Matius 9:15 - En Taar Weru a nunuwu' é Tontemboan

¹⁵ Isowat i Yesus ai séra, “Ro'na réén sé kara-karapi i pengantén tuama mala'lu ang kauré i pengantén itu mewali-wali wo i séra? Taan mai oka en témpona si pengantén itu indon é tou an uner éra wo asi témpo ituo séra muasa oka.

Matius 9:15 ပူးပေါင်းရင်းမြစ်များ

Matius 9:14

Wo mai a si Yesus sé murit i Yohanes Mabaptis wo icua éra, “Kami wo sé tou Farisi mapuasa, taan kéitu réén sé murit i Tuang ra'ica?”

Matius 9:16

Ra'ica wana esa tou en tumampal ing kaéng weru ang karai matu'a. Ampa'paan sa eng kaéng weru itu sumusut, ro'na kumésé' ing karai itu wo makawangkero eng késé'na.

Markus 2:19

Wo isowat i Yesus ai séra, “Ro'na réén sé kara-karapi i pengantén tuama muasa ang karoro'an i pengantén itu mewali-walipé' wo iséra? Ang kauré i pengantén itu mewali-walipé' wo iséra, séra ra'ica muasa.

Markus 2:20

Taan mai oka en témpona si pengantén tuama indon é tou walina an uner éra, wo asi témpo ituo séra muasa.

Lukas 17:22

Wo cua i Yesus a sé murit-Na, “Maai oka en témpona sa, kamu masalé' keli suméré si Toyaang i Tou mandé sangandoke' taan Sia ra'ica kaséréan iow.

Lukas 5:34

Isowat i Yesus ai séra, “Ro'na réén sé kara-karapi i pengantén tuama iru'du' muasa an tutuw i pengantén itu mewali-walipé' wo iséra?

Lukas 5:35

Taan maai oka en témpona si pengantén tuama indon é tou walina an uner éra wo asi témpo ituo séra muasa.”

Yohanes 16:6

Taan ampa'paan aicua-Kuo sapaoka Aku maangém, siituo en até miow wendu keli.

Yohanes 3:29

Ang kinawéngan, si pengantén tuama makaanu si pengantén wéwéné. Wo si karapi i pengantén tuama si makatulung an duruna arui tutuw sia luminga in suarana. Taniitu ka'i mai wo yaku si Yohanes, intarépé' aku mendam in arui keli ampa'paan keli tou mai a si Yesus.

Kisah Para Rasul 14:23

Wo séra in dua sumisir sé penatua torona é jamaat itu. Séra sumombayang wo muasa en sumarakan sé penatua itu a si Casuruan si paémanen éra.

1 Korintus 7:5

Sé mempenanaan, si esa wo si esa ra'ica toro kumélong méma' ing kewajipan itu, aluar en itu pineroma'o miow in dua, ampa'paan e mindo témpo ra'ica talos uré en sumombayang. Taan makasombayang ako, menonouo sumawel tanu mempenanaan, ampa'paan kamu ra'ica makatang méma' ing kasalé'an in owak iow. Wo in taniitu si kikiiten é sétang ra'ica makawoo tumawér icamu méma' ing kamesé-meséaan.

2 Korintus 11:27

Yaku ra'ica mento' menawo-nawoi akar i makepé, yaku makakeli-keli ra'io matekel, ra'io makan, ra'ica maelep, makakeli-keli ka'i ra'io wana kakanen, kautingan ampa'paan eng karai ra'ica maawes.

Wahyu 19:9

Wo icua i malaékat a yaku, “Ipatico mio' in tana'i: ‘Pakakamangen sé tou nienot am pésta kawéng i Toyaang i Domba.’ ” Wo icua ka'i i malaékat itu a yaku, “Si aicuaku anio' wutul, e nunuwuun anio' nunuwuun i Amang Kasuruan.”

Wahyu 21:2

Kaséréanku ka'i eng kota le'nas, siituo en Yerusalem weru, tumumpamai an sorga asi Amang Kasuruan owo. Eng kota itu tu'tulo kaputé i esa pengantén wéwéné si pinasungo en sumungkul si pengantén tuama.