Roma 1:10 - En Taar Weru a nunuwu' é Tontemboan

¹⁰ Uréo aku masalé' maangé ai camu, ampa'paan in ituo aku mekiupus a si Amang Kasuruan, sa woo wéan-Na mai kaloasan aku intarépé' e maangé ai camu.

Roma 1:10 ပူးပေါင်းရင်းမြစ်များ

Kisah Para Rasul 18:21

Mandé ka'i taniitu, cuana, “Sa énan i Amang Kasuruan, tantu aku maréng oka mai sumawel ai camu.” Kumawus in itu, itela'una en Efesus.

Kisah Para Rasul 19:21

Kekawus ing kinamamualian itu, iru'du' i Roh i Amang Kasuruan si Paulus e mangé an Yerusalem lumangkoi i Makedonia wo Akhaya. Wo icua i Paulus, “Kekawusai mangé an Yerusalem, yaku ka'i musti mangé a Roma.”

Kisah Para Rasul 21:14

Anaé, ampa'paan si Paulus ra'ica kiim luminga sapa en aicua ami, ampa'paan in ituo waya-wayaano taré e mamuali wo icua ami, “Mandéo eng kasalé'anke' i Casuruan e mamuali.”

Roma 15:29

Kailekanku, sa aku mangé meta'up ang karapi miow, tantu paalianku oka mangé ai camu keli kamang i Kristus.

1 Korintus 1:1

En surat anio' a yaku owo Paulus, si tinowao mamuali ruru'du'- an i Yesus Kristus kumiit ing kasalé'an i Amang Kasuruan. Wo en surat anio' aipaticku wo si Sostenes, poowta an esa paémanen.

1 Korintus 4:19

Taan sa icasalé' i Casuruan, aku makala'us oka mai ai camu. Sa yaku mayo ai camu, yaku ra'ica mai mangéré sapa sé ipakua é tou tirayo itu taan pangérénku oka sa séra awéan kawasa asi Casuruan owo kuma'pa ra'ica.

Filipi 4:6

Tioo maindé-indé' andumoro' in sapa-sapake' mangé, taan icuao mangé eng kasalé'anmu an sombayangmu a si Amang Kasuruan am pakasa ing kaadaan wo mekiupus ang karapi ing kumua makapulu'sama' ai Sia.

1 Tesalonika 2:18

Ampa'paan kami mawasao maangé ai camu, yaku in esa makapirao wona' mepé' maangé ai camu, taan pengala-ngalaanke' i kikiiten é sétang. Ampa'paano in itu, kami ra'ica icaangé ai camu.

Filemon 1:22

Wo ka'i tu'tulio' tampa en loséranku am balému, ampa'paan aku maarap, en somba-sombayang iow sowaten i Amang Kasuruan wosama' yaku ro'na maréng angé sumawel ai camu.

Ibrani 13:19

Wo pekiupusenku ai camu, isombayang angé aku wosama' rior maréngai ai camu.

Yakobus 4:15

En ulitna musti icua miow tanu si anio', “Sa icasalé' i Casuruan, kami ro'na menonou wo méma' in anio' kuma'pa in itu.”