Roma 1:30 - En Taar Weru a nunuwu' é Tontemboan

³⁰ Séra masalé' memaa-maar in léwo' andumoro' sé tou walina, masalé' mengawuruk i ngaran é tou walina, séra masuut si Amang Kasuruan, ra'ica mengaadat a sé tou walina, tirayo wo maangkai in owak in esa. Séra pandé mawasa-wasa in léwo', masundur sé matu'a,

Roma 1:30 ပူးပေါင်းရင်းမြစ်များ

Matius 15:4

Ampa'paan aitaar i Amang Kasuruan: ‘Siriino mangé si amang wo si inangmu’, wo ‘Si séike' mangé eng kumutuk si amang kuma'pa si inangna, sia musti ukumen patén.’

Matius 16:21

Tumo'tolai asi témpo itu, ipengua-ngua i Yesus a sé murit-Na sapaoka Sia musti maangé an Yerusalem, wo mamuléng oka ing keli kawenduan asé matu-matu'a é tou Yahudi, sé kikiiten é imam, sé makailek wutul in Torat owo, wo patén éra taan a si endo katelu Sia tumou sumawel.

Lukas 21:16

Kamu ka'i isarakan oka é matu'a miow, é poo-poow iow, é pamalé miow wo é kara-karapi miow a sé kaséké' miow wo piraan tou ai camu patén éra oka.

Yohanes 7:7

Sé tou ang kayo'baan anio' ra'ica masuut icamu, taan Yaku icasuut éra ampa'paan pengakua-Ku em paémaan éra léwo'.

Kisah Para Rasul 5:36

Ta'néien iow, indior awéan esa tou makangaran Teudas. Sia imangkai in owakna mamuali tou pasiri-siriin wo kelian tou e makiit isia, eng kakeli éra wona' epat ngaatus tou. Taan tutuw sia pinaté, sé tou ipawali-walina icasera-serar akar i maka'pu.

Roma 2:17

Taan intarépé' tambisa réén wo icamu in esa? Kamu mangaku tou Yahudi wo mamangén an ukum Torat. Wo ka'i matirayo ampa'paan paweroten iow sapaoka kamu tou ipaupu-upus i Amang Kasuruan.

Roma 2:23

Iparayo miow sapaoka kamu makaileko in ukum Torat. Taan kamu in esa mengaroros i ngaran i Amang Kasuruan ang karapi in da'ica makiit in ukum Torat itu.

Roma 3:27

Ampa'paan in ituo ra'ica toro kita rumayo in owak. Kita nianggap wutul i Amang Kasuruan, ra'ica ampa'paan mengaéma' in ukum Torat. Ra'ica! Taan ampa'paan kita maéman a si Yesus Kristus.

2 Korintus 10:15

Kami ra'ica mengatirayo in tawoien sé niéma' é tou walina an tampa sé ra'ica aitantu ai cami. Taan paarapen ami sapaoka an tutuw em paémanen iow makaketer, makaawes ka'i kamu marayo icami ampa'paan en tinawoi ami an uner iow an sangkum im patawoian si aitantuo i Amang Kasuruan.

2 Korintus 12:20

Em ipaindé-indé'ku sapaoka an tutuw aku maai ai camu kéréanku kamu ra'ica tanu im pinaarapku, wo kaséréan iow ka'i aku ra'ica tanu si paarapen iow. Ipaindé-indé'ku oréoka awéan sé mengindo-indoan roma', mengkanatan, mengkae'bowan, mengawerotke' in owakna in esa, mengaroros, memaa-maar a sé tou andumoro' sé raica wutul, mengatirayo wo mengalicoko.

2 Tesalonika 2:4

Si tou ituo en sumundur si Amang Kasuruan wo mengaangkai in owakna rumangka'mai asé im pakasa é opo-opo' sé paanggapen é tou tanu Kasuruan. Wo ka'i sia lumukut an untep im Balé Le'nas wo an dior é tou icuana sapaoka siao si Amang Kasuruan.

2 Timotius 3:2

Wo asé endo itu ka'i, sé tou asalo oka mengaupus in owak éra in esa wo mamuali ata in doit. Séra mengatowo oka wo mengatirayo in owak éra in esa, mengawuruk i ngaran é tou. Séra mengasundur sé matu'a, ra'ica makailek mengawéé i makapulu'sama' wo ra'ica mapandung i mengaapo' a si Casuruan.

Titus 3:3

Kailekanmu é Titus, indior kita ra'ipé' makailek sapa-sapa. Ampa'paan in itu kita ra'ica le'tek a si Amang Kasuruan, icasélé'kow wo kinatawéranke' mengaéma' in léwo', kita mamuali ata ing kasalé'an ing kayo'baan si asalo maarui in owak in esa, kita menonou mengéma-ngéma'ke' in léwo', kokanat a sé tou walina, bengis, mengkasuutan asi esa wo sé walina.

Yakobus 3:5

Taniitu ka'i en lila'ta. En lila'ta itu waya in tekic an owakta, taan sia ro'na tumirayo numuwu' andumoro' sé wawangkeran. Taniitu ka'i wo en api, mandé en api waya in tekic, ro'na luma'ung in talun wawangkeran.

Yakobus 4:16

Taan em pakanuwu' miow taloso taré tirayo e mengaangkai in owak iow in esa. Em pakanuwu' tanu siitu suméa'.

2 Petrus 2:18

Séra menganuwu' mapaké i nunuwu' mengaangkai in owak wo ra'ica wana torona. Wo em pasusui éra ka'i andumoro' ing kasalé'an in owak mabersina en tumawér sumawel sé tou sé ra'ipé' uré icumesot an uner é tou sé mengakiit in sususuien ra'ica wutul itu.

Yudas 1:16

Séra itu mengimbuluke' wo mengawéé séa' a sé tou walina, taan séra in esa menonou makiit ing kasalé'an in owak éra mengaéma' ing kamesé-meséaan. Séra manuwu' mengaangkai in owak in esa wo manuwu' maarui sé tou walina e mekéré in untung.