Roma 1:25 - En Taar Weru a nunuwu' é Tontemboan

²⁵ Séra ra'ica maéman in sususuien wutul andumoro' i Amang Kasuruan, taan mapercaya sé ra'ica wutul. Séra ra'io marayo wo maapo' a si Amang Kasuruan si méma' in tana' wo en langit, taan maapo'ke' a sé niéma' i Amang Kasuruan. En ulitna si Amang Kasuruano iméma' im baya-waya wo Siake' em patus iparayo-rayo akar ing kauré- uré. Ulit.

Roma 1:25 ပူးပေါင်းရင်းမြစ်များ

Matius 10:37

Si séike' e mengaupus si amang kuma'pa si inangna lumébémai in upusna a Yaku, sia ra'ica patus mamuali tou-Ku. Wo si séike' e mengaupus si toyaangna tuama kuma'pa wéwéné lumébémai in upusna a Yaku, sia itu ka'i ra'ica patus mamuali tou-Ku.

Matius 6:24

Ra'ica wana esa tou ka'i e ro'na tumawoi a sé rua tuang. Ampa'paan sa tanu siitu, icasuutna oka si esa tuang wo icaupusna si tuang walina, kuma'pa sia le'tek oka a si tuang esa wo ra'ica mapandung si tuang walina. Taniituo ka'i kamu, tantu ra'ica toro sumelewir a si Amang Kasuruan sa memero-merotke' ing kasiyaan ing kayo'baan.”

Yohanes 2:8

Wo icua i Yesus ai séra, “Kumawus in itu isaapo mio' rano pira asi tampayang itu wo paalino mangé a si kikiiten am pésta anio'.”

Roma 1:18

Si Amang Kasuruan an sorga itumuru' ing kae'bowan-Na a sé pakasa in tou sé ra'ica maindé' ai Sia wo sé tou mengaéma' ing kaléwo-léwo'an. Ampa'paan, sé kaléwo-léwo'an ituo en sumépe'd sé tou e makailek in sususuien wutul andumoro' i Amang Kasuruan.

Roma 1:23

Séra ra'ica maapo' a si Amang Kasuruan si parayo-rayo wo pasiri-siriin si menonou akar ing kauré-uré, taan séra maapo'ke' a sé patong kaputé é mahluk sé ro'na maté, tanumai; sé tou, sé binatang matéléw, binatang makakécéi epat wo sé binatang maloyon.

Roma 9:5

Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!

2 Korintus 11:31

Si Amang Kasuruan, Amang i Apo' Yesus, kailekan-Na aku ra'ica matowo. Irayoo mangé si Amang Kasuruan akar ing kauré-uré.

Efesus 3:21

Si Amang Kasuruanke' si parayo wo pasiriin an uner é jamaat ampa'paan kita meesao wo si Yesus Kristus. Irayoo mangé Sia akar a sé tara-taranak akar ing kauré-uré. Ulit!

1 Tesalonika 1:9

Am bisa-wisa sé tou mengasisil tambisa kamu tumerima cami an tutuw ami mangé ai camu. Ipasisil éra ka'i andumoro' tumambisa kamu tumela'u sé opo-opo' wo mape'dis wo mai maapo' a si Amang Kasuruan si menonou wo si ulit.

1 Timotius 1:11

En sususuien wutul itu aipatic an Abar Kaaruien andumoro' i Yesus Kristus, si asi Amang Kasuruan wangko' owo si patus parayo. Wo en Abar Kaaruien itu aitokéo a yaku en icua.

1 Timotius 1:17

Irayoo si Amang Kasuruan! Siao si Colanota akar ing kauré-uré. Sia awéan akar ing kauré-uré, Sia ra'ica kaséréan wo Sia wayake' in esa. Sia itu parayo-rayo wo pasiri-siriin akar ing kauré-uré. Ulit.

2 Timotius 3:4

masalé' mengakianat sé tou, kolek em ipakawerot, mapa im pandéi, masalé'ke' maaru-arui kiit ing kasalé'an éra in esa ra'ica kiim kumiit ing kasalé'an i Amang Kasuruan.

1 Yohanes 5:20

Kailekanta ka'i sa si Toyaang i Amang Kasuruan imayo wo mééo ing kakailekan ai cita wosama' katuusanta si Amang Kasuruan si Wutul. Wo kita menonou meesao wo si Amang Kasuruan si Wutul itu, ampa'paan kita esa wo si Toyaang-Na Yesus Kristus. Si Yesus itu Kasuruan si Wutul wo Siake' e méma' sé tou ro'na menonou akar ing kauré-uré.