Roma 1:11 - En Taar Weru a nunuwu' é Tontemboan

¹¹ Ampa'paan icasalé'ku keli meta'up wo icamu wo méé ing kamang si pasusui i Roh i Amang Kasuruan a yaku, wosama' em paémanen iow makakete-keter.

Roma 1:11 ပူးပေါင်းရင်းမြစ်များ

Kisah Para Rasul 16:5

An tutuw é jamaat luminga in atoran itu, em paémanen éra a si Yesus makaketero. Wo susur in endo, sé tou maéman a si Yesus mengawe-ngawes eng kakeli.

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 19:6

Wo an tutuw i Paulus maro ing kama an dangka' in do'kos éra, e Roh Le'nas tumumpa mai ai séra. Wo séra tumo'tolo maroma' a nunuwu' i roh wo ipakua éra en taar i Amang Kasuruan a sé tou am bitu.

Roma 1:12

Em peangé-angénku sa aku an uner iow am bitu, kita ro'na membém-béan ing kaketeran im paémanen a si Amang Kasuruan.

Roma 15:23

Taan intarépé' en tawoienku an tampa-tampa itu linekepkuo, wo pirao ngata'un lumangkoi anio' aku masalé' keli maangé ai camu.

Roma 15:29

Kailekanku, sa aku mangé meta'up ang karapi miow, tantu paalianku oka mangé ai camu keli kamang i Kristus.

Roma 15:32

Wo sa mémang icasalé' i Amang Kasuruan, ro'nao aku maangé ai camu ang karapi in arui en até, wo aku makéré ing kaketeran im paémanen an uner iow.

Roma 16:25

Irayoo mangé si Amang Kasuruan! Siao e ro'na méma' im paémanen iow makaketer tanu en aituru' an Abar Kaaruien andumoro' i Yesus Kristus si pakua-kuaku. En Abar Kaaruien itu pengakuaku kiit in aituru' i Amang Kasuruan si paene-enep-Na tumo'tolai indior.

2 Korintus 1:15

Ampa'paan im paémanen ituo, asi kataré aku imawasao maangé ing karua ai camu wosama' kéréan iow en upus tatambér makarua lumepet.

2 Korintus 1:21

Si Amang Kasuruano in esa iméma' icami wo icamu keter meesa ang karapi i Kristus. Siao en sumisir icita,

2 Korintus 11:4

Ampa'paan kamu pakasérén talesenke' tumerima si esa tou mai wo masusui ai camu andumoro' in sususuien si ra'ica meputé wo sé ipasusui ami andumoro' i Yesus. Wo kamu ka'i tumerima i roh si ra'ica meputé wo i Roh Le'nas kuma'pa Abar Kaaruien si wutu-wutul ra'ica meputé wo in abar kaaruien si sumangkumo tinerima miow ai cami.

2 Korintus 9:14

Wo kamu isombayang wo lelon oka éra, ampa'paan séra isuméré in upus aitambér i Amang Kasuruan si lumepe- lepet ai camu.

Filipi 1:8

Kailekan i Amang Kasuruan sapaoka kamu im baya lelonku keli wo icaupusku tanu si Kristus Yesus mengaupus icamu.

Filipi 2:26

Icasalé'ku sia yutus angé sumawel, ampa'paan icamu im baya lelonna keli wo en aténa ka'i mendam in susa ampa'paan pinalingao miow sapaoka sia sumakit.

Filipi 4:1

Ampa'paano in itu, é poo-poow sé icaupusku wo sé pengalelonku, pangilekenku entééno mangé em paémanen iow a si Apo' Yesus tanu in tou si uli-ulit keter makatulung. Icamuo eng kaaruianku wo eng katirayoanku si tanu mahkotaku.

1 Tesalonika 3:13

Pangileken ami a si Casuruan eng kumeter in até miow wosama' en até miow ra'ica wana kaséaan wo le'nas an dior i Amang Kasuruan si Amangta, an tutuw i Yesus Apo'ta maai sumawel mewali-wali ang kerapi é tou le'nas-Na.

1 Tesalonika 3:2

wo si Timotius poowta an esa paémanen, yutus ami mangé ai camu. Sia itu kara-karapita matawoi a si Amang Kasuruan e mengakua in Abar Kaaruien andumoro' i Yesus Kristus. Yutus ami si Timotius maangé e méé ing kaketeran an até miow wosama' em paémanen iow a si Yesus makaketer.

2 Tesalonika 2:17

Pekiupusen ami a si Amang Kasuruan wo a si Yesus Kristus, Apo'ta e méé mai ing kaketeran wo ing kaincayaan an até miow wosama' kawooan iow méma' im pakasa sé loor wo manuwu' in andumoro' sé loor.

2 Tesalonika 3:3

Taan si Casuruan itu le'tek. Keteran-Na oka mai en até miow wo téiran-Na oka kamu ang kaléwo-léwo'an.

Ibrani 13:9

Tioo kamu isélé'kow in sususuien sé membam-balinaan sé ra'ica meputé wo in sususuien i Kristus. Lébé loor en até miow keteren ampa'paan kamu asalo makawangén asi upus aitambér i Amang Kasuruan. Sé atoran andumoro' ing kakanen, mandé kiiten iow, en itu ra'ica méé katoronaan ai camu.

1 Petrus 5:10

Taan eng kawenduan si pendamen iow itu ra'ica uré. Kekawus in itu, émaan oka i Amang Kasuruan em paémanen iow makaleke-lekep wo émaan-Na oka en até miow makaketer wo émaan-Na ka'i kamu mauli-ulit maéman ai Sia. Ampa'paan Sia itu Amang Kasuruan si palemboian waya ing kamang aitambér wo itumowao icamu maéman a si Kristus, wosama' kamu kumiit mendam i rarayo wo en sisiri'-Na akar ing kauré-uré.

1 Petrus 5:12

En surat kolek anio' aipaticku ai camu wo sinémbongan i Silas, si nianggapkuo poowku an esa paémanen. Sia itu le'tek am paémanen wo ro'na papercayan. Aipaticku en surat anio' en sumina'u wo méé kaincayaan ai camu wosama' ro'na percayan iow sapaoka sé aipaticku anio' uli-ulit abar wutul andumoro' ing kamang aitambér i Amang Kasuruan ai camu. Wo eng kamang itu musti timboian iow i mauli-ulit.

2 Petrus 1:12

Ampa'paano in itu ipena'né-na'néiku ai camu andumoro im pakasa in itu, mandé ka'i kamu makaileko wo mauli-ulito maéma' in sususuien wutul i Casuruan si aisusuio ai camu.