Roma 1:17 - En Taar Weru a nunuwu' é Tontemboan

¹⁷ Ampa'paan asi Abar Kaaruien itu, si Amang Kasuruan tumuru'o tumambisa sé tou nianggap-Na wutul. En lalanna musti maéman a si Kristus, ra'ica wana walina. En itu tanu in aipatic ang Kitap Le'nas in tana'i, “Si tou nianggap wutul i Amang Kasuruan ampa'paano im paémanenna, sia menonou oka!”

Roma 1:17 ပူးပေါင်းရင်းမြစ်များ

Yohanes 3:36

Si séike' mangé si mercaya a si Toyaang-Na itu, sia makaanuo ing katouan akar ing kauré-uré. Taan si séike' en da'ica le'tek maéman ai Sia ra'ica kawisa makéré ing katouan akar ing kauré-uré, wo sia ukumen oka i Amang Kasuruan akar ing kauré-uré.

Roma 10:3

Ampa'paan ra'ica kailekan éra tumambisa em butul wosama' anggapen wutul i Amang Kasuruan, akar séra rumaméji kumiit in lalan éra in esa ang karapi i mengaéma' in ukum Torat, ampa'paan in itu séra ra'ica le'tek kumiit in lalan aituru' i Amang Kasuruan.

Roma 3:21

Taan intarépé', aituru'o i Amang Kasuruan tumambisa wosama' sé tou anggapen-Na wutul, taan ra'ica ampa'paan mengaéma' in ukum Torat. En itu tanu in aipatic ang Kitap Torat wo ang kitap-kitap é nabi,

Roma 3:22

sapaoka sé tou ro'na nianggap wutul i Amang Kasuruan, ampa'paan maéman a si Yesus Kristus. Niéma' i Amang Kasuruan in taniitu torona im pakasa é tou maéman a si Yesus Kristus. Ampa'paan pakasa en tou puté waya an dior i Amang Kasuruan.

Roma 3:3

Taan tambisa sa an uner éra awéané' sé ra'ica le'tek a si Amang Kasuruan? Anaé, tambisa eng kale'tekkan i Amang Kasuruan asi janji-Na ai séra itu batalen-Na?

Roma 9:30

Anaé, ro'na icuata in tana'i: Sé tou walina sé ra'ica Yahudi ra'ica rumaméji nianggap wutul i Amang Kasuruan, taan séra nianggap-Na wutul ampa'paan séra maéman a si Yesus.

2 Korintus 3:9

Sa en perjanjian uré imukum sé tou itu taniitu eng kasendotna, tantu eng kasendot im perjanjian weru lébé sendotai si méma' sé tou mamuali wutul an dior i Amang Kasuruan.

2 Korintus 5:21

Si Kristus ra'ica wana kamesé-meséaan, taan niéma' i Amang Kasuruan si Kristus e muléng ing kamesé-meséaanta, wosama' icita mamuali tou wutul an dior i Amang Kasuruan ampa'paan i Kristus.

Galatia 3:11

Anaé, ra'ica wana tou mandé esake' sé nianggap wutul an dior i Amang Kasuruan ampa'paan mengaéma' in ukum Torat. Ampa'paan aipatic ang Kitap Le'nas, “Si tou nianggap wutul i Amang Kasuruan menonou oka ampa'paan im paémanenna.”

Filipi 3:9

wo meesa ang karapi-Na. Anaé, aku ra'ica nianggap wutul i Amang Kasuruan ampa'paan i rumaméji makiit in ukum Torat, taan aku nianggap wutul ampa'paan maéman a si Kristus. Ampa'paan sé tou nianggap wutul i Amang Kasuruan kiit im paémanen éra.

Ibrani 10:38

Sé tou nianggap-Ku wutul menonou oka ampa'paan im paémanen éra a Yaku. Taan sa awéan en an uner éra si tumela'uo Yaku, ra'ica icasalé'-Ku.”