Roma 1:26 - En Taar Weru a nunuwu' é Tontemboan

²⁶ Ampa'paano séra mengaéma' in taniitu, akar séra iwaya i Amang Kasuruan kumiit ing kasalé'an in owak éra sé kalawiin keli. Sé wéwéné ra'io kiim tumekel mewali-wali ang karapi é tuama tanu ing kanaramen, taan masalé-salé'ke' tumekel mewali-wali ang karapi é kakélé éra wéwéné.

Roma 1:26 ပူးပေါင်းရင်းမြစ်များ

Roma 1:24

Ampa'paano in itu séra iwaya i Amang Kasuruan kinawasa ing kasalé'an in até éra in esa mengaéma' in samek si esa wo si esa, akar séra mapalawi'o in owak éra in esa.

Roma 1:28

Wo paweroten éra ka'i, ra'io sangali makatuus si Amang Kasuruan, ampa'paan in ituo iwaya i Amang Kasuruan em pakawerot éra icasélé'kow, akar séra mengaéma' sé ra'ica patus émaan éra.

1 Korintus 6:9

Ra'ipé' réén kailekan iow sapaoka sé tou mengaéma' sé ra'ica wutul séra ra'ica mamuali tou i Amang Kasuruan ang Kakolanoan-Na? Ampa'paan in itu tioo kamu kauwakan. Sé tou cabul, maapo' a sé opo-opo', sé tou mabersina wo si ra'ica penanaanna, mengacabul wo sé kakélé tuama,

Efesus 4:19

Séra ra'io mengalawi', akar pengakiitan éra pakasa sé kasalé'an in owak sé ra'ica wutul wo ra'ica masuut mengaéma' sé karican oka mai.

Efesus 5:12

Ampa'paan pepaarke' sapa sé ipaene-enep éra itu kalawiin keli.

1 Tesalonika 4:5

Tioo kamu menonou kumiit ing kasalé'an in owak sé ra'ica wutul, wayake' sé tou ra'ica makatuus si Amang Kasuruan si mengaéma' in tanu siitu.

1 Timotius 1:10

torona ka'i é tou mengacabul, sé tuama mengacabul a sé kakéléna tuama, sé mapu'is in tou en wangkér émaan ata, sé kotowo, sé tou mengasairi in towo wo ka'i sé tou makélong in sususuien wutul.

Yudas 1:10

Taan sé guru ra'ica wutul mengaojat waya sé ra'ica kailekan éra. Séra mengaéma' andumoro' sé asalo kumiit ing kasalé'an éra in esa, en itu meputé wo sé binatang ra'ica ningaasan. Sé pinengaéma' éra ituo e makawali iséra am papaté.

Yudas 1:7

Taniitu ka'i eng kota Sodom wo eng Gomora wo sé kota an sangkumna. Sé tou a mangé mbitu mengaéma' sé meputé wo im pinengaéma' é malaékat itu, ampa'paan séra mengabersina wo maéma' ing kasalé'an in owak sé ra'ica loor. Ampa'paan in itu séra makéré in ukuman an api si ra'ica mape'de-pe'del akar ing kauré-uré, en itu mamuali popokéi a sé pakasa in tou.