento' an Antiokhia, an Siria, wo eng Kilikia. En siri' anio' ai cami owo sé ruru'du'an wo sé penatua an Yerusalem.

Kisah Para Rasul 9:13

Isowat i Ananias, “O Tuang, pinalingakuo asé tou keli andumoro' sia. Keliano sé tou le'nas-Mu an Yerusalem sé niokoina.

Roma 1:6

Kamu ka'i cauntep asé im pakasa é tou itu sé tinowao i Amang Kasuruan mamuali tou i Yesus Kristus.

Roma 5:1

Intarépé' kita nianggapo wutul i Amang Kasuruan ampa'paan im paémanenta. Wo kita meelurano sumawel wo si Amang Kasuruan ampa'paano i Apo'ta Yesus Kristus.

Roma 5:5

Wo em paarapen tanu siitu ra'ica iméma' icita matapé, ampa'paan kailekanta tambisa eng kaupusan i Amang Kasuruan ai cita. Wo aiwéé-Nao e Roh Le'nas matawoi an atéta, wosama' kita ro'na mendam ing kawangko' in upus-Na ai cita.

Roma 8:28

Kailekanta intarépé' sapaoka si Amang Kasuruan mengatu'tul im baya-waya, wosama' méé ing kalooran a sé tou sé menga- upus Sia, sé tinowa-Na iciit im pawasa-wasa-Na.

Roma 8:39

kawasa-kawasa walina sé an langit kuma'pa sé an untep in tana', kuma'pa sapake' mangé en itu ra'ica méma' icita icatané an upus i Amang Kasuruan, si aituru'-Na ai cita ampa'paano i Kristus Yesus Apo'ta.

Roma 9:25

Tanu en aicua i Amang Kasuruan ang kitap i nabi Hosea andumoro' sé tou ra'ica Yahudi tana'i, “Sé tou indior ra'ica tou-Ku, tuulen-Ku oka ‘tou-Ku’. Wo sé tou indior ra'ica icaupus-Ku, tuulen-Ku oka ‘tou icaupus-Ku.’ ”

1 Korintus 1:24

Taan sé tou tinowao i Amang Kasuruan, tou Yahudi kuma'pa ra'ica Yahudi, séra ro'na makailek andumoro' ing kawasa i Amang Kasuruan wo eng kapinteran-Na, asi abar i Kristus itu.

1 Korintus 16:23

En upus tatambér i Apo' Yesus mewali-wali wo icamu.

Galatia 6:18

Poo-poow, pekiupusenku sa woo ro'na en upus aitambér i Apo'ta Yesus Kristus mewali-wali wo i roh miow! Ulit.

Efesus 1:2

Upus aitambér wo eng kaeluran asi Amang Kasuruan Amangta wo asi Apo' Yesus Kristus mewali-wali wo icamu.

Efesus 6:23

Pekiupusenku wosama' si Amang Kasuruan Amangta wo si Yesus Kristus Apo'ta méma' sé poo-poow menonou ang kaeluran, ang kaupusan wo am paémanen.

Filipi 1:2

Isombayang ami wosama' en upus aitambér wo eng kaeluran asi Amang Kasuruan Amangta wo asi Apo' Yesus Kristus mewali-wali wo icamu.

Filipi 4:13

Ang kaadaan in sapake' eng kinasangkumanku, susa kuma'pa arui, kawooanku i muléng ampa'paan i Kristus si cumeter yaku.

Filipi 4:20

Mayoo kita rumayo wo sumiri' si Amang Kasuruan, Amangta akar ing kauré-uré! Ulit.

Filipi 4:23

Yaku sumombayang wosama' en upus tatambér i Apo' Yesus Kristus mewali-wali wo i roh miow!

Kolose 1:2

En surat anio' aicirim ami a sé poo-poow le'nas ang Kolose, sé maémano a si Kristus. Pekiupusenku a si Amang Kasuruan, Amangta, sa woo ro'na Sia tumambérai in upus wo ing kaeluran-Na ai camu.

Kolose 3:12

Ampa'paano in itu, kamu sé sinisiro i Amang Kasuruan wo sé line'nas-Nao wo ka'i sé icaupus-Na, ituru'o mangé eng kaupusan iow, mengaéma' mangé in loor, mengako'kos angé in até, tioo mengakasar a sé tou wo malese-lesen mengasaru ing kawenduan asi esa wo sé walina.

Kolose 3:15

Iwayao mio' en até wo em pemero-meroten iow kawasan ing kaeluran si aiwéé mai i Kristus. Ampa'paan si Amang Kasuruan tumowao icamu mamuali tanuoka esa owak wosama' kamu si esa wo si esa menonou ang kaeluran. Wo ka'i mengawéé mangé i makapulu'sama' a si Amang Kasuruan.

1 Tesalonika 1:1

Siri'ku Paulus wo sé kara-karapiku si Silas wo si Timotius. En surat anio' aicirim ami ai camu jamaat an Tesalonika, sé maéman a si Amang Kasuruan wo a si Apo' Yesus Kristus. Pangileken ami a si Amang Kasuruan wosama' kamu tambéran-Na mai ing kamang wo méma' ing katouan iow elur.

1 Tesalonika 1:3

Susur ami sumombayang a si Amang Kasuruan Amangta, pena'né-na'néien ami em pakaselewir iow ampa'paan kamu maéman a si Yesus. Kata'néian ami tambisa kamu maselewir a sé tou walina ampa'paan séra icaupus iow. Kata'néiané' ami mandé ka'i kamu talesen meta'up ing kawenduan, pengaraméjin iow mengaéma' sé loor ampa'paan maara-arapke' a si Yesus Kristus Apo'ta.

