Matius 9:18 - En Taar Weru a nunuwu' é Tontemboan

¹⁸ Ang karoro'an i Yesus maroma' a sé murit i Yohanes Mabaptis, wo mai ai Sia si capala im balé paapo'an é agama Yahudi. Si tou itu kumuru en sumiri' Sia wo kumua, “Guru, si toyaangku wéwéné makapatépé'. Taan pekiupusenku sa woo ro'na si Guru mai am baléku wo maro ing kama ai sia, wosama' sia ro'na tumou sumawel.”

Matius 9:18 ပူးပေါင်းရင်းမြစ်များ

Matius 14:33

Sé tou an londéi itu kumuru en sumiri' Sia wo kumua, “En ulitna si Tuang Toyaang i Amang Kasuruan.”

Matius 15:25

Taan si wéwéné itu rumuruke' taré mangé wo kumundu en sumiri' Sia wo kumua, “Tuang, tawangenai aku.”

Matius 17:14

An tutuw i Yesus wo sé telu murit-Na meroso ing kuntung wo maréng sumawel an tampa é tou keli itu makali'us, awéan si esa tuama rumuru mai a si Yesus wo kumundu en sumiri' an dior-Na.

Matius 20:20

Si Penanaan i Zebedeus ang karapi é rua toyaangna mai a si Yesus, wo kumundu an dior-Na e mangilek ai Sia.

Matius 28:17

Icateka' mangé am bitu, kaséréan érao si Yesus wo séra kumundu en sumiri' Sia, taan awéané' piraan tou sé ra'ipé' talos mercaya.

Matius 8:2

Wo mai ai Sia si esa tou kusta, kumundu en sumiri', icuana “Tuang, sa woo casalé' i Tuang, ro'na samaan i Tuang en sakitku.”

Matius 8:25

Wo mai sé murit-Na e molo Sia, Icua éra, “Guru, tawangenai, kita tawio maté.”

Matius 9:17

Taniitu ka'i, ra'ica wana tou e mumpun in anggor weru an tampa matu'a si niéma' ang kulit i binatang owo, ampa'paan sa taniitu en tampa matu'a itu makenta' oka akar en anggor itu icatiya' wo en tampana itu ka'i materi. Taan en anggor weru ipumpun ka'i é tou an untep in tampa weru, wosama' en anggor wo en tampana tumang uré.”

Matius 9:19

Kelinga in itu tumulungo si Yesus, Sia wo sé murit-Na kumiito a si tou itu e maangé am baléna.

Matius 9:24

wo icua-Na ai séra, “Kumesoto, ampa'paan si toyaang anio' ra'ica imaté, sia asaloke' tumekel.” Taan aicé'ké'ke' taré éra si Yesus.

Lukas 13:14

Taan si kikiiten am balé paapo'an é agama Yahudi itu mae'bow a si Yesus ampa'paan isumama' in tou an endo Sabat. Wo icuana a sé tou keli, “Awéan enem ngando em pengatawoi, ampa'paan in ituo mayo mapasama' ai Sia asi esa endo patawoi itu, tioo asi endo Sabat!”

Lukas 18:18

Awéan esa tou kikiiten é tou Yahudi mamuéi a si Yesus, “Guru sama', sapa si musti émaanku e makéré ing katouan akar ing kauré-uré?”

Lukas 7:2

Am bitu, awéan si kikiiten é sanga atus suraro Romawi, makaanu esa ata si paupu-upusna. Si ata itu sumakit repet wo mepaté-patéo.

Yohanes 11:25

Isowat i Yesus a si Marta, “Yakuo en tumou sumawel sé tou imatéo wo méé ing katouan akar ing kauré-uré. Si séike' sé maéman a Yaku, mandé ka'i sia matéo ang kayo'baan anio', sia tumou oka akar ing kauré-uré.

Yohanes 11:32

An tutuw i Maria cateka' an tampa i Yesus makaento' wo sinérénao Sia, wo si Maria makala'us kumundu an dior ing kécéi i Yesus wo kumua ai Sia, “Tuang, sa Ko am bia'i, tantu si poowku ra'ica imaté.”

Kisah Para Rasul 13:15

Kekawus i maca in ukum Torat wo ing kitap é nabi, sé kikiiten am balé paapo'an itu rumu'du' tou eng kumua a si Paulus wo si Barnabas tana'i, “Poo-poow, sa awéan ai camu e méé sina'u eng kumeter im paémanen é tou anio', icuao mai!”

Kisah Para Rasul 28:8

Asi témpo itu, si amang i Publius icatekel ampa'paan in sumakit paso' wo menomo-nomoi. Wo si Paulus mangé am pakatekelan i amang i Publius wo sia maro ing kamana an do'kos i amang itu ang karoro'anna i masombayang. Wo si amang itu masama'.