Matius 8:9 - En Taar Weru a nunuwu' é Tontemboan

⁹ Ampa'paan yaku awéané' kikiiten sé maperénta yaku. Wo ka'i yaku awéan suraro sé paperéntanku. Sa peréntanku esaan asé suraro-suraro itu ‘Mangé!’, tantu sia mangé. Wo sa peréntanku si esa ‘Mai!’, tantu sia mai, kuma'pa ka'i a si ataku, ‘Tawoien si anio'!’, tantu tawoienna.”

Matius 8:9 ပူးပေါင်းရင်းမြစ်များ

Matius 8:10

Kelinga in itu, si Yesus mangaya'ka' wo icua-Na ai séra sé makiit Sia, “En ulitna icua-Ku mangé ai camu, ra'ipé' kawisa ipeta'up-Ku em paémanen wangko' tanu si anio' mandé esake' tou an uner é tou Israel.

Matius 8:8

Taan icua i perwira itu, “Tuang, ra'ica patus aku tumerima si Tuang am baléku, taan icuao mai esa nuwu'ke', tantu si ataku masama' oka.

Markus 1:27

Pakasa sé tou am bitu mangaya'ka', akar séra mengkuanan, “Sapa en anio'? En anio' sususuien weru! E nuwu'-Na wuta ing kawasa, akar sé roh léwo' ka'i kumiit im perénta-Na.”

Lukas 4:39

Wo si Yesus mangé tumulung an duru i wéwéné itu wo yusér-Na en sakit paso' i inang émpo i Simon wo masama'. Si wéwéné itu makala'us tumoor wo selewiranna séra.

Lukas 7:8

Ampa'paan aku awéané' kikiiten sé maperénta yaku. Wo ka'i aku, awéan suraro sé paperéntanku. Wo sa peréntanku esaan asé suraro itu: ‘Mangé!’, tantu sia mangé. Wo sa peréntanku si esa suraro: Mai!, tantu sia mai. Wo sa peréntanku si ataku, ‘Tawoien en anio'!’, tantu tawoienna.”

Lukas 9:1

Tinowa i Yesus sé sangapulu' rua murit-Na wo wéan-Na ing kaketeran wo ing kawasa ai séra wosama' ro'na musér sé roh léwo' wo sumama' in saki-sakit é tou.

Kolose 3:22

Éi ata-ata, pengakiiten angé em perénta i tuang iow ang kayo'baan anio' sapake' mangé en airu'du'na. Tioo kamu asalo mengaturu' in le'tek an diorna e mengaarui in aténa, taan male'te-le'teko mangé kamu ang karapi in lekep en até ampa'paan kamu maindé' a si Casuruan.

Titus 2:9

Musti sina'uenmu ka'i sé ata wosama' séra le'tek a sé tuang éra am baya-waya wo marui in até i tuang éra wo ra'ica toro masangkal a si tuang éra.