Matius 9:22 - En Taar Weru a nunuwu' é Tontemboan

²² Si Yesus suméléng wo tuméinteng ai sia wo icua-Na, “Ketereno mangé en atému éi toyaang-Ku, em paémanenmu lumowiro ico.” An tutuw ituke' si wéwéné itu imasama'o.

Matius 9:22 ပူးပေါင်းရင်းမြစ်များ

Matius 15:28

Wo icua i Yesus ai sia. “Éi inang, wangko' em paémanenmu. Mamualio ai co tanu ing kasalé'anmu.” Asi témpo ituke', si toyaangna itu imasama'o.

Matius 17:18

Wo peréntan i Yesus ang karapi in depet si sétang itu wo sia kumesot asi toyaang itu. Wo asi témpo ituke', si toyaang itu makala'us masama'.

Matius 8:13

Wo icua i Yesus a si perwira itu, “Maréngo mangé wo mamualio ai co tanu im paémanenmu.” An tutuw ituke' masama'o si atana itu.

Matius 9:2

Wo paalinai é tou a si Yesus si esa tou késo' aitekel am patekelanna. An tutuw sérén-Na em paémanen éra, kinailekan-Nao sapaoka séra maéman ai Sia, wo icua-Na a si tou késo' itu, “Ketereno mangé en atému éi toyaang-Ku, eng kamesé-meséaanmu niampungano.”

Matius 9:29

Wo isuun-Na ing kama em beren éra in dua, wo icua-Na, “Mamualio ai camu tanu im paémanen iow.”

Markus 10:52

Wo icua Yesus ai sia, “Ampa'paan ko maéman a Yaku, intarépé' ko ro'nao suméré.” Asi témpo ituke', si Bartimeus ro'nao suméré, wo sia kumiit si Yesus.

Markus 5:34

Wo icua i Yesus a si wéwéné itu, “Éi toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur, en sakitmu wutu-wutul masama'o!”

Lukas 17:19

Wo cua i Yesus a si tou itu, “Tumulungo wo maya'o mangé, ampa'paano ko maémano a Yaku, ko imasama'o.”

Lukas 18:42

Wo icua Yesus ai sia, “Intarépé' ko ro'nao suméré! Wo ampa'paan ko maéman a Yaku, ko masama'o.”

Lukas 7:50

Taan icua i Yesus a si wéwéné itu, “Ampa'paan ko maéman a Yaku, ico linowiro. Anaé, maya'o mangé ko ang karapi in elur!”

Lukas 8:48

Wo icua i Yesus a si wéwéné itu, “É toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur.”

Yohanes 4:53

Wo kata'néiano i amang i toyaang sumakit itu asi jam ituo si aicua i Yesus ai sia, “Si toyaangmu menonou.” Wo sia wo sé am pamaléna waya mercayao a si Yesus.

Kisah Para Rasul 14:9

Si tou itu makalinga si Paulus maroma'. Wo téintengen i Paulus si tou itu, kailekanna si tou itu maéman a si Yesus anaé ro'na masama'.

Kisah Para Rasul 16:18

En itu niéma' i wéwéné itu akar im piraan ngando, akar si Paulus ra'io ka'i makalesen. Ampa'paano in itu si Paulus maréng in somoi wo kumua a si roh léwo' si rumasuk si wéwéné itu, “Ang karapi i ngaran i Yesus Kristus peréntanku, kumesot ko ai sia!” Asi témpo ituke' si roh léwo' itu makala'us kumesot asi wéwéné itu.

Ibrani 4:2

Ampa'paan en Abar Kaaruien itu ipakua-kuao ai cita, meputé sé aicuao a sé apo-apo'ta indior. En abar sé lininga é apo-apo'ta itu ra'ica wana torona ai séra, ampa'paan ra'ica percayan éra.