Matius 8:6 - En Taar Weru a nunuwu' é Tontemboan

⁶ “Tuang, si ataku makatekel oka am balé ampa'paan ing késo', sia wenduo keli.”

Matius 8:6 ပူးပေါင်းရင်းမြစ်များ

Matius 4:24

Wo icaseraro en abar andumoro' i Yesus am pakasa in Siria, ampa'paan in ituo séra mai ai Sia. Wo iwali éra mai pakasa sé tou sé membam-balinaan en sakit, sé mawendu, sé rinasuk é sétang, sé sumakit ayan wo sé késo' wo séra im baya sinama'-Na.

Matius 8:7

Icua i Yesus ai sia, “Maai oka Aku en sumama' sia.”

Matius 9:2

Wo paalinai é tou a si Yesus si esa tou késo' aitekel am patekelanna. An tutuw sérén-Na em paémanen éra, kinailekan-Nao sapaoka séra maéman ai Sia, wo icua-Na a si tou késo' itu, “Ketereno mangé en atému éi toyaang-Ku, eng kamesé-meséaanmu niampungano.”

Kisah Para Rasul 10:7

An tutuw i malaékat itu tumela'u si Kornelius, wo towanna sé rua tou atana wo si esa suraro si mengakawal sia. Si suraro itu tou le'tek mengakiit ing kasalé'an i Amang Kasuruan.

Kisah Para Rasul 8:7

An tutuw itu ka'i, si Filipus imusér sé sétang irumasuk sé tou keli wo sé sétang itu makala'us kumesot ang karapi i mengangko-ngangko'. Kelian ka'i sé tou késo' wo kénto' sé sinama'na.

Kisah Para Rasul 9:33

Am bitu sia meta'up wo si esa tuama, makangaran Eneas. Si Eneas anio' waluo ngata'un asalo oka imakatekel ampa'paan makésoo.

Kolose 3:11

Wo in taniitu, kamu sé mamualio weru, ra'io wana em bédana, tou Yunani kuma'pa tou Yahudi, tou sinunat kuma'pa tou ra'ica sinunat, tou Barbar kuma'pa tou Skit, ata kuma'pa ra'ica ata, pakasa waya puté. Taan si penting keli si Kristus wo Sia menonouo an owak iow im baya.

Kolose 4:1

Éi tuang-tuang, mengaéma'o mangé sé wutul a sé ata miow wo wééo mio' waya sapa e mamuali hakna. Weroteno mangé sapaoka kamu ka'i awéan Tuang an sorga.

Filemon 1:16

Intarépé' sia ra'ica asaloke' atamu taan lumébé mai wo in itu. Ampa'paan sia mamualio poow an esa paémanen si paupu-upus. Sa ciit yaku, sia tanuo siitu, lébé-lébépé' ka'i ai co, tantu sia lébé ipaupu-upusmu ampa'paan sia atamu wo ka'i intarépé' sia tanu poowmu an esa paémanen a si Apo' Yesus.