Matius 9:2 - En Taar Weru a nunuwu' é Tontemboan

² Wo paalinai é tou a si Yesus si esa tou késo' aitekel am patekelanna. An tutuw sérén-Na em paémanen éra, kinailekan-Nao sapaoka séra maéman ai Sia, wo icua-Na a si tou késo' itu, “Ketereno mangé en atému éi toyaang-Ku, eng kamesé-meséaanmu niampungano.”

Matius 9:2 ပူးပေါင်းရင်းမြစ်များ

Matius 14:27

Taan makala'us icua i Yesus ai séra, “Meneso! Si anioo Aku, tioo maindé'.”

Matius 4:24

Wo icaseraro en abar andumoro' i Yesus am pakasa in Siria, ampa'paan in ituo séra mai ai Sia. Wo iwali éra mai pakasa sé tou sé membam-balinaan en sakit, sé mawendu, sé rinasuk é sétang, sé sumakit ayan wo sé késo' wo séra im baya sinama'-Na.

Matius 6:12

Wo ampunganai eng kamesé-meséaan ami, kaputé ami ka'i mawéé ing kaampungan a si tou si méma' ing kameséaan ai cami.

Matius 8:10

Kelinga in itu, si Yesus mangaya'ka' wo icua-Na ai séra sé makiit Sia, “En ulitna icua-Ku mangé ai camu, ra'ipé' kawisa ipeta'up-Ku em paémanen wangko' tanu si anio' mandé esake' tou an uner é tou Israel.

Matius 8:16

An tutuw matawio im bengi, iwali éra mai waya a si Yesus sé tou rinasuk i sétang, wo ang karapi i makasake' numuwu' yusér-Na sé roh léwo' itu wo samaan-Na waya sé tou sumakit.

Matius 9:22

Si Yesus suméléng wo tuméinteng ai sia wo icua-Na, “Ketereno mangé en atému éi toyaang-Ku, em paémanenmu lumowiro ico.” An tutuw ituke' si wéwéné itu imasama'o.

Matius 9:5

Si wisa en lébé taporak icua-Ku, ‘Eng kamesé-meséaanmu niampungano’, kuma'pa ‘Tumooro wo maya'o’?

Matius 9:6

Taan intarépé', musti kailekan iow sapaoka ang kayo'baan anio' si Toyaang i Tou awéan kawasa e méé kaampungan ang kamesé-meséaan.” Wo icua i Yesus a si tou késo' itu, “Tumulungo, angkaieno en tinekelanmu wo maréngo am balému.”

Markus 1:32

Tutuw matawio im bengi, keuntep ako i yéndo wo iwali éra mai waya sé tou sumakit wo sé tou rinasuk i sétang a si Yesus.

Markus 10:49

Kekawus in itu si Yesus mento' wo kumua, “Towano mai sia!” Ampa'paan in ituo towan éra si tou wola itu wo kumua ai sia, “Kete-keteren en atému, tumulungo mai, patowan i Yesus ko.”

Markus 5:34

Wo icua i Yesus a si wéwéné itu, “Éi toyaang-Ku, ampa'paan ko maéman a Yaku, asi oras anio' ko masama'o. Mangém ang karapi in elur, en sakitmu wutu-wutul masama'o!”

Markus 6:50

ampa'paan séra im baya isuméréo Sia wo séra ka'i mangaya-ngaya'ka'. Taan makala'us icua-Na ai séra, “Meneso! Si anioo Aku, tioo maindé'!”

Yohanes 16:33

Icua-Ku waya en itu ai camu, wosama' kéréan iow eng kaeluran ampa'paan meesao ang karapi-Ku. Ang kayo'baan anio' ipeta'up oka miow eng kawenduan, taan kete-ketereno mangé en até miow, ampa'paan kinala-Kuo waya eng kawasa ing kayo'baan anio'.”

Yohanes 2:25

Wo ra'io sangali esaan tou ka'i eng kumua ai Sia andumoro' in tou, ampa'paan kailekan-Na en até é tou.

Yohanes 21:5

Wo wuéien i Yesus ai séra, “É kara-karapi, awéano réén sera' eng kinatangkaan iow?” Isowat éra, “Ra'ipé' wana.”

Kisah Para Rasul 14:9

Si tou itu makalinga si Paulus maroma'. Wo téintengen i Paulus si tou itu, kailekanna si tou itu maéman a si Yesus anaé ro'na masama'.

Kisah Para Rasul 19:12

Mandé ka'i wayake' in lénso kuma'pa kaéng ipapules in licur si sumangkumo pinaké i Paulus wo iweta' a sé tou sumakit, séra makala'us masama'. Taniitu ka'i wo sé tou rinasuk i roh léwo', sé roh léwo' itu makala'us kumesot.

Kisah Para Rasul 23:11

Asi woondona mai tutuw i mawengio, si Apo' Yesus mai tumulung an duru i Paulus wo kumua, “Ico ra'ica toro maindé'! Kete-ketereno en atému. Ico imééo kasairian andumoro' Yaku a sé tou Yerusalem anio' wo ka'i ko musti mangé méé kasairian tanu sia'i andumoro' Yaku a Roma.”

Roma 5:11

Wo ra'ica siituke'! Kita ka'i maaru-arui ampa'paan ing kasamaan i Amang Kasuruan si aituru' i Apo'ta Yesus Kristus, akar kita intarépé' menonou meelurano sumawel wo Sia.

Yakobus 2:18

Taan awéan wona' tou makua, “Ico awéan em paémanen, taan aku awéan em pengaémaan.” Taan icuaku oka ai sia, “Tambisa réén ko ro'na tumuru' im paémanenmu sa ra'ica maéma' im butul a sé tou walina? Ituru'ku oka em paémanenku ang karapi maéma' im butul.”