Roma 1:5 - En Taar Weru a nunuwu' é Tontemboan

⁵ Wo ampa'paano i Yesus Kristus ituo, si Amang Kasuruan imééo mai ing kamang a yaku mamuali ruru'du'an e makin waya sé tou ang kayo'baan wosama' séra maéman wo le'tek a si Yesus Kristus. Émaanku waya en itu, wosama' e ngaran i Yesus Kristus iparayo-rayo wo pasiri-siriin.

Roma 1:5 ပူးပေါင်းရင်းမြစ်များ

Yohanes 1:16

Wo en upus-Na ra'io ka'i icakua. Wo ampa'paan in upus-Na itu akar kita ra'ica mento' makéré ing kamang si lumepe-lepet.

Kisah Para Rasul 1:25

Si tou ituo en sumawel maselewir wo tumerima oka in tawoien ruru'du'an si aitela'uo i Yudas. Si Yudas anio' imakéréo in tampa si patus terimana.”

Kisah Para Rasul 15:14

Si Simon Petrus isumisilo tambisa si Amang Kasuruan kumataré itumuru' in upus aitambér-Na a sé tou ra'ica Yahudi. Sinisir-Na sé tou an uner é tou ra'ica Yahudi e mamuali tou-Na.

Kisah Para Rasul 6:7

En Taar i Amang Kasuruan makaseraro wo sé tou maéman a si Yesus an Yerusalem makaaweso eng kakeli. Kelian sé imam sumarakan in owak éra wo maéman a si Yesus.

Kisah Para Rasul 9:15

Taan icua i Casuruan a si Ananias, “Mangéo ko! Sinisir-Kuo si tou itu e mamuali ata-Ku eng kumua in Abar Kaaruien andumoro' Yaku a sé bangsa walina, a sé kolano wo ka'i a sé tou Israel.

Roma 12:3

Ampa'paano si Amang Kasuruan itumambéro mai in upus-Na a yaku e mamuali ruru'du'an-Na, ampa'paan in ituo sina'uenku kamu im baya tana'i: Tioo kamu mengawerot andumoro' sé ilumébé mai asi patus paweroten iow. Taan weroteno mangé eng kawooan in owak iow sé isumoma, iciit im paémanen si aiwéé i Amang Kasuruan ai camu asi esa wo si esa.

Roma 16:26

Taan intarépé', ampa'paano im perénta i Amang Kasuruan si menonou akar ing kauré-uré, si paene-enep-Na itu aituru'o wo aicuao a sé im pakasa in suku maké ing kitap-kitap sé aipatico é nabi, wosama' séra maéman wo le'tek a si Amang Kasuruan.

Roma 3:29

Si Amang Kasuruan itu ra'ica Kasuruan é tou Yahudike', taan Sia itu ka'i Kasuruan é tou walina,

1 Korintus 15:10

Taan ampa'paan in upus si aitambér i Amang Kasuruan, yaku ro'na mamuali ruru'du'an tanu intarépé'. Wo en upus si aitambér i Amang Kasuruan itu uli-ulit awéan wuéna. Sé tinawoiku lumébé mai asé im pakasa é ruru'du'an. En itu ra'ica ampa'paan ing kaketeranku in esa, taan ampa'paano in upus aitambér i Amang Kasuruan mewali-wali wo yaku.

1 Korintus 9:2

Mandé ka'i sé tou walina ra'ica mangaku sa aku ruru'du'an i Yesus, taan pengaakun iow aku anio' ruru'du'an-Na. Ampa'paan kamu maémano a si Apo' Yesus, mamualio tuus sapaoka aku anio' ruru'du'an-Na.

Efesus 1:12

Anaé, icami sé tou Yahudi eng kataré-taré maarap a si Kristus, ro'na rumayo Sia ampa'paan wangko' eng kawasa-Na.

Efesus 1:6

Ampa'paan in ituo, irayoo mangé si Amang Kasuruan, ampa'paan tinambéran-Nao mai in upus wangko' ai cita sé meesa wo si Yesus Kristus, Toyaang si paupu-upus-Na keli.

Ibrani 5:9

Wo kekawus i Yesus méma' in itu, niéma'o i Amang Kasuruan Sia makaleke-lekep. Sia imamualio palemboian ing kalowiran akar ing kauré-uré torona im pakasa sé tou sé le'tek ai Sia.