1 Tesalonika 1:4

Poo-poow sé icaupus i Amang Kasuruan, kailekan ami sapaoka kamu sinisir-Nao mamuali tou-Na.

1 Tesalonika 4:7

Kita tinowao i Amang Kasuruan e menonou ang kale'nasan wo ra'ica mengaéma' in andumoro' sé cabul sé karican oka mai.

1 Tesalonika 5:28

Pekiupusen ami a si Yesus Kristus Apo'ta wosama' tumambérai ing kamang ai camu.

2 Tesalonika 1:2

Pangileken ami a si Amang Kasuruan, Amangta wo a si Apo' Yesus Kristus wosama' tumambérai ing kamang ai camu wo méma' ing katouan iow elur.

2 Tesalonika 3:16

Wayake' si Casuruan e ro'na méma' in até é tou elur. Pangileken ami ai Sia wosama' endo wo em bengi émaan-Na en até miow elur am baya-waya. Pangileken ami ai Sia ka'i wosama' mewali-wali wo icamu im baya.

2 Tesalonika 3:18

Pekiupusenku wosama' si Yesus Kristus, Apo'ta tumambérai in upus-Na ai camu im baya.

1 Timotius 1:2

Ico é Timotius uli-ulit toyaangku am paémanen. Pangilekenku a si Amang Kasuruan wo si Kristus Yesus Kasuruanta, tumambérai ing kamang, tumuru' mai ing kaupusan wo méma' ing katouanmu elur.

2 Timotius 1:2

Timotius, ko tanu toyaangku in esa wo icaupusku. Pangilekenku a si Amang Kasuruan wo a si Kristus Yesus Apo'ta en tumambérai ing kamang, tumuru' ing kaupusan wo ing kaeluran ang katouanmu.

2 Timotius 4:22

Pangilekenku wosama' si Casuruan mewali-wali wo ico. Pangilekenku ka'i wosama' si Casuruan tumambérai in upus-Na ai camu im baya.

Titus 1:4

Éi Titus, ico nianggapkuo toyaangku in esa, ampa'paan kita in dua puté maéman a si Kristus Yesus. Pekiupusenku a si Amang Kasuruan wo si Kristus Yesus Lumolowirta tumambérai in upus wo ing kaeluran ai co.

Filemon 1:25

En upus aitambér i Apo' Yesus Kristus mewali-wali wo icamu!

Filemon 1:3

En upus aitambér wo eng kaeluran i Casuruan Amangta wo a si Apo' Yesus Kristus mewali-wali wo icamu!

Yakobus 1:1

Siri' a yaku owo Yakobus, ata i Amang Kasuruan wo i Apo' Yesus Kristus. Aipaticku en surat anio' a sé sangapulu' rua suku Israel am panangkéian sé maémano a si Yesus Kristus.

1 Petrus 1:15

Taan aweso taré le'nasen iow pakasa eng katouan iow meputé si Amang Kasuruan le'nas, si tumowao icamu.

1 Yohanes 3:1

Weroteno mio' sumama-sama', wangko' ulit en upus i Amang Kasuruan ai cita, akar cita patuulen toya-toyaang-Na. Wo ulit kita anio' toya-toyaang i Amang Kasuruan. Ampa'paano in itu sé tou makiit ing kayo'baan léwo', séra ra'ica makatuus cita' ampa'paan séra ra'ica makatuus si Amang Kasuruan.

2 Yohanes 1:3

Pangilekenku a si Amang Kasuruan Amangta wo a si Yesus Kristus Toyaang i Amang wosama' tumambérai in upus wo tumuru' ing kaupusan wo ing kaeluran ai cita sé makiit in sususuien wutul wo sé me- upu-upusan.

Wahyu 2:1

Wo icua i Toyaang i Tou a yaku, “Patico mio' a si malaékat si mengatéir in jamaat an Efesus: Si anioo en taar si ai Sia owo si makatimboi sé pitu sumesendot ang kama kakan-Na wo si mawaya' am paawuun é pitu totombol patuliran in sosoloan si niéma a mas owo.

Wahyu 2:12

“Ipatico mio' a si malaékat si mengatéir in jamaat am Pergamus. Si anioo en taar si ai Sia owo si makatimboi in sa'bel rua en telewa:

Wahyu 2:18

“Ipatico mio' ka'i a si malaékat si mengatéir in jamaat an Tiatira. Si anioo en taar asi Toyaang i Amang Kasuruan owo, em beren-Na mengembu-ngembung kaputé in api wo eng kécéi-Na masélap tanuoka in tambaga patunun:

Wahyu 2:29

Si séi e makalunteng, aweso taré li- nganna sapa en aicua i Roh a sé jamaat.”

Wahyu 2:8

“Ipatico mio' a si malaékat si mengatéir in jamaat an Smirna. Si anioo en taar asi Kumataré wo Si Ka'karan, si matéo wo tinou sumawel:

Wahyu 22:21

En upus aitambér i Apo' Yesus mewali-wali wo icamu im baya! Ulit.

Wahyu 3:14

“Ipatico mio' ka'i a si malaékat si mengatéir in jamaat an Laodikia. Si anioo en taar asi Ulit owo, Sairi le'tek wo wutul, palemboian im pakasa sé niéma' i Amang Kasuruan:

Wahyu 3:22

Si séi si makalunteng, aweso taré sia lumi- nga sapa en aicua i Roh a sé jamaat.”

Wahyu 3:7

“Ipatico mio' a si malaékat si mengatéir in jamaat an Filadelfia. Si anioo en taar Si Le'nas, Si Wutul, Si makakulu ing kukusi' i Daud. Sa em papalen winukaan-Nao, ra'ica wana e ro'na malen. Wo sa kinusi'an-Nao, ra'ica wana e ro'na muka'.