Roma 1:6 - En Taar Weru a nunuwu' é Tontemboan

⁶ Kamu ka'i cauntep asé im pakasa é tou itu sé tinowao i Amang Kasuruan mamuali tou i Yesus Kristus.

Roma 1:6 ပူးပေါင်းရင်းမြစ်များ

Roma 9:24

Wo icitao sé tou tinowa-Nao en tumerima i rarayo wo in sisiri' itu, anaé ra'ica sé tou Yahudike' taan ka'i sé tou ra'ica Yahudi.

1 Korintus 1:9

Si Amang Kasuruan le'tek. Tinowa-Nao kamu e meesa ang karapi i Toyaang-Na, si Yesus Kristus Apo'ta.

Galatia 1:6

Yaku mangaya'ka' keli ampa'paan kamu taloso rior tumela'u si Amang Kasuruan kekawus iow maéman a si Kristus. En ulitna kamu tinowa i Amang Kasuruan wosama' kamu makéré ing katouan akar ing kauré-uré, si aitambér i Kristus. Taan kamu icumiitke' in sususuien asi abar walina.

Efesus 1:11

Si Amang Kasuruan en tumu'tul im baya-waya kumiit ing kasalé'an wo im pinusé'-Na in esa. Wo ra'ipé' niéma'-Na eng kayo'baan kita sinisir-Nao, wosama' ro'na terimanta sapa sé aijanji-Nao iwéé ai cita ampa'paan kita imeesao ang karapi i Kristus.

Kolose 1:21

Indior, kamu ka'i menonou tayang asi Amang Kasuruan wo mamuali kaséké'-Na an untep in até wo e ngaas iow en tuusna em pengaémaan iow léwo'.

Kolose 1:6

Wo en Abar Kaaruien itu aicaseraro am bisa-wisa ang kayo'baan wo em buéna kinaséréano ang katouan é tou. Taniituo ka'i wo icamu, tumo'tolai kamu luminga in Abar itu wo wutu-wutul makailek in upus aitambér-Na, kamu kinamango i Amang Kasuruan.

1 Tesalonika 2:12

Wo pangileken ami ai camu wosama' menonou angé makiit ing kasalé'an i Amang Kasuruan. Siao en itumowa icamu e muntep ang Kakolanoan-Na wo makéré i rarayo wo in sisiri'-Na.

2 Tesalonika 2:14

Torona ing kalowiran ituo, akar tinowa-Na kamu an tutuw ami makua in Abar Kaaruien andumoro' i Yesus Kristus ai camu. Wo in taniitu kamu ro'na makéré i rarayo wo in sisiri' ang karapi i Yesus Kristus, Apo'ta.

2 Timotius 1:9

Aiwéé-Nao eng kalowiran ai cita wo tinowa-Na kita wosama' menonou le'nas kumiit ing kasalé'an-Na. Niéma'-Na waya en itu ra'ica ampa'paan kita maéma' ing kaloo-looran, taan ampa'paan pinewasa-Nao indior. An tutuw eng kayo'baan anio' ra'ipé' niéma'-Na, Sia mawasao tumambérai in upus-Na ai cita in tou ampa'paan i Kristus Yesus.

Ibrani 3:1

Poo-poow, sé tinowa i Amang Kasuruan i menonou an sorga. Mayoo kita lébé makatuus si Yesus, si pengaakunta tanu Ruru'du'an i Amang Kasuruan wo Imam Wangko'.

1 Petrus 2:21

Ampa'paan in ituo, kamu tinowao i Amang Kasuruan e méma' in loor mandé' ka'i kamu meta'up ing kawenduan. Si Apo' Yesus imendamo ing kawenduan torona miow wo imééo im paandéan ai camu wosama' kiiten iow tanu si niéma'-Na.

1 Petrus 2:9

Taan kamu anio' bangsa sé sinisiro i Amang Kasuruan, imam sé maselewir a si Amang Kasuruan si Colanota, bangsa sé line'nas-Nao wo ka'i mamuali anu-Na. Kamu im baya imamuali tanu siitu wosama' ro'na ipakua-kua miow a sé tou andumoro' sé kakaya'kaan sé niéma'o i Amang Kasuruan. Siao en tumowa icamu kumesot ang kariréimbengan wo muntep asi sendot-Na wangko'.

2 Petrus 1:10

Ampa'paan in ituo é poo-poowku, kamu musti rumaméji tumuru' sapaoka kamu uli-ulit tinowa wo sinisir i Amang Kasuruan kumiit ai Sia. Sa émaan iow pakasa en itu, em paémanen iow a si Kristus makaketer wo ra'ica kawisa kamu lumepok ang kamesé-meséaan.

Yudas 1:1

Siri' a yaku owo, Yudas. Yaku anio' ata i Yesus Kristus si mepoow wo si Yakobus. En surat anio' aicirim a sé tou sé tinowa i Amang Kasuruan sé icaupus-Na keli wo ka'i sé pakatéiran-Na e mamuali tou i Yesus Kristus.

Wahyu 17:14

Séra merang oka en sumundur si Toyaang i Domba, taan si Toyaang i Domba ra'- ica kinakalaan éra, ampa'paan Sia Tuang am pakasa é tuang, wo Kolano am pakasa é kolano. Si Toyaang i Domba itu mewali-wali wo sé tou sé tinowao, sé sinisiro wo sé le'tek ai Sia, muntung oka.