Matius 9:24 - En Taar Weru a nunuwu' é Tontemboan

²⁴ wo icua-Na ai séra, “Kumesoto, ampa'paan si toyaang anio' ra'ica imaté, sia asaloke' tumekel.” Taan aicé'ké'ke' taré éra si Yesus.

Matius 9:24 ပူးပေါင်းရင်းမြစ်များ

Markus 5:40

Taan aicé'ké' érake' taré Sia. Wo iru'du'-Na pakasa sé tou kumesot am bitu, wo iwali-Na si amang wo si inang i toyaang itu wo sé murit-Na sé imewali-wali wo Sia muntep ang kamar i toyaang itu.

Lukas 8:53

Taan aipeké'ké' érake' taré Sia ampa'paan kailekan éra si toyaang itu imatéo.

Yohanes 11:4

An tutuw i Yesus iluminga in abar itu, icua-Na, “En sakitna itu ra'ica makawali oka sia am papaté. Taan en anio' mamuali wosama' ituru' i Amang Kasuruan eng kawangko'-Na, wo in taniitu si Toyaang-Na iparayo-rayo wo pasiri-siriin oka.”

Kisah Para Rasul 20:10

Ampa'paan in ituo si Paulus tumumpa mio' an darem. Sia rumepa asi mangalitou itu wo kume'kep si mangalitou itu wo icuana a sé tou am bitu, “Tioo maindé-indé', sia menonoué.'”

Kisah Para Rasul 9:40

Taan iru'du' i Petrus pakasa séra kumesot. Kumawus in itu sia kumundu wo sumombayang, wo sérénna e mayat wo icuana, “Tabita, tumooro!” Wo si Tabita muka' im beren. Keséréna si Petrus, sia tumoor wo lumukut.