Matius 8:4 - En Taar Weru a nunuwu' é Tontemboan

⁴ Wo icua i Yesus ai sia, “Ta'néieno mangé, tioo icuamu en anio' a si séike' mangé, taan mangéo ipapaturu' en owakmu a si imam wo mééo mio' raragés binatang pinokol tanu si aiperénta i Musa, en itu tanu tuus ai séra.”

Matius 8:4 ပူးပေါင်းရင်းမြစ်များ

Matius 10:18

Iwali oka éra ka'i kamu an dior é makakawasa wo sé kolano ampa'paan kamu mengakua in andumoro' Yaku. Wo en témpo itu musti pakén iow en sumairi andumoro' Yaku ai séra wo a sé bangsa sé ra'ica makatuus si Amang Kasuruan.

Matius 16:20

Wo péronen i Yesus sé murit-Na wosama' tioo ipakua-kua éra a si séike' mangé sapaoka Sia Mesias.

Matius 17:9

An tutuw éra maperos ing kuntung, icua i Yesus ai séra, “Ra'ipé' toro icua miow a sé tou walina sapa en sinéré miow tarépé'! Icua oka miow en itu sa si Toyaang i Tou tumouo sumawel an uner é tou imaté.”

Matius 3:15

Wo isowat i Yesus ai sia, “Mandéo ico e maptis Yaku. Wo in taniitu niéma'tao eng kasalé'an i Amang Kasuruan.” Kelinga in itu, kiitan i Yohanes en aicua i Yesus.

Matius 5:17

“Tioo paweroten iow sa Aku maai ang kayo'baan e mai misi in ukum Torat kuma'pa ing kitap é nabi. Yaku mai ra'ica misi in itu taan mai lumekep waya in itu.

Matius 6:1

“Ta'néieno mangé, tioo paémaan iow en atoran in agama an dior é tou wosama' sérén éra wo irayo éra kamu, ampa'paan sa kamu maéma' tanu siitu, ra'ica kéréan iow en laasa i Amang iow an sorga.

Matius 9:30

Asi témpo ituke' séra ro'nao maséré. Wo ang kerapi in depet ilupu-Na ai séra, “Tioo ipakua-kua a si séike' mangé tumambisa em beren iow ro'na maséré.”

Markus 13:9

Anaé, matéi-téiro mangé kamu! Ampa'paan kamu tangkaan oka é tou wo isarakan éra an sidang agama wo pangkuren éra am balé paapo'an é agama Yahudi. Iwali éra kamu an dior i gubernur wo a sé kolano ampa'paan kamu makiit Yaku. Asi témpo ituo kamu ro'na kumua a sé tou keli andumoro' in Abar Kaaruien.

Markus 3:12

Taan séra pinéro repet i Yesus eng kumua sa si séi Sia.

Markus 5:43

Wo wutu-wutul pinéro i Yesus séra, wosama' ra'ica isisil éra eng kamamualian itu a sé tou walina. Kekawus in itu ru'du'-Na séra e méé kanen a si toyaang itu.

Markus 6:11

Taan sa asi esa tampa ra'ica kiim é tou tumerima wo ra'ica kiim luminga icamu, tela'uo mio' en tampa itu. Wo itangkaro' mio' en awu ang kécéi iow, tanu tata'néi ai séra.”

Markus 7:36

Aitaar i Yesus ai séra wosama' ra'ica ipepaar éra a si séiké' mangé eng kamamualian itu. Taan mandé séra peméro-méronen-Na, makaaweske' taré pengua-ngua éra.

Markus 8:30

Wo pinéro keli i Yesus séra wosama' ra'ica toro ipakua-kua éra a si séike' mangé andumoro' Sia.

Markus 9:9

An tutuw éra imaperos ing kuntung, itaar i Yesus ai séra wosama' ra'ica toro ipepaar éra a si séike' mangé sapa en sinéré éra itu, sa si Toyaang i Tou ra'ipé' tumou sumawel an uner é tou imaté.

Lukas 17:14

Wo séra téintengen i Yesus wo icua-Na, “Mangém kamu a sé imam wo ituru'o mio' en owak iow ai séra.” Ang karoro'an éra i mawaya', séra imasama'o.

Lukas 21:13

Ang karoro'an iow paakimen, asi oras ituo en témpo miow masairi andumoro' in Abar Kaaruien i Amang Kasuruan.

Lukas 4:41

Wo a sé tou keli kumesot ka'i sé sétang wo mengangko-ngangko', “Icoo si Toyaang i Amang Kasuruan.” Wo péronen i Yesus séra, ra'ica iwéé-Na rumoma' ampa'paan kailekano éra sapaoka Sia itu si Kristus.

Lukas 5:14

Wo péronen i Yesus si tou itu wosama' tioo icuana a sé tou sapaoka si Yesus en isumama' in sakitna. Wo icua i Yesus, “Mangé ipapaturu' en owakmu a si imam wo mééo mio' raragés binatang pinokol tanu si aiperénta i Musa tanu tuus ai séra sa ko imasama'o.”

Lukas 8:56

Sé matu'a i toyaang itu mangaya-ngaya'ka' isuméré in itu. Taan pinéro i Yesus séra wosama' ra'ica sisil éra a si séike' mangé andumoro' ing kamamualian itu.

Lukas 9:21

Wo uli-ulit péronen i Yesus sé murit-Na wosama' ra'ica ipakua-kua éra en andumoro' in itu a si séike' mangé.

Yohanes 5:41

Yaku ra'ica maperlu in siriin é tou.

Yohanes 7:18

Si tou makua mapakéke' im bewerotna in esa, sia maéré-éréke' ing kasiri'an in owakna in esa. Taan si tou si mengaéré ing kasiri'an torona Sia si mutusai si tou itu, tantu sia makua im butul wo ra'ica mengatowo.

Yohanes 8:50

Yaku ra'ica maéré-éré in siriin é tou. Taan awéan si Esa si masalé' Yaku in siriin. Siao ka'i e mamuali akim.