Matius 9:37 - En Taar Weru a nunuwu' é Tontemboan

³⁷ Wo icua-Na a sé murit-Na, “Sé tou anio' tanuoka wua'na in tinanem an uma an témponao in upuun. Taan sé tou maupu' wayake' im pira.

Matius 9:37 ပူးပေါင်းရင်းမြစ်များ

Matius 20:1

Icua i Yesus, “Taniitu ka'i andumoro' ing Kakolanoan in Sorga meputé wo in andéan anio'. Awéan esa tou maka- uma wo en umana niusewan in anggor. Matawi mando, sia kumesot e mangéré tou mangé tumawoi an uma in anggorna.

Matius 28:19

Ampa'paano in itu, mangém am pakasa im bangsa, wo émaano mangé séra mamuali murit-Ku. Baptiseno mangé séra ang karapi ngaran i Amang, i Toyaang wo i Roh Le'nas.

Matius 9:38

Ampa'paan in itu, pangilekeno a si makauma itu, wosama' icirim-Na mai tou en tumawoi mupu'.”

Markus 16:15

Wo icua-Na ai séra, “Mangém kamu am pakasa ing kayo'baan, wo icuao mangé en Abar Kaaruien-Na a sé im pakasa in tou.

Lukas 10:2

Wo icua i Yesus ai séra, “Sé tou anio' tanuoka wua'na in tinanem an uma an témponao in upuun. Taan sé tou maupu' wayake' im pira. Ampa'paan in itu, pangilekeno a si Makauma itu wosama' cirim-Na mai tou e mupu'.

Lukas 24:47

Wo aipatic ka'i sapaoka en abar anio' musti sisil angé maké ing kawasa i ngaran-Na a sé pakasa im bangsa tumo'tol an Yerusalem akar am pakasa ing kayo'baan: Si séike' e mape'dis ang kamesé-meséaan ampungan oka i Amang Kasuruan.

Kisah Para Rasul 16:9

Mawengi mai, si Paulus pinapaturu'an i Amang Kasuruan. Asi pinapaturu'an itu sérénna, awéan esa tou an sangkum i Makedonia makatulung wo mekiupus ai sia, “Mayoo am bia'i wo tawangenai kami!”

Kisah Para Rasul 18:10

Yaku mewali-wali wo ico, wo ra'ica wana esaan tou e ro'na misu' wo mokoi ico, ampa'paan keli tou ang kota anio' maéman a Yaku.”

1 Korintus 3:9

Ampa'paan kami in dua sé matawoi mewali-wali wo si Amang Kasuruan wo kamu tanuoka in uma i Amang Kasuruan wo ka'i tanuoka im balé-Na.

2 Korintus 6:1

Ampa'paan kami matawoi mewali-wali wo si Amang Kasuruan, pekiupusen ami imauli-ulit ai camu wosama' tioo paepesen iow im beren en upus aitambér i Amang Kasuruan si tinerimao miow itu.

Kolose 4:11

Si Yesus si patowan éra Yustus, méé ka'i mai in siri' ai camu. An uner é tou Yahudi am bia'i sé maémano a si Yesus Kristus, wayake' séra in telu sé matawoi ang karapiku torona ing kakolanoan i Amang Kasuruan. Séra wutu-wutul e miboro yaku.

1 Timotius 5:17

Sé penatua an jamaat sé mengaéma' in tawoienna ang karapi in loor, séra itu patus pasiri-siriin makarua lumepet. Wopé'ka'i sé re'dem makua in Taar i Casuruan wo masusui a sé jamaat.

Yakobus 5:4

Ra'ica winéran iow sé tou matawoi maupu' an uma miow. Séra mapatawa-tawango wo em pinangimbulu éra itu kinalingaano i Casuruan si Makakawasa.