Matius 9:27 - En Taar Weru a nunuwu' é Tontemboan

²⁷ An tutuw i Yesus lumala'us im bawayaan-Na, sé rua tou wola makiit Sia mengangko-ngangko' wo makua, “Éi taranak i Daud, caupusai kami.”

Matius 9:27 ပူးပေါင်းရင်းမြစ်များ

Matius 1:1

Si anioo en daftar é apo-apo' i Yesus Kristus taranak i Daud wo taranak i Abraham.

Matius 11:5

Si tou wola maséréo, si tou késo' mawaya'o, si tou sumakit kusta masama'o, si tou wengel malingao, si tou imatéo tinou sumawel, wo en Abar Kaaruien i Amang Kasuruan ipakua-kuao a sé tou lengéi.

Matius 15:22

Wo mai si esa wéwéné Kanaan si an sangkum itu owo wo kumua, “Icaupusai aku é Tuang, taranak i Daud, ampa'paan si toyaangku wéwéné rinasuk i sétang wo wenduo keli.”

Matius 17:15

Wo icuana a si Yesus, “Tuang, icaupusai si toyaangku! Sia sumakit ayan wo wenduo keli. Sa tumou en sakitna, sia tatap mawalintuang an api kuma'pa an dano.

Matius 20:29

An tutuw i Yesus wo sé murit-Na tumela'u ing kota Yerikho, keli en tou mengii-ngiit Sia.

Matius 21:15

An tutuw sé kikiiten é imam wo sé makailek wutul in Torat isuméré ing kakaya'kaan niéma'-Na, wo iluminga sé toyaang mengangko-ngangko' ang kintal im Balé Le'nas, “Hosana, a si taranak i Daud!”, wo séra mae'bow keli.

Matius 21:9

Wo sé tou keli mawaya' an dior-Na wo awéan ka'i sé makiit an somoi. Séra mewali-wali maangko', “Hosana a si taranak i Daud! Irayoo mangé Sia si mai ang karapi i ngaran i Amang Kasuruan! Hosana ai Sia asi tampa rumangka-rangka'!”

Matius 9:28

An tutuw i Yesus muntep an esa walé, sé rua tou wola itu mai ai Sia. Wo wuéien-Na ai séra in dua, “Percayan iow réén sa Aku ro'na sumama' icamu?” Isowat éra, “Én, percayan ami, é Tuang.”

Markus 11:10

Pakakamangen Sia si mai kumawasa tanu kolano meputé si apo'ta Daud. Hosana! Irayoo si Casuruan an tampa Rumangka-Rangka'!”

Markus 9:22

Wo makakeli-keli sia pengawésoon i roh léwo' yuntep an api kuma'pa yuntep an dano e maté sia. Taan sa woo ro'na si Guru sumama' sia, tawangenai wo icaupusai kami.”

Lukas 17:13

wo séra maangko' mangé a si Yesus, “Yesus! Guru! Icaupusai kami!”

Lukas 20:41

Wo icua i Yesus ai séra, “Ipakua é tou sapaoka si Kristus itu taranak i Daud owo. Taan wutul réén Sia taranakke' i Daud?

Lukas 7:21

Asi témpo itu, si Yesus sumama' sé tou keli sé membam-balinaan en sakit si méma' iséra mawendu wo musér ka'i sé roh léwo'. Sia ka'i iméma' kelian sé tou wola ro'na maséré.

Yohanes 7:42

Ra'ica réén ang Kitap Le'nas aipatic, si Mesias itu taranak i Daud wo imai asi roong Betlehem paento'an i Daud owo?”

Roma 1:3

En Abar Kaaruien itu andumoro' i Toyaang-Na, si Apo'ta Yesus Kristus. Sa sérén eng katouan tanu in tou, Sia itu taranak i colano Daud,

Roma 9:5

Séra itu taranak é apo-apo' é tou Israel. Si Kristus ka'i taranak éra, sa iciit in owak. Siao si Amang Kasuruan si makakawasa am baya-waya, wo iparayo-rayo akar ing kauré-uré. Ulit!