Roma 1:15 - En Taar Weru a nunuwu' é Tontemboan

¹⁵ Ampa'paano in itu keli eng kasalé'anku mangé kumua in Abar Kaaruien itu ai camu sé maento' a Roma.

Roma 1:15 ပူးပေါင်းရင်းမြစ်များ

Matius 9:38

Ampa'paan in itu, pangilekeno a si makauma itu, wosama' icirim-Na mai tou en tumawoi mupu'.”

Markus 14:8

Si wéwéné anio' iméma'o sapa si ro'na émaanna. Ninaamnao in solo mawou manam en owak-Ku, tanu tumu'tulo i mayat-Ku e mangé icubur.

Yohanes 4:34

Icua i Yesus ai séra, “Eng kakanen-Ku mengaéma' ing kasalé'an i Amang Kasuruan si mutusai Aku wo lumekep in tawoien si aiwéé-Na a Yaku.

Kisah Para Rasul 21:13

Taan sinowatke' i Paulus, “Kéitu réén kamu maamé' taniitu? Kamu iméma'o in atéku mawendu. Sapake' e mamuali an Yerusalem, yaku tu'tulo, ra'ica im ba'kesenke' taan ka'i tu'tulo i maté ampa'paan i Apo' Yesus.”

Roma 10:15

Wo tumambisa sé tou mangé kumua in andumoro' Sia, sa ra'ica wana en yutus? Tanu en aipatic ang Kitap Le'nas, “Arui keli sa awéan tou e maai kumua in Abar Kaaruien andumoro' i Yesus Kristus!”

Roma 12:18

Sa woo ro'na, rumaméjio mangé kamu menonou elur ang karapi é pakasa sé tou.

Roma 15:20

Icasalé'ku keli mangé kumua in Abar Kaaruien itu an tampa-tampa sé ra'ipé' kawisa luminga i ngaran-Na. Ampa'paan ra'ica icasalé'ku mangun in jamaat an tampa awéano jamaat sé winangun é tou walina, wosama' aku ra'ica tanu sé tou si tumoor im bangunan am bawo im pandasi sé winanguno é tou walina.

1 Korintus 9:17

Wo sa émaanku en tawoien makua in Abar Kaaruien andumoro' i Yesus Kristus asalo ampa'paan ing kasalé'anku in esa, yaku patus makéré laasa. Taan aku makua in Abar Kaaruien itu ampa'paan en itu musti émaan. Si Amang Kasuruan e méé in tawoien en émaanku.

2 Korintus 8:12

Sa kita mawéé ang karapi in lekep en até, teriman oka i Amang Kasuruan sapa sé aiwééta kiit ing kawooanta. Ampa'paan si Amang Kasuruan ra'ica kawisa mako tumuntut ai cita e méé si ra'ica kawooanta